რატომ არ უნდა აგულიანებდნენ ხელმძღვანელები მათ, ვინც საკუთარი სქესის ადამიანების მიმართ განიცდიან ლტოლვას, შექმნან ჰეტეროსექსუალური ოჯახი?

ქორწინება წამალი არ არის

„ჩვენ არ ვეუბნებით ადამიანებს, რომ ჰეტეროსექსუალური ქორწინება პანაცეაა. ამ საიტზე იხილავთ, რომ ზოგიერთ შემთხვევაში ეს შედეგიანი აღმოჩნდა ანუ რამდენიმე შემთხვევაში აღინიშნა, რომ ქორწინებისა და შვილების აღზრდის შედეგი არის ის სიხარული, რომელმაც მათი ცხოვრება აღავსო და დალოცა. მაგრამ ჩვენ ვიცით, რომ ეს ყოველთვის ასე არ არის. და ეს ყოველთვის არ მთავრდება წარმატებით. ზოგჯერ ეს უბედურების მომტანია. ჩვენ ვფიქრობთ, რომ ეს ისეთი რამ არის, რაც ყოველმა ადამიანმა თავად უნდა შეაფასოს და ამის განხილვა შესაძლებელია როგორც სამღვდელოების ხელმძღვანელებთან, ისევე ოჯახთან და სხვებთან, ვინც ამ გადაწყვეტილებას იღებს. ჩვენ უბრალოდ არ ვდგავართ მყარ პოზიციაზე და არ ვამბობთ: „კი, ყოველთვის“ ან „არა, არასდროს“ (დ. ტოდ კრისტოფერსონი, „ამ ვებგვერდის მიზანი“, ChurchofJesusChrist.org).