ធនធាននានាសម្រាប់ការគ្រប់គ្រង តម្រូវការខាងរាងកាយ
ភាពតានតឹងលើសលុបអាចប៉ះពាល់ដល់សុខភាពរបស់យើង លទ្ធភាពដើម្បីដេក និង លទ្ធភាពដើម្បីតតាំងនឹងការល្បួង ។ របបអាហារល្អ និង លំហាត់ប្រាណជួយយើងឲ្យគ្រប់គ្រងភាពតានតឹងបានល្អប្រសើរ ។ ប្រសិនបើអ្នកកំពុងមានបញ្ហាខាងរាងកាយ សូមជ្រើសរើសប្រកបដោយការអធិស្ឋានដើម្បីជ្រើសរើសសេចក្ដីណែនាំមួយ ឬពីរដែលសមស្របសម្រាប់អ្នក ។ ពុំមែនសេចក្ដីណែនាំទាំងអស់សមស្របនឹងមនុស្សគ្រប់គ្នានោះទេ ប៉ុន្តែគំនិតភាគច្រើនត្រូវតែអនុវត្តឲ្យបានយ៉ាងហោចណាស់ពីរទៅបីសប្ដាហ៍ទើបចាប់ផ្ដើមមានប្រសិទ្ធភាព ។ សូមមើលនៅក្នុងផ្នែក « គោលការណ៍ទូទៅសម្រាប់ការគ្រប់គ្រងលើភាពតានតឹង » នៅទំព័រ 17–22 សម្រាប់សេចក្ដីណែនាំបន្ថែម ។
ក
ការរៀនខិតខំធ្វើការ
-
សូមបំបែកកិច្ចការធំៗ ឬលំបាកទៅជាបំណែកកិច្ចការតូចៗ ។ប្រសិនបើវានៅតែមានអារម្មណ៍ថាពិបាកខ្លាំងពេក នោះសូមបំបែកវាបន្ថែមទៀត ។ បន្ទាប់មកធ្វើវា ។ ប្រសិនបើអ្នករង់ចាំឲ្យ « មានអារម្មណ៍ចង់ » ធ្វើការពីមុនចាប់ផ្ដើមវា នោះអ្នកត្រូវរង់ចាំយ៉ាងយូរ ។ សូមចាប់ផ្ដើម ហើយកម្លាំងចិត្តនឹងកើតមានតាមក្រោយ ។
-
បោះជំហានដោយខ្លួនឯង ។ សូមផ្លាស់ប្ដូរការងារដែលអ្នកធ្វើ ហើយកុំធ្វើសកម្មភាពតែមួយយូរពេក ។ សូមរំឭកខ្លួនឯងថា អ្វីទាំងអស់ដែលខ្ញុំត្រូវធ្វើនៅពេលនេះគឺ____ ។
-
សូមដេកឲ្យបានគ្រប់គ្រាន់ បរិភោគអាហារល្អៗ ទឹក និងលំហាត់ប្រាណដើម្បីឲ្បានកម្លាំងដែលអ្នកត្រូវការ ។
-
សូមស្វែងរក ហើយស្វាគមន៍ការគ្រាំទ្រ សេចក្ដីណែនាំ និងការលើកទឹកចិត្តនានាពីមនុស្សដទៃទៀត ។ សូមគាំទ្រ ហើយលើកទឹកចិត្តដល់មនុស្សដទៃផងដែរ ។
-
សូមសម្ដែងការដឹងគុណ ។ ចូរមានអំណរគុណពុំមែនតែចំពោះពរជ័យរបស់អ្នកប៉ុណ្ណោះទេ ប៉ុន្តែចំពោះឧបសគ្គ និងសត្រូវ ព្រមទាំងអ្វីដែលអ្នកអាចរៀនពីរឿងទាំងនោះផងដែរ ។ ការណ៍នេះនឹងបើកទ្វារសម្រាប់ព្រះអម្ចាស់ដើម្បីប្រទានពរ ហើយជួយដល់អ្នក ។
ខ
ការបន្តមានសុខភាពល្អ ហើយស្វាហាប់
-
សូមសិក្សា ហើយអនុវត្តគោលលទ្ធិ និងសេចក្ដីសញ្ញា 89 ។
-
ចូរសុំការប្រសិទ្ធពរបព្វជិតភាពមួយ ។
-
សូមធ្វើតាមសេចក្ដីណែនាំផ្នែកសុខភាពរបស់អ្នកផ្សព្វផ្សាយសាសនាដើម្បីពង្រឹងប្រព័ន្ធការពាររបស់អ្នក ។ សូមចូលដេកឲ្យទាន់ពេល ។ សូមផឹកទឹកស្អាត 6–12 កែវ ក្នុងមួយថ្ងៃ អាស្រ័យទៅលើអាកាសធាតុ ។ លើកលែងតែពេលតមអាហារចេញ សូមកុំខកខានក្នុងការបរិភោគអាហារ ជាពិសេសអាហារពេលព្រឹក ។ ចៀសវាងអាហារដែលមានជាតិស្ករ ។ លេបថ្នាំវីតាមីនចម្រុះរាល់ថ្ងៃ ។ សូមបរិភោគអាហារដែលមានជាតិប្រូតេអ៊ីនរាល់ថ្ងៃ ( ឧទាហរណ៍ សណ្តែកដី តៅហ៊ូ សណ្ដែក ទឹកដោះគោ ទឹកដោះគោជូរ ហ្វ្រូម៉ា ស៊ុត ត្រី បសុបក្សី សាច់ ) ។ សូមលាងដៃរបស់អ្នកជារឿយៗ ឬប្រើទឹកអនាម័យសម្រាប់លាងដៃ ជាពិសេសប្រសិនបើដៃគូរបស់អ្នកឈឺ ។ ប្រសិនបើអាហារគួរដាក់ក្នុងទូរទឹកកក សូមកុំទុកវាចោល—បើមិនទុកចិត្ត សូមបោះវាចោល ។
-
សូមធ្វើលំហាត់ប្រាណជាទៀតទាត់ ។ ការធ្វើលំហាត់ប្រាណរយៈពេលសាមសិបនាទីជារៀងរាល់ថ្ងៃពង្រឹងប្រព័ន្ធការពាររបស់អ្នក បង្កើនកម្លាំងរបស់អ្នក ហើយធ្វើឲ្យអារម្មណ៍របស់អ្នកនឹងន ។ ប្រសិនបើអ្នកដើរ ឬជិះកង់ពេញមួយថ្ងៃ សូមធ្វើអ្វីដែលប្លែកពីនេះសម្រាប់លំហាត់ប្រាណរបស់អ្នក ។ (សូមមើល ប្រកាសដំណឹងល្អរបស់យើង ទំព័រ VIII ) ។
-
សូមស្លៀកពាក់ស្របតាមអាកាសធាតុ ។ ប្រសិនបើវាក្ដៅ ឬហប់ខុសពីធម្មតា សូមចែកពេលវេលានៅក្នុងសកម្មភាពជាអ្នកផ្សព្វផ្សាយសាសនារបស់អ្នក ដើម្បីអ្នកអាចចំណាយពេល30–60 នៅក្នុងម្លប់ ឬមានម៉ាស៊ីនត្រជាក់ ។ សូមបើកទឹកត្រជាក់ដាក់លើ-កដៃ ឬលើកញ្ចឹង-កដើម្បីកាត់បន្ថយកម្ដៅ ហើយពាក់សំលៀកបំពាក់ការពារកម្ដៅថ្ងៃ និងពន្លឺ ។ ប្រសិនបើវាត្រជាក់ខ្លាំង សូមពាក់អាវក្រៅ ស្រោមដៃ និងមួក ( កម្ដៅក្នុងខ្លួនភាគច្រើនបាត់បង់ទៅនៅត្រង់ក្បាល ) ។ ជាទូទៅ សូមធ្វើតាមការណែនាំដែលបានទទួលពីប្រធានបេសកកម្មស្ដីពីអាកាសធាតុដែលអ្នកនឹងជួបពេលធ្វើការ ។
-
សូមរក្សាកន្លែងស្នាក់នៅរបស់អ្នកឲ្យស្អាត ហើយគ្មានធូលី ។ នេះជាការសំខាន់ណាស់ ប្រសិនបើអ្នកមានការផ្ដាសាយ ឬប្រតិកម្មនឹងអ្វីមួយ ។ សូមបោកកន្សែង និង កម្រាលពូកឲ្យបានទៀងទាត់ដើម្បីកាត់បន្ថយការប្រតិកម្ម ។ កន្លែងស្នាក់នៅដែលស្អាតក៏នឹងលើកកម្ពស់វិញ្ញាណរបស់អ្នកផងដែរ ។
គ
ការគ្រប់គ្រងការឈឺក្បាល ពោះវៀន ឬសាច់ដុំ
-
សូមអនុវត្តការសម្រាកខាងរាងកាយ ។ ការណ៍នេះអាចជួយអ្នកកាត់បន្ថយរោគសញ្ញាខាងរាងកាយ ដូចជាការឈឺក្បាល ការឈឺពោះ ការរាគ ការឈឺខ្នង ការឈឺសន្លាក់ឆ្អឹង ការចុកបេះដូង ពិបាកដកដង្ហើម ឬការមានអារម្មណ៍ភ័យខ្លាច ។ ដើម្បីបង្ហាត់រាងកាយរបស់ឲ្យសម្រាក សូមអនុវត្តលំហាត់សម្រាកលំហែដែលធ្វើឲ្យមានការរីកចម្រើន ( ទំព័រ 19 ) ឬលំហាត់ដកដង្ហើម ( ទំព័រ 18 ) ជារៀងរាល់ថ្ងៃយ៉ាងហោចណាស់បីសប្ដាហ៍ ។ ផងដែរ នៅពេលអ្នកមានរោគសញ្ញា ឬ មានអារម្មណ៍តានតឹងខ្លាំង សូមប្រើជំនាញទាំងនេះដើម្បីកាត់បន្ថយភាពតានតឹង ហើយធ្វើឲ្យអារម្មណ៍បានធូរស្រាល ។
-
សូមបំបែកការងាររបស់អ្នកជាបំណែកតូចៗ ហើយធ្វើវាម្ដងមួយៗ ។ នៅជំហាននីមួយៗ សូមរំឭកខ្លួនឯងថា « អ្វីទាំងអស់ដែលខ្ញុំត្រូវធ្វើនៅពេលនេះគឺ____ » ។ ឧទាហរណ៍ « អ្វីទាំងអស់ដែលខ្ញុំត្រូវធ្វើនៅពេលនេះគឺទូរស័ព្ទទៅអ្នកដឹកនាំបេសកកម្មវួដ » ឬ « អ្វីទាំងអស់ដែលខ្ញុំត្រូវធ្វើនៅពេលនេះគឺស្លៀកពាក់សម្រាប់ថ្ងៃនេះ » ។
-
សូមរក្សាកំណត់ត្រាមួយសម្រាប់រយៈពេលមួយសប្ដាហ៍ ។ ការណ៍នេះនឹងជួយអ្នកមើលឃើញពីពេលដែលរោគសញ្ញាខាងរាងកាយរបស់អ្នកកើតមាន ( សូមមើលឧទាហរណ៍ខាងលើ ) ។ សូមរកមើលលំនាំ ។ ឧទាហរណ៍ អ្នកអាចកត់សម្គាល់ថា អ្នកហាក់ដូចជាមានអារម្មណ៍ថា មិនសូវស្រួលខ្លួន ៖
-
នៅក្នុងកាលៈទេសៈជាក់លាក់មួយចំនួន ( ដូចជា នៅថ្ងៃអាទិត្យ ពេលអ្នកនៅជាមួយនឹងពួកអ្នកដឹកនាំ ឬពេលអ្នកពុំបានបរិភោគអាហារអស់រយៈពេលពីរបីម៉ោង ) ។
-
នៅពេលអ្នកគិតពីរបៀបជាក់លាក់មួយ ( ដូចជាពេលអ្នកគិតពីការផ្លាស់ប្ដូរ ឬគិតថាអ្នកគួរធ្វើអ្វីមួយដែលប្រសើរជាងនេះ ) ។
-
នៅពេលអ្នកមានអារម្មណ៍ជាក់លាក់មួយចំនួន ( ដូចជា ការភ័យខ្លាចចំពោះការហៅទូរស័ព្ទ ឬកំហឹងដែលអ្នកពុំចង់លើកឡើង ) ។
សូមមើលប្រសិនបើមានរបៀបមួយដើម្បីដឹងពីស្ថានការនោះ ( ដូចជាការយកអាហារសម្រន់ដែលមានសុខភាពល្អទៅជាមួយអ្នក ) សូមផ្លាស់ប្ដូរគំនិតរបស់អ្នក ( សូមមើល « ការតតាំងនឹងការគិតអវិជ្ជមាន » នៅទំព័រ 21 ) ឬ រំងាប់អារម្មណ៍របស់អ្នក ( សូមមើល « ការឆ្លើយតបដោយវិជ្ជមានចំពោះភាពតានតឹង » នៅទំព័រ 17 ) ។ សូមស្វែងរកសេចក្ដីណែនាំបន្ថែមទៀតនៅក្នុង « ធនធានសម្រាប់ការគ្រប់គ្រងតម្រូវការខាងអារម្មណ៍ » នៅទំព័រ 29–34 ។
-
-
សូមស្វែងរកការយកចិត្តទុកដាក់ខាងវេជ្ជសាស្ត្រ ។ប្រសិនបើរោគសញ្ញានៅបន្តមាន ឬអ្នកមានរបួស សូមប្រឹក្សាជាមួយប្រធានបេសកកម្មរបស់អ្នកដើម្បីទទួលបានជំនួយខាងវេជ្ជសាស្ត្រ ។
-
សូមបំភ្លេចខ្លួនឯង ។ប្រសិនបើអ្នកកត់សម្គាល់ពីគំនិតដូចជា « ខ្ញុំនឹងភ្លេចអ្វីដែលខ្ញុំត្រូវនិយាយ » ឬ « ខ្ញុំកំពុងកហុកខ្លួនឯងហើយ » នោះសូមរំឭកខ្លួនឯងថា មនុស្សគ្រប់គ្នាធ្វើខុស ហើយព្រះអម្ចាស់ជ្រើសរើសធ្វើការតាមរយៈអ្នកទន់ខ្សោយ ហើយសាមញ្ញ ( សូមមើល គ. និង ស. 1:24–28 ) ។
ឃ
ការដេក ការចូលដេកទាន់ពេល
-
ស្ងប់ស្ងៀម ហើយសម្រាកអំឡុងម៉ោងចុងក្រោយនៃថ្ងៃនោះ ។ សូមសរសេរនៅក្នុងសៀវភៅកំណត់ហេតុ មានអាហារសម្រន់ដូចជាទឹកដោះគោ ឬផ្លែឈើ ស្ដាប់តន្ត្រីសមរម្យ និយាយជាមួយដៃគូ ឬអនុវត្តជំនាញសម្រាកលំហែកាយ ។ ប្រសិនបើអ្នកមានការងារត្រូវធ្វើនៅអំឡុងម៉ោងនេះជារឿយៗ សូមដាក់នាឡិការោទិ៍ទីពីរ ហើយកំណត់វា 30 នាទីពីមុនអ្នកគួរចូលទៅដេក ។ នៅពេលវារោទិ៍ឡើង សូមឈប់ធ្វើការ ។ សូមចាប់ផ្ដើមសម្រាក ហើយរៀបចំខ្លួនចូលដេក ។
-
សូមកុំដេកថ្ងៃ ប្រសិនបើអ្នកមានបញ្ហាដេកមិនលក់ ។ ការធ្វើបែបនេះអាចធ្វើឲ្យអ្នកមិនងងុយដេកនៅពេលយប់ ។ សូមចូលដេកតាមម៉ោងកំណត់ជំនួសវិញ ។ ប្រសិនបើដេកថ្ងៃ សូមកុំដេកលើសពី 20 នាទី ។
-
សូមធ្វើតាមទម្លាប់មួយរៀងរាល់យប់ ។ ការណ៍នេះនឹងបង្វឹកដល់រាងកាយរបស់អ្នកថា ដល់ពេលចូលដេកហើយ ។ ឧទាហរណ៍ សូមប្រើលំហាត់សម្រាកលំហែដែលធ្វើឲ្យមានការរីកចម្រើននៅទំព័រ 19 ។ វាប្រហែលជាមានប្រយោជន៍ដើម្បីឈប់ធ្វើអ្វីទាំងអស់នៅពេលដេក ( ដូចជាការអាន ឬបរិភោគអាហារ ) ក្រៅពីការដេក ។
-
សូមសរសេរបញ្ជីមួយពីអ្វីដែលធ្វើឲ្យអ្នកដេកមិនលក់ ។ បន្ទាប់មកសូមដាក់វានៅដោយឡែក ដោយដាក់គំនិតរបស់អ្នកឲ្យសម្រាករហូតដល់អ្នកនឹងមិនបំភ្លេចអ្វីមួយដែលសំខាន់ ។ សូមរំឭកខ្លួនឯងថា អ្នកនឹងធ្វើផែនការជាក់លាក់នានានៅពេលព្រឹក ។ សូមផ្ដោតការអធិស្ឋានពេលយប់របស់អ្នកលើការថ្លែងអំណរគុណ និងការរាយការណ៍ពីអ្វីដែលអ្នកបានរៀននៅថ្ងៃនេះ ។
-
សូមដំឡើង ឬបន្ថយកម្ដៅ ។ វានឹងកាន់តែពិបាកដេក ប្រសិនបើអ្នកអារម្មណ៍ថាក្ដៅ ឬត្រជាក់ពេក ។ សូមងូតទឹកត្រជាក់ ឬមានភួយបន្ថែមទៀត ។
-
សូមចៀសវាងអាហារមានជាតិស្ករ ឬធ្វើលំហាត់ប្រាណមួយម៉ោងពីមុនចូលដេក ។
-
សូមកុំបារម្ភពីការដេក ។ ប្រសិនបើអ្នកធ្វើឲ្យសាច់ដុំ និង គំនិតសម្រាក នោះអ្នកនឹងសម្រាកទោះជាអ្នកមិនទាន់ដេកលក់ក៏ដោយ ។
-
សូមបាំងពន្លឺឲ្យបានច្រើនតាមអាចធ្វើបាន និង ទប់សំឡេងរំខានពីកង្ហារ ឬដាក់ប្រដាប់បិទត្រចៀក ។ សូម្បីតែពន្លឺ ឬសំឡេងរំខានតូចមួយ ធ្វើឲ្យមនុស្សមួយចំនួនដេកមិនលក់ ។
ង
ការក្រោកពីដេកទាន់ពេល
-
ដំបូង សូមក្រោកពីដេកទាន់ពេល ។ ប្រសិនបើអ្នកដេកមិនគ្រប់ សូមចូលដេកមុន 30 នាទី ។ ( សូមមើល ការប្រកាសដំណឹងល្អរបស់យើង ទំព័រ VIII ) ។
-
សូមធ្វើលំហាត់ប្រាណជាទៀងទាត់ ។ បន្ទាប់ពីបីទៅបួនសប្ដាហ៍នៃការធ្វើលំហាត់ប្រាណ 30 នាទីក្នុងមួយថ្ងៃ នោះអ្នកប្រហែលជាសង្កេតឃើញថាអ្នកត្រូវការដេកតិច ។ នៅពេលរាងកាយរបស់អ្នកកាន់តែរឹងមាំ វាមានកម្លាំងកាន់តែច្រើន ហើយមានការសម្រាកកាន់តែងាយស្រួល ។ ( សូមមើល ប្រកាសដំណឹងល្អរបស់យើង ទំព័រ VIII ) ។
-
សូមចៀសវាងបរិភោគអាហារមានជាតិស្ករពីមុនចូលដេក ។ ការធ្វើបែបនេះប្រហែលជាជួយអ្នកឲ្យអារម្មណ៍ងងុយដេកតិចនៅពេលព្រឹក ។
-
សូមរៀបចំផែនការដោយវិជ្ជមាន ។ រាល់យប់នៅម៉ោង 9:00 យប់ សូមរៀបចំសម្រាប់ការមានពេលព្រឹកមួយវិជ្ជមាន ហើយមានប្រយោជន៍ ដើម្បីអ្នកនឹងមានអារម្មណ៍ថាចង់មានវា ។ សូមពិនិត្យមើលឡើងវិញនូវផែនការរបស់អ្នកជាមួយនឹងព្រះអម្ចាស់ក្នុងការអធិស្ឋាន ។ សូមសរសេរការបំផុសគំនិត ឬគំនិតនានាដែលកើតមានក្នុងគំនិត នៅពេលអ្នកអធិស្ឋាន ហើយរៀបចំធ្វើតាមការបំផុសគំនិតទាំងនោះ ។ ការដាក់ផែនការប្រចាំថ្ងៃអាចធ្វើឲ្យគំនិតរបស់អ្នកមានការសម្រាកពេញលេញ នៅពេលអ្នកចូលដេក ។
-
រៀបចំកម្មវិធីសម្រាប់ខួរក្បាលរបស់អ្នក ។ សូមប្រាប់ខ្លួនឯងថា នៅយប់ម្សិលមិញពីពេលវេលាដែលអ្នកចង់ពីដេក ។
-
សូមដាក់នាឡិការោទិ៍ភ្ជាប់ទៅនឹងភ្លើង ។ ដាក់នាឡិការោទិ៍នោះឲ្យបើកភ្លើង 15–20 នាទី ពីមុនម៉ោងក្រោកពីដេក ។ ពន្លឺនឹងផ្ដល់សញ្ញាទៅដល់ខួរក្បាលរបស់អ្នកឲ្យក្រោកពីដេក ។
ច
ការបរិភោគអាហារដែលធ្វើឲ្យសុខភាពល្អ
-
សូមទទួលយកគំនិតពីអ្នកដឹកនាំបេសកកម្ម ។សូមសួរពីគាត់ពីរបៀបធ្វើម្ហូប និងអាហារដែលធ្វើឲ្យសុខភាពល្អនៅក្នុងតំបន់របស់អ្នក ។
-
សូមរៀបចំផែនការពីមុនទៅផ្សារ ។ រៀបចំផែនការមួយសម្រាប់អាហារ និងអាហារសម្រន់ដែលធ្វើឲ្យសុខភាពល្អពីមុនអ្នកទៅផ្សារទិញម្ហូប ។
-
បរិភោគអាហារផ្សេងៗពីគ្នា ។ មានគោលបំណងបរិភោគផ្លែឈើយ៉ាងហោចណាស់ប្រាំផ្លែ ឬបន្លែមុខជារៀងរាល់ថ្ងៃ ប្រសិនបើមាន ។
-
បរិភោគអាហារមានជាតិប្រូតេអ៊ីនរាល់ថ្ងៃ ។ អាហារដែលមានប្រូតេអ៊ីនខ្ពស់ រួមមាន សណ្តែកដី សណ្ដែក តៅហ៊ូ ទឹកដោះគោ ទឹកដោះគោជូរ ហ្រ្វម៉ា ស៊ុត ត្រី បសុបក្សី និងសាច់ ។
-
កាត់បន្ថយជាតិស្ករ ហើយចៀសវាងជាតិកាហ្វេអ៊ីន ។ សារធាតុទាំងពីរនេះនឹងធ្វើឲ្យមនុស្សឆាប់ខឹង ហើយអស់កម្លាំង ។
-
ផឹកទឹក និងទឹកផ្លែឈើផ្សេងទៀត ។ សូមធ្វើឲ្យខ្លួនមានជាតិទឹកដោយការផឹកទឹក 6–12 កែវក្នុងមួយថ្ងៃ ផ្អែកទៅលើអាកាសធាតុ ។
-
សូមសម្រកទម្ងន់បន្តិចម្ដងៗ ។ប្រសិនបើកំពុងព្យាយាមសម្រកទម្ងន់ សូមកុំព្យាយាមសម្រកលើសពីមួយគីឡូក្រាមក្នុងមួយសប្ដាហ៍ ហើយផឹកទឹកបន្ថែម ។
ឆ
ការមានកម្លាំងចិត្តដើម្បីធ្វើលំហាត់ប្រាណ
-
សូមអធិស្ឋានឲ្យមានបំណងប្រាថ្នាដើម្បីធ្វើលំហាត់ប្រាណ ប្រសិនបើអ្នកមានការលំបាកចំពោះការតាំងចិត្ត ។ បន្ទាប់មក ចាប់ផ្ដើមដោយការប្រាប់ខ្លួនឯងថា អ្នកត្រូវធ្វើវាតែប្រាំនាទីប៉ុណ្ណោះ ។ ជាធម្មតា កម្លាំងចិត្តកើតមានតាមក្រោយសកម្មភាព ។ និយាយម្យ៉ាងទៀត យើងមានកម្លាំងចិត្តកាន់តែច្រើន នៅពេលយើងបានផ្ដើមធ្វើវា ។
-
រំឭកខ្លួនឯងពីគុណប្រយោជន៍នៃលំហាត់ប្រាណ ។ សូមស្រមើស្រមៃពីការមានប្រព័ន្ធការពារល្អប្រសើរ បង្កើកកម្លាំង គ្រប់គ្រប់ភាពតានតឹងបានប្រសើរ កែសម្រួលអារម្មណ៍ និងគ្រប់គ្រងទម្ងន់បានប្រសើរ ។ គុណប្រយោជន៍ទាំងនេះក៏កើតមានចំពោះមនុស្សដែលមិនចូលចិត្តធ្វើលំហាត់ប្រាណផងដែរ ។
-
ធ្វើឲ្យវាក្លាយជាល្បែងមួយ ។ ខណៈពេលអ្នកធ្វើលំហាត់ប្រាណ សូមរៀបចំគម្រោងបម្រើមួយដ៏រីករាយ ហាត់ប្រាណជាមួយនឹងតន្ត្រីដែលបានអនុញ្ញាត ឬចែកចាយដំណើររឿងបេសកកម្មដែលចូលចិត្តជាមួយនឹងដៃគូ ។ រក្សាតារាងពិន្ទុមួយ ហើយផ្ដល់រង្វាន់ដល់ខ្លួនឯងសម្រាប់ការបំពេញគោលដៅលំហាត់ប្រាណរបស់អ្នក ដោយយកពេលនៅថ្ងៃរៀបចំខ្លួនទៅសួនច្បារ ភោជនីយដ្ឋាន ឬហាង ។
-
សូមស្វែងរកប្រភេទលំហាត់ប្រាណដែលអ្នកចូលចិត្ត (ឬ មិនសូវចូលចិត្តតិចតួច ) ។ ឧទាហរណ៍ អ្នកអាចហាត់ជាមួយតន្ត្រីដែលបានអនុញ្ញាត ដើរជាមួយដៃគូរបស់អ្នក លោតខ្សែ ពុតខ្លួនប្រាណ ឬអាវ៉ង់ កាច់ក្បាលពោះ ឬយ៉ូហ្គា ។