« ជោគជ័យនៅក្នុងសាលា ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« ជោគជ័យនៅក្នុងសាលា ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា
ការរៀបចំជីវិត ៖ ជោគជ័យនៅក្នុងសាលា
ជោគជ័យនៅក្នុងសាលា
ទិដ្ឋភាពទូទៅ
សម្រាប់មនុស្សជាច្រើន បញ្ហាប្រឈមនៅក្នុងការជោគជ័យក្នុងការសិក្សារបស់ពួកគេអាចមានអារម្មណ៍លើសលប់ ។ នៅពេលយើងរួមបញ្ចូលព្រះវរបិតាសួគ៌ និងព្រះយេស៊ូវគ្រីស្ទនៅក្នុងដំណើរការនៃការទទួលបានការអប់រំ នោះទ្រង់ទាំងទ្វេនឹងតម្កើង ហើយពង្រឹងការខិតខំប្រឹងប្រែងរបស់យើង ។ យើងទទួលស្គាល់ថា យើងទទួលខុសត្រូវចំពោះការសម្រេចចិត្តរបស់យើង និងចៀសវាងការដោះសារចំពោះការបំពេញការងារមិនបានល្អ ។ យើងអាចធ្វើតាមលំនាំដែលព្រះអង្គសង្គ្រោះបានបង្រៀន ដែលអាចជួយយើងឲ្យមានរបៀបរៀបរយជាងមុន ចៀសវាងការល្បួងឲ្យពន្យារពេល នៅពេលយើងយកឈ្នះលើការលំបាកចំពោះការអប់រំទាំងឡាយដោយមានទំនុកចិត្ត ។
ការផ្ដល់យោលបល់ស្តីពីល្បឿនបង្រៀន ៖ សូមពិចារណាបង្រៀនមេរៀនមួយចំនួន ឬទាំងអស់នៃមេរៀនទាំងនេះពេលជិតដល់ដើមឆ្នាំសិក្សា ។ ការធ្វើដូច្នេះអាចជួយសិស្សឲ្យរៀនជំនាញដ៏មានតម្លៃ ដែលជួយពួកគេឲ្យទទួលបានជោគជ័យក្នុងការសិក្សាអប់រំរបស់ពួកគេពេញមួយឆ្នាំ ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវការដើម្បីរៀបចំទុកជាមុនសម្រាប់មេរៀននីមួយៗ ។
ការធ្វើឲ្យព្រះអម្ចាស់មានចំណែកនៅក្នុងការរៀនសូត្ររបស់អ្នក
គោលបំណងនៃមេរៀន ៖ សូមជួយសិស្សឲ្យរួមបញ្ចូលព្រះអម្ចាស់ក្នុងការរៀនសូត្ររបស់ពួកគេ ។
-
ការរៀបចំសិស្ស ៖ អញ្ជើញសិស្សឲ្យជញ្ជឹងគិតពីរបៀបដែលពួកគេបានឃើញព្រះអម្ចាស់ជួយពួកគេ ឬនរណាម្នាក់ដែលពួកគេស្គាល់រៀននៅសាលា ។ ពួកគេអាចរៀបចំដើម្បីចែកចាយបទពិសោធន៍នេះជាមួយសិស្សក្នុងថ្នាក់ ។
-
សម្ភារ ៖ រៀបចំសកម្មភាពមួយដែលនឹងតម្រូវឲ្យសិស្សបំពេញកិច្ចការដោយមានជំនួយពីអ្នកដទៃ ( ដូចជាការតម្រៀបស្ករគ្រាប់ពណ៌ ពេលបិទភ្នែក )
-
មាតិកាដែលត្រូវបង្ហាញ ៖ សេចក្តីណែនាំសម្រាប់សកម្មភាពសរសេរសៀវភៅកំណត់ហេតុនៅចុងបញ្ចប់នៃមេរៀន
-
សំណៅមេរៀន ៖ « ការធ្វើឲ្យព្រះអម្ចាស់មានចំណែកនៅក្នុងការរៀនសូត្ររបស់យើង »
ការទទួលខុសត្រូវចំពោះការរៀនសូត្ររបស់អ្នក
គោលបំណងមេរៀន ៖ ជួយសិស្សឲ្យស្គាល់សកម្មភាពដែលអាចជួយឲ្យពួកគេទទួលខុសត្រូវចំពោះការរៀនសូត្ររបស់ពួកគេ ។
-
ការរៀបចំសិស្ស ៖ អញ្ជើញសិស្សឲ្យគិតអំពីកិច្ចខិតខំផ្នែកអប់រំរបស់ពួកគេជាមួយនឹងសំណួរដូចខាងក្រោម ៖
-
តើមានអ្វីខ្លះដែលខ្ញុំធ្វើបានល្អដែលជួយខ្ញុំនៅឯសាលា ?
-
តើខ្ញុំធ្វើការដោះសារញឹកញាប់ប៉ុនណា ដែលអាចជាការរារាំងដល់ការរៀនសូត្ររបស់ខ្ញុំ ?
-
-
សំណៅមេរៀន ៖ « ការទទួលខុសត្រូវ »
ការរៀបចំកិច្ចការ និងអាទិភាពទាំងឡាយ
ការផ្ដល់យោលបល់ស្តីពីល្បឿនបង្រៀន ៖ មេរៀននេះប្រើដំណើររឿងនៃការបង្កបង្កើតចេញពី អ័ប្រាហាំ ៤–៥ ដើម្បីបង្កើតលំនាំនៃលំដាប់លំដោយ និងការរៀបចំរបស់នរណាម្នាក់ដែលបានធ្វើការជ្រើសរើសដ៏បំផុសគំនិត ដោយផ្អែកលើព្រះយេស៊ូវគ្រីស្ទ និងគោលលទ្ធិរបស់ទ្រង់ ។ អ្នកអាចពិចារណាបង្រៀនមេរៀននេះនៅពេលដែលអ្នកបង្រៀនមេរៀនទី ៧ ៖ « លោកុប្បត្តិ ១:១–២៥ » ។
គោលបំណងមេរៀន ៖ ជួយសិស្សឲ្យរៀនពីរបៀបដែលគំរូរបស់ព្រះអង្គសង្គ្រោះអាចជួយនាំមកនូវភាពមានសណ្តាប់ធ្នាប់ដល់កិច្ចការសាលារបស់ពួកគេ ។
-
ការរៀបចំសិស្ស ៖ អញ្ជើញសិស្សឲ្យធ្វើបញ្ជីនៃកិច្ចការសាលាដែលពួកគេនឹងត្រូវបញ្ចប់ក្នុងសប្តាហ៍នេះ ។ ការណ៍នេះអាចរួមបញ្ចូលទាំងកិច្ចការផ្ទះ ការប្រឡង គម្រោង ឬអំណានដែលបានចាត់តាំងទាំងឡាយ ( រួមទាំងថ្នាក់សិក្ខាសាលាផងដែរ ) ។
-
មាតិកាដែលត្រូវបង្ហាញ ៖ រូបភាពនៃអ្វីមួយដែលទាមទារឲ្យមានជំហានជាច្រើនដើម្បីបញ្ចប់ ( ដូចជារូបមន្តធ្វើម្ហូប ល្បែងផ្គុំរូប ឬគម្រោងធ្វើវាដោយខ្លួនឯង ) រូបភាពនៃស្ថានសួគ៌និងផែនដី
-
សំណៅមេរៀន ៖ « ការរៀបចំ និងការផ្តល់អាទិភាពដល់កិច្ចការសាលារបស់ខ្ញុំ »
ការយកឈ្នះលើការពន្យារពេល
គោលបំណងមេរៀន ៖ ជួយសិស្សឲ្យរកវិធីដើម្បីយកឈ្នះលើការល្បួងឲ្យពន្យារពេលធ្វើកិច្ចការសាលា ។
-
ការរៀបចំសិស្ស ៖ អញ្ជើញសិស្សឲ្យមកថ្នាក់រៀនដោយរៀបចំខ្លួនយកមកនូវហេតុផលមួយចំនួនដែលក្មេងជំទង់អាចពន្យារពេលធ្វើកិច្ចការសាលារបស់ពួកគេ ។ លើកទឹកចិត្តពួកគេឲ្យរៀបចំខ្លួនដើម្បីចែកចាយអ្វីដែលពួកគេបានធ្វើ ដើម្បីធ្វើកិច្ចការ និងការងារសាលារបស់ពួកគេឲ្យទាន់ពេលវេលា ។
-
មាតិកាដែលត្រូវបង្ហាញ ៖ រូបភាពនៃសាសន៍អ៊ីស្រាអែលប្រមូលនំម៉ាន៉ា
-
សម្ភារ ៖ សម្ភារសិល្បៈសម្រាប់សិស្សប្រើប្រាស់ក្នុងការបង្កើតផ្ទាំងរូបភាព
-
វីដេអូ ៖ « ជំហានបន្ទាប់របស់អ្នក » នាទីទី ៧:៣៨ ដល់ ៨:២៩