Pagpangandam sa Kinabuhi: Magmalamposon sa Pag-eskwela

Magmalamposon sa Pag-eskwela

Kinatibuk-ang Pagpasabot

Alang sa kadaghanan, ang mga hagit aron magmalamposon sa ilang pag-eskwela mahimong mabug-at. Samtang atong apilon ang Langitong Amahan ug si Jesukristo sa proseso sa pagkuhag eduskasyon, Ilang padakoon ug palig-onon ang atong mga paningkamot. Atong ilhon nga responsibilidad nato ang atong mga desisyon ug dili kita mangatarongan dihang dili maayo ang mga resulta niini. Mahimong atong masunod ang mga sumbanan nga gitudlo sa Manluluwas nga makatabang nato nga mahimong mas organisado, malikayan ang tentasyon sa paglangaylangay, samtang masaligon kita nga mabuntog ang mga kalisdanan sa edukasyon.

Sugyot sa gipaspason: Ikonsiderar ang pagtudlo sa pipila o ang kinatibuk-an niini nga mga leksiyon sa sinugdanan sa tuig sa pag-eskwela. Ang paghimo sa ingon makatabang sa mga estudyante nga makakat-on og bililhong mga kahanas nga makatabang nila nga makasinati sa kalamposan sa ilang akademiya nga pag-eskwela sa tibuok tuig.

Pangandam sa pagtudlo

Ang mosunod nga impormasyon mohatag nimo og mga ideya kon unsay kinahanglan nimong andamon daan para sa matag leksiyon.

Paglakip sa Ginoo diha sa Imong Pagkat-on

Katuyoan sa leksiyon: Tabangi ang mga estudyante nga iapil ang Ginoo diha sa ilang pagkat-on.

• Pagpangandam sa estudyante: Dapita ang mga estudyante nga pamalandongan kon giunsa nila pagkakita nga sila o ang ilang kaila gitabangan sa Ginoo nga makakat-on diha sa eskwelahan. Pwede silang mangandam aron ipakigbahin kini nga kasinatian ngadto sa klase.

• Mga materyal: Pag-andam og kalihokan nga magkinahanglan sa usa ka estudyante nga kompletohon ang usa ka buluhaton uban ang tabang sa uban (sama sa paglahi sa mga dikolor nga kendi samtang naay taptap ang mata)

• Sulod nga ipakita: Mga instruksiyon para sa kalihokan sa pagsulat diha sa journal sa kataposan sa leksiyon

• Handout: “Paglakip sa Ginoo diha sa Inyong Pagkat-on”

Pagkahimong Responsable sa Imong Pagkat-on

Katuyoan sa leksiyon: Aron tabangan ang mga estudyante nga mailhan ang mga aksiyon nga makatabang nila nga mahimong responsable para sa ilang pagkat-on.

• Pagpangandam sa estudyante: Dapita ang mga estudyante nga hunahunaon ang ilang mga paningkamot sa pag-eskwela uban ang mosunod nga mga pangutana:

  • Unsa ang pipila ka butang nga maayo ko nga makatabang nako sa eskwelahan?

  • Unsa ka sagad kong mangita og pasangil nga makababag tingali sa akong pagkat-on?

• Handout: “Pagkahimong Responsable”

Pag-organisar sa mga Buluhaton ug mga Prayoridad

Sugyot sa gipaspason: Gigamit niini nga leksiyon ang asoy sa Abraham 4–5 sa Paglalang aron makahimog mga sumbanan sa kahapsay ug pagkaorganisado sa usa ka tawo nga naghimog dinasig nga mga desisyon base kang Jesukristo ug sa Iyang doktrina. Pwede nimong ikonsiderar ang pagtudlo niini nga leksiyon sa panahon nga imong itudlo ang Leksiyon 7: “Genesis 1:1–25.”

Katuyoan sa leksiyon: Aron tabangan ang mga estudyante nga makakat-on og mga paagi diin makatabang ang ehemplo sa Manluluwas aron mahapsay ang ilang pag-eskwela.

• Pagpangandam sa estudyante: Dapita ang mga estudyante sa paghimo og listahan sa mga buluhaton sa eskwelahan nga kinahanglang humanon karong semanaha. Mahimo kining maglakip sa homework, mga pasulit, mga proyekto, o gisangon nga mga basahon (lakip sa seminary).

• Sulod nga ipakita: Usa ka hulagway sa usa ka butang nga nagkinahanglan og daghang lakang aron makompleto (sama sa usa ka recipe, jigsaw puzzle, o buhaton sa kaugalingon nga proyekto); usa ka hulagway sa mga langit ug sa yuta

• Handout: “Paghan-ay ug Pagprayoridad sa Akong Buluhaton sa Eskwelahan”

Pagbuntog sa Paglangaylangay

Katuyoan sa leksiyon: Aron tabangan ang mga estudyante sa pag-ila sa mga paagi aron mabuntog ang tentasyon nga maglangaylangay sa buluhaton sa eskwelahan.

• Pagpangandam sa estudyante: Dapita ang mga estudyante nga mosulod sa klase nga andam sa pipila ka rason sa mga tin-edyer kon nganong maglangaylangay sila sa ilang buluhaton sa eskwelahan. Awhaga sila nga mangandam sa pagpakigbahin sa ilang gihimo aron kanunay nga dili maulahi sa ilang mga buluhaton ug asaynment sa eskwelahan.

• Sulod nga ipakita: Hulagway sa mga Israelitanga nagkuhag mana

• Mga Materyal: Mga art supply nga gamiton sa paghimog poster

• Bidyo: “Ang Inyong Sunod nga Lakang,” time code 7:38 hangtod 8:29