« យេរេមា ១–៣; ៧; ១៦–១៨; ២០ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« យេរេមា ១–៣; ៧; ១៦–១៨; ២០ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
យេរេមា ១–៣; ៧; ១៦–១៨; ២០
យេរេមា ១–៣; ៧; ១៦–១៨; ២០
ទិដ្ឋភាពទូទៅ
យេរេមាត្រូវបានតែងតាំងពីមុនជីវិតនេះដើម្បីបម្រើជាព្យាការី ។ សារលិខិតរបស់លោកទៅកាន់ពួកសាសន៍យូដាឲ្យប្រែចិត្តចេញពីផ្លូវដ៏ទុច្ចរិតរបស់ពួកគេ ដើម្បីព្រះអង្គសង្គ្រោះអាចប្រោសពួកគេឲ្យជាបាន ។ លោកបានព្យាករអំពីការប្រមូលសាសន៍អ៊ីស្រាអែលនៅថ្ងៃចុងក្រោយ ។
បង្កើតបរិយាកាស និងឱកាសសម្រាប់សិស្សដើម្បីឲ្យព្រះវិញ្ញាណបរិសុទ្ធបង្រៀនពួកគេ ។ នៅពេលសិស្សពិចារណាពីបទពិសោធន៍ផ្ទាល់ខ្លួន និងអារម្មណ៍ផ្ទាល់ខ្លួនរបស់ពួកគេអំពីសេចក្ដីពិតនៃដំណឹងល្អ ពួកគេនឹងកាន់តែទទួលអារម្មណ៍ថាព្រះវិញ្ញាណបរិសុទ្ធថ្លែងទីបន្ទាល់អំពីសេចក្ដីពិតដែលពួកគេកំពុងរៀន ។ ឧទាហរណ៍មួយនៃការបង្កើតឱកាសទាំងនេះអាចរកបាននៅក្នុងមេរៀនទី ១៣៣ ៖ « វាយតម្លៃការរៀនសូត្ររបស់អ្នកទី ៨ » ។
សម្រាប់ព័ត៌មានបន្ថែមអំពីរបៀបដែលព្រះអង្គសង្គ្រោះបានធ្វើការណ៍នេះ សូមមើល « ព្រះអង្គសង្គ្រោះបានប្រទានឱកាសនានាដល់មនុស្សដើម្បីឲ្យព្រះវិញ្ញាណបង្រៀនពួកគេ » ( ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ២០២២ ] ទំព័រ ១៧–១៨ ) ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
យេរេមា ១
គោលបំណងមេរៀន ៖ ដើម្បីជួយសិស្សឲ្យទទួលអារម្មណ៍ថាមានបំណងប្រាថ្នាចង់បំពេញគោលបំណងដ៏ទេវភាពរបស់ពួកគេ ។
-
ការរៀបចំសិស្ស ៖ អញ្ជើញសិស្សឲ្យស្រមៃមើលទារកទើបនឹងកើត ហើយគិតអំពីសំណួរទាំងពីរនេះ ៖
-
តើទារករូបនេះបានរៀបចំខ្លួនយ៉ាងណាសម្រាប់ជីវិតរមែងស្លាប់មុនពេលពួកគេកើតមក ?
-
នៅពេលទារករូបនេះធំឡើង តើខ្ញុំសង្ឃឹមថាគាត់នឹងយល់អ្វីខ្លះអំពីគោលបំណងដ៏ទេវភាពរបស់គាត់ ?
-
-
វីដេអូ ៖ « ការសម្រេចចិត្តសម្រាប់ភាពអស់កល្បជានិច្ច » ( ១៤:២៥ ) ចាប់ពីនាទីទី ៦:២១ ដល់ ៧:០៨; « ពូជជម្រើស » ( ១១:២៤ ) ចាប់ពីនាទីទី ៥:៤៣ ដល់ ៧:១៤
-
មាតិកាដែលត្រូវបង្ហាញ ៖ ស្វ័យវាយតម្លៃនៅពេលចាប់ផ្ដើមថ្នាក់ សេចក្តីថ្លែងការណ៍របស់អែលឌើរ ចន ស៊ី ភីងគ្រី ជុញ្ញ័រ ។
យេរេមា ២–៣
គោលបំណងមេរៀន ៖ ដើម្បីជួយសិស្សបង្កើនបំណងប្រាថ្នារបស់ពួកគេក្នុងការងាកទៅរកព្រះអង្គសង្គ្រោះដើម្បីទទួលបានសេចក្ដីមេត្តាករុណា និងការប្រោសឲ្យជា ។
-
ការរៀបចំសិស្ស ៖ សូមអញ្ជើញសិស្សឲ្យស្វែងរកបទគម្ពីរដែលបង្រៀនអំពីពរជ័យនៃការប្រែចិត្ត ។ ពួកគេអាចរៀបចំដើម្បីចែកចាយពីមូលហេតុដែលពរជ័យទាំងនោះមានអត្ថន័យចំពោះពួកគេ ។
-
វត្ថុ ៖ ថូទឹកមួយ ធុង ឬចានធំមួយ ពែងមួយដែលមានរន្ធតូចៗនៅខាងក្រោម
-
រូបភាព ៖ យុវជនម្នាក់
-
វីដេអូ ៖ « ព្រះអង្គសង្គ្រោះចង់អត់ទោសឲ្យ » ( ៥:៥០ ) « The Miracle of the Atonement » ( ១០:២៤ ) ចាប់ពីនាទីទី ០:២០ ដល់ ២:១២
-
មាតិកាដែលត្រូវបង្ហាញ ៖ សេចក្តីណែនាំសម្រាប់សិស្សដើម្បីរៀបចំនូវអ្វីដែលពួកគេនឹងនិយាយទៅកាន់យុវជនម្នាក់ក្នុងស្ថានភាពមួយនៅចុងបញ្ចប់នៃមេរៀននេះ
យេរេមា ១៦
គោលបំណងមេរៀន ៖ ដើម្បីជួយសិស្សចូលរួមក្នុងការការប្រមូលសាសន៍អ៊ីស្រាអែលដោយការចែកចាយដំណឹងល្អនៃព្រះយេស៊ូវគ្រីស្ទ ។
-
ការរៀបចំសិស្ស ៖ សូមអញ្ជើញសិស្សឲ្យជញ្ជឹងគិតអំពីកង្វល់ដែលអាចកើតឡើងដែលក្មេងវ័យជំទង់នៃពួកបរិសុទ្ធថ្ងៃចុងក្រោយអាចមានជាមួយនឹងការចែកចាយដំណឹងល្អរបស់ព្រះអង្គសង្គ្រោះ និងរបៀបដើម្បីយកឈ្នះលើកង្វល់ទាំងនោះ ។ ពួកគេអាចរៀបចំដើម្បីចែកចាយគំនិតរបស់ពួកគេជាមួយសិស្សនៅក្នុងថ្នាក់ ។
-
រូបភាព ៖ ម៉ូសេញែកសមុទ្រក្រហម
-
វីដេអូ ៖ « អ្នកនឹងមានអំណរដ៏មហិមា » ( ១៣:៤៧ ) ចាប់ពីនាទីទី ០:២៥ ដល់ ០:៥១; « Simple Ways to Love, Share, and Invite for Youth » ( ២:៥០ )
-
មាតិកាដែលត្រូវបង្ហាញ ៖ សេចក្តីណែនាំសម្រាប់សកម្មភាពសិក្សានៅក្នុងផ្នែក « ការចូលរួមនៅក្នុងការប្រមូលផ្ដុំ » សេចក្តីថ្លែងការណ៍របស់ប្រធាន ណិលសុន នៅចុងបញ្ចប់នៃមេរៀននេះ
វាយតម្លៃការរៀនសូត្ររបស់អ្នកទី ៨
គោលបំណងមេរៀន ៖ ដើម្បីជួយសិស្សឲ្យគិតពិចារណាពីគោលដៅដែលពួកគេបានដាក់ និងការរីកចម្រើនដែលពួកគេបានដកពិសោធន៍ក្នុងអំឡុងពេលសិក្សារបស់ពួកគេនាពេលថ្មីៗអំពីព្រះគម្ពីរសញ្ញាចាស់ ។
-
ការរៀបចំសិស្ស ៖ សូមពិចារណាផ្តល់សេចក្តីថ្លែងការណ៍របស់អែលឌើរ ដេវីឌ អេ បែដណា ក្នុងមេរៀននេះដល់សិស្ស ។ សូមអញ្ជើញពួកគេឲ្យពិចារណាអំពីរបៀបដែលសេចក្តីថ្លែងការណ៍នេះអនុវត្តចំពោះការរីកចម្រើនខាងវិញ្ញាណរបស់ពួកគេអំឡុងពេលថ្នាក់សិក្ខាសាលានៅក្នុងឆ្នាំនេះ ។ សូមលើកទឹកចិត្តពួកគេឲ្យវាយតម្លៃកិច្ចខិតខំប្រឹងប្រែងរបស់ពួកគេដោយពិនិត្យមើលការសរសេរនៅក្នុងសៀវភៅកំណត់ហេតុ បទគម្ពីរដែលពួកគេបានគូសចំណាំ និងកំណត់ចំណាំដែលពួកគេបានធ្វើ ។
-
វីដេអូ ៖ « មួយភាគរយប្រសើរឡើង » ( ១០:០១ ) ចាប់ពីនាទីទី ០:០០ ដល់ ២:១១
-
មាតិកាដែលត្រូវបង្ហាញ ៖ ដ្យាក្រាមរង្វង់ សំណួរខាងក្រោមដ្យាក្រាមរង្វង់ សេចក្តីណែនាំសម្រាប់សកម្មភាពសរសេរសំបុត្រ
-
រូបភាព ៖ ពណ៌ក្រហមទែង និងពណ៌ឈាមជ្រូក ព្រិល និងចៀម