« យេរេមា ១៦ ៖ ‹ យើងនឹងនាំគេឲ្យវិលមកក្នុងស្រុករបស់គេ › » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« យេរេមា ១៦ ៖ ‹ យើងនឹងនាំគេឲ្យវិលមកក្នុងស្រុករបស់គេ › » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
យេរេមា ១–៣; ៧; ១៦–១៨; ២០ ៖ មេរៀនទី ១៣២
យេរេមា ១៦
« យើងនឹងនាំគេឲ្យវិលមកក្នុងស្រុករបស់គេ »
ព្រះអង្គសង្គ្រោះបង្គាប់យើងឲ្យចូលរួមក្នុងកិច្ចការដ៏អស្ចារ្យបំផុតនៅលើផែនដីសព្វថ្ងៃ ៖ ការប្រមូលសាសន៍អ៊ីស្រាអែល ដែលរួមមានការចែកចាយដំណឹងល្អរបស់ទ្រង់ ។ ការប្រមូលសាសន៍អ៊ីស្រាអែលគឺមានសារៈសំខាន់ណាស់ ដែលព្រះអង្គសង្គ្រោះបានបំផុសគំនិតព្យាការីពីបុរាណដូចជា យេរេមាឲ្យព្យាករអំពីការណ៍នេះកាលពីរាប់ពាន់ឆ្នាំមុន ។ មេរៀននេះអាចជួយឲ្យសិស្សចូលរួមក្នុងការការប្រមូលផ្ដុំនៃអ៊ីស្រាអែលដោយការចែកចាយដំណឹងល្អនៃព្រះយេស៊ូវគ្រីស្ទ ។
ការរៀបចំសិស្ស ៖ សូមអញ្ជើញសិស្សឲ្យជញ្ជឹងគិតអំពីកង្វល់ដែលអាចកើតឡើងដែលក្មេងវ័យជំទង់នៃពួកបរិសុទ្ធថ្ងៃចុងក្រោយអាចមានជាមួយនឹងការចែកចាយដំណឹងល្អរបស់ព្រះអង្គសង្គ្រោះ និងរបៀបដើម្បីយកឈ្នះលើកង្វល់ទាំងនោះ ។ ពួកគេអាចរៀបចំដើម្បីចែកចាយគំនិតរបស់ពួកគេជាមួយសិស្សនៅក្នុងថ្នាក់ ។
សកម្មភាពរៀនសូត្រដែលអាចមាន
ព្រះចេស្តារបស់ព្រះអង្គសង្គ្រោះ
សូមពិចារណាអំពីការចាប់ផ្តើមបង្រៀនដោយឲ្យសិស្សពិភាក្សាសំណួរខាងក្រោម ។ ប្រសិនបើពួកគេត្រូវការជំនួយ អ្នកអាចរំឭកពួកគេអំពីអព្ភូតហេតុដែលពួកគេបានសិក្សានៅក្នុងព្រះគម្ពីរសញ្ញាចាស់ ។ ( អ្នកអាចអាចរក្សាការពិភាក្សានេះឲ្យខ្លី ដើម្បីអ្នកមានពេលគ្រប់គ្រាន់សម្រាប់មេរៀននេះ ) ។
-
តើអ្នកគិតថាអ្វីខ្លះជាអព្ភូតហេតុដ៏អស្ចារ្យបំផុតរបស់ព្រះ ឬការបើកបង្ហាញពីព្រះចេស្ដា ?
ប្រសិនបើសិស្សមិនបានលើកឡើងពីការញែកសមុទ្រក្រហមទេ សូមពិចារណាបង្ហាញរូបភាពម៉ូសេ និងសមុទ្រក្រហម ។ សូមពន្យល់ថា ព្រឹត្តិការណ៍នេះពិតជាអស្ចារ្យណាស់ ដែលមនុស្សជាច្រើនសតវត្សរ៍បានសំដៅទៅលើការណ៍នេះ នៅពេលបង្រៀនអំពីព្រះចេស្ដាដ៏អស្ចារ្យរបស់ព្រះអង្គសង្គ្រោះ ( សូមមើល ហេព្រើរ ១១:២៩; នីហ្វៃទី១ ៤:២; ហេលេមិន ៨:១១ ) ។
សូមគិតអំពីអព្ភូតហេតុដ៏អស្ចារ្យដែលព្រះបានធ្វើកាលពីអតីតកាល នៅពេលអ្នកអានសេចក្ដីថ្លែងការណ៍ខាងក្រោមពីប្រធាន រ័សុល អិម ណិលសុន ៖
មានរឿងដ៏អស្ចារ្យជាច្រើននាពេលខាងមុខ ។ នៅពេលដ៏ខ្លីខាងមុខនេះ យើងនឹងឃើញការបើកសម្តែង ដ៏មហិមា អំពីព្រះចេស្តារបស់ព្រះអង្គសង្គ្រោះដែលលោកិយនេះមិន ធ្លាប់ បានឃើញពីមុនមក ។ ( « ឈ្នះលោកិយ ហើយបានសេចក្តីសម្រាក » លីអាហូណា ខែវិច្ឆិកា ឆ្នាំ២០២២ ទំព័រ ៩៥ )
សូមអាន យេរេមា ១៦:១៤–១៥ ដោយរកមើលអ្វីដែលព្រះអង្គសង្គ្រោះនឹងធ្វើនៅថ្ងៃចុងក្រោយ ដែលនឹងមានសារៈសំខាន់ជាងការរំដោះសាសន៍អ៊ីស្រាអែលរបស់ទ្រង់ពីស្រុកអេស៊ីព្ទទៅទៀត ។
-
តើអ្នកបានរកឃើញអ្វីខ្លះ ?
ប្រសិនបើសិស្សត្រូវការជំនួយ អ្នកអាចពន្យល់ថានៅក្នុងខគម្ពីរទាំងនេះ យេរេមាបានព្យាករអំពីការប្រមូលសាសន៍អ៊ីស្រាអែលនៅថ្ងៃចុងក្រោយ ។
តាមតម្រូវការ សូមពន្យល់ថា ប្រធាន ណិលសុន បានបង្រៀនថា ការប្រមូលសាសន៍អ៊ីស្រាអែលសំដៅលើ « ការផ្ដល់ដំណឹងល្អនៃព្រះយេស៊ូវគ្រីស្ទទៅឲ្យបុត្រាបុត្រីរបស់ព្រះនៅទាំងសង្ខាងនៃវាំងនន » ( នៅក្នុង រ័សុល អិម ណិលសុន និង វេនឌី វូ ណិលសុន « សង្ឃឹមអ៊ីស្រាអែល » [ ការប្រជុំធម្មនិដ្ឋានទូទាំងពិភពលោកសម្រាប់យុវវ័យ ថ្ងៃទី៣ ខែមិថុនា ឆ្នាំ២០១៨ ] បណ្ណាល័យដំណឹងល្អ ) ។ មេរៀននេះនឹងផ្តោតលើការប្រមូលសាសន៍អ៊ីស្រាអែលនៅសង្ខាងនៃវាំងនន ។
-
នៅពេលអ្នកគិតអំពីផែនការរបស់ព្រះសម្រាប់បុត្រាបុត្រីរបស់ទ្រង់ ហេតុអ្វីបានជាការប្រមូលសាសន៍អ៊ីស្រាអែលអាចជាអព្ភូតហេតុដ៏អស្ចារ្យជាងការជួយសង្រ្គោះអ៊ីស្រាអែលចេញពីស្រុកអេស៊ីព្ទ ?
សូមពិចារណាពីគំនិតរបស់អ្នកអំពីសំណួរខាងក្រោមនេះ ៖
-
តើការប្រមូលសាសន៍អ៊ីស្រាអែលសំខាន់ចំពោះអ្នកដែរឬទេ ? ហេតុអ្វីជឿ ឬហេតុអ្វីមិនជឿ ?
-
តើអ្នកមានអារម្មណ៍យ៉ាងណាចំពោះការចូលរួមក្នុងការណ៍នេះ ?
ដូចជាទ្រង់បានធ្វើតាមរយៈម៉ូសេដែរ ព្រះអង្គសង្គ្រោះអាចបង្ហាញព្រះចេស្តា អព្ភូតហេតុរបស់ទ្រង់តាមរយៈអ្នក នៅពេលអ្នកការចូលរួមក្នុងការប្រមូលសាសន៍អ៊ីស្រាអែល ។ នៅពេលអ្នកសិក្សា យេរេមា ១៦ ថ្ងៃនេះ សូមយកចិត្តទុកដាក់លើចំណាប់អារម្មណ៍ណាមួយដែលអ្នកទទួលបានពីព្រះវិញ្ញាណបរិសុទ្ធ ។ សូមជញ្ជឹងគិតពីរបៀបដែលព្រះអង្គសង្គ្រោះអាចប្រើអ្នកនៅក្នុងការប្រមូលសាសន៍ដ៏អស្ចារ្យនេះ ។
ការខ្ចាត់ព្រាត់ និងការប្រមូលផ្តុំ
នៅក្នុង យេរេមា ១៦:១០–១៨ ព្រះអម្ចាស់បានបំផុសគំនិតយេរេមាឲ្យព្យាករអំពីការបំផ្លិចបំផ្លាញរបស់សាសន៍អ៊ីស្រាអែល ដែលបានកើតឡើងដោយសារការបះបោររបស់ពួកគេ ។ ព្រះអម្ចាស់បានបង្រៀនពួកគេថា « អំពើទុច្ចរិតរបស់គេ ក៏មិន [ ត្រូវ ] បិទបាំងពីភ្នែក [ ទ្រង់ ] » ( ខទី ១៧ ) ហើយថាទ្រង់នឹងចាត់ពួកគេនូវទណ្ឌកម្មដ៏ត្រឹមត្រូវមួយ ប្រសិនបើពួកគេបន្តបះបោរ ។
សូមអាន យេរេមា ១៦:១៣ ដោយរកមើលផលវិបាកដែលសាសន៍អ៊ីស្រាអែលនឹងជួបដោយសារអំពើទុច្ចរិតរបស់ពួកគេ ។
សូមជួយសិស្សយល់ថា យេរេមាបានព្យាករថា ព្រះនឹងធ្វើឲ្យពួកសាសន៍អ៊ីស្រាអែលខ្ចាត់ខ្ចាយនៅក្រុងយេរូសាឡិមទៅដែនដីផ្សេងគ្នាដោយសារការបះបោររបស់ពួកគេ ។ ទណ្ឌកម្មនេះត្រូវបានបំពេញពេលសាសន៍អ៊ីស្រាអែលជាច្រើននាក់ត្រូវបានចាប់ជាឈ្លើយទៅក្រុងបាប៊ីឡូន ។ ក្នុងអំឡុងពេលនេះ ព្រះអម្ចាស់ក៏បានធ្វើឲ្យបុគ្គលសុចរិតខ្ចាត់ខ្ចាយ ដូចជាលីហៃ និងក្រុមគ្រួសាររបស់លោក ដែលត្រូវបាននាំទៅកាន់ទ្វីបអាមេរិក ដើម្បីរក្សាជីវិតរបស់ពួកគេរួចពីមនុស្សទុច្ចរិត ( សូមមើល នីហ្វៃទី២ ១០:២០–២១ ) ។
នៅក្នុង យេរេមា ១៦:១៤–១៥ បន្ទាប់មក យេរេមាបានព្យាករថា នៅថ្ងៃចុងក្រោយនេះ ព្រះអង្គសង្គ្រោះនឹងបង្ហាញព្រះចេស្ដារបស់ទ្រង់ដើម្បីប្រមូលសាសន៍អ៊ីស្រាអែលត្រឡប់ទៅកាន់ទ្រង់ និងសាសនាចក្ររបស់ទ្រង់វិញ ។
សូមពិចារណាអញ្ជើញសិស្សឲ្យពិភាក្សាចំណុចខាងក្រោមជាមួយនឹងដៃគូ ឬជាក្រុមតូចៗ ។
សូមអាន យេរេមា ១៦:១៦ ដោយរកមើលការប្រៀបធៀបដែលព្រះអម្ចាស់បានធ្វើអំពីមនុស្សដែលជួយប្រមូលសាសន៍អ៊ីស្រាអែល ។
-
ហេតុអ្វីបានជាការនេសាទ និងព្រានអាចជាការប្រៀបធៀបដ៏ល្អសម្រាប់មនុស្សដែលជួយប្រមូលសាសន៍អ៊ីស្រាអែល ?
-
តើអ្នករៀនអ្វីខ្លះអំពីតួនាទីរបស់យើងក្នុងការប្រមូលសាសន៍អ៊ីស្រាអែល ?
រួមជាមួយនឹងសេចក្តីពិតផ្សេងទៀតដែលសិស្សអាចចែកចាយ សូមជួយពួកគេឲ្យដឹងថា ព្រះយេស៊ូវគ្រីស្ទត្រាស់ហៅយើងឲ្យស្វែងរកសាសន៍អ៊ីស្រាអែលដែលបានខ្ចាត់ខ្ចាយ ហើយនាំពួកគេត្រឡប់ទៅរកទ្រង់វិញ ។
អែលឌើរ ដេវីឌ អេ បែដណា ក្នុងកូរ៉ុមនៃពួកសាវកដប់ពីរនាក់ បានបង្រៀនដូចតទៅនេះអំពីការប្រមូលផ្តុំដ៏អស្ចារ្យនេះ ៖
ការប្រមូលផ្ដុំគឺជាការទទួលស្គាល់ដ៏សំខាន់ថា « តម្លៃនៃព្រលឹងទាំងឡាយ គឺមហិមាណាស់ចំពោះព្រះនេត្រនៃព្រះ » [ គោលលទ្ធិ និងសេចក្ដីសញ្ញា ១៨:១០ ] ។ វាសាមញ្ញដូច្នោះឯង ។ យើងកំពុងប្រមូលផ្ដុំបុត្រាបុត្រីរបស់ព្រះនៅថ្ងៃចុងក្រោយនេះ ដើម្បីពួកគេអាចមាន « ព្រះពរដ៏ធំទាំងឡាយបានស្រោចមកលើក្បាលពួកគេ » [ នីហ្វៃទី៣ ១០:១៨ ] និងការសន្យានៃ « ទ្រព្យសម្បត្តិទាំងឡាយខាងភាពអស់កល្បជានិច្ច »ងការសន្យានៃ « ទ្រព្យសម្បត្តិទាំងឡាយខាងភាពអស់កល្បជានិច្ច » [ គោលលទ្ធិ និងសេចក្ដីសញ្ញា ៧៨:១៨ ] ។ ដើម្បីប្រមូលផ្ដុំអ៊ីស្រាអែល យើងត្រូវការអ្នកផ្សព្វផ្សាយសាសនា ។ ( « អ្នកនឹងមានអំណរដ៏មហិមា » លីអាហូណា ខែវិច្ឆិកា ឆ្នាំ២០២៣ ទំព័រ ៥២ )
-
តើសេចក្តីថ្លែងការណ៍របស់អែលឌើរ រ៉ាសបាន បង្រៀនអ្នកអ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទ ?
ការចូលរួមនៅក្នុងការប្រមូលផ្ដុំ
សិស្សអាចផ្តល់ចម្លើយចំពោះសំណួរដូចខាងក្រោម ។ សូមពិចារណាអញ្ជើញសិស្សម្នាក់ឲ្យសរសេរចម្លើយទាំងនេះនៅលើក្ដារខៀន ។
-
តើកង្វល់អ្វីខ្លះដែលយុវវ័យពួកបរិសុទ្ធថ្ងៃចុងក្រោយអាចមានអំពីការចែកចាយដំណឹងល្អរបស់ព្រះអង្គសង្គ្រោះ និងការប្រមូលផ្តុំអ៊ីស្រាអែល ?
ដើម្បីជួយសិស្សដោះស្រាយកង្វល់ទាំងនេះ សូមពិចារណាបង្ហាញការណែនាំខាងក្រោម ។
អ្នកអាចចាត់ចែងសិស្សជាក្រុមតូចៗ ដោយសិស្សម្នាក់ៗធ្វើការលើជម្រើសសិក្សាផ្សេងៗគ្នា ។ ពេលពួកគេរៀនចប់ ពួកគេអាចបង្រៀនគ្នាទៅវិញទៅមក ។
សូមរើសយកជម្រើសសិក្សាមួយដូចខាងក្រោមនេះ ៖ រៀបចំដើម្បីចែកចាយនូវកង្វល់មួយ ឬកង្វល់ទាំងឡាយណាមួយដែលអ្នកមានអារម្មណ៍ថាវគ្គបទគម្ពីរជាដំណោះស្រាយដ៏ល្អបំផុត និងមូលហេតុ ។
-
សូមអាន យេរេមា ១:៦–៩ ដោយរកមើលអ្វីដែលព្រះអម្ចាស់បានមានបន្ទូលនៅពេលទ្រង់បានហៅយេរេមាឲ្យចែកចាយដំណឹងល្អ ។
-
សូមអាន គោលលទ្ធិ និងសេចក្ដីសញ្ញា ១២៣:១២, ១៦–១៧ ដោយរកមើលអ្វីដែលយ៉ូសែប ស្ម៊ីធ បានបង្រៀនពួកបរិសុទ្ធថ្ងៃចុងក្រោយ ដែលទាក់ទងនឹងការចែកចាយដំណឹងល្អ ។
-
សូមអាន ម៉ូសេ ៦:៣២–៣៤ ដោយរកមើលអ្វីដែលព្រះអម្ចាស់បានមានព្រះបន្ទូលនៅពេលទ្រង់បានហៅហេណុកឲ្យចែកចាយដំណឹងល្អ ។
-
ស្វែងរកខគម្ពីរផ្សេងមួយដែលអ្នកមានអារម្មណ៍ថាជួយជាមួយនឹងកង្វល់ណាមួយនៅលើក្ដារខៀន ។
សិស្សអាចចែកចាយចម្លើយរបស់ពួកគេចំពោះសំណួរខាងក្រោមនេះជាថ្នាក់ ជាដៃគូ ឬជាក្រុមតូចៗ ។
-
នៅពេលអ្នកសិក្សា ហើយព្យាយាមដោះស្រាយកង្វល់នៅលើក្ដារខៀន តើអ្នកបានរៀនអ្វីខ្លះអំពីព្រះអង្គសង្គ្រោះ ?
-
តើអ្វីដែលអ្នកបានរៀនអំពីទ្រង់អាចជះឥទ្ធិពលដល់បំណងប្រាថ្នារបស់អ្នកក្នុងការចែកចាយដំណឹងល្អរបស់ទ្រង់ជាមួយអ្នកដទៃយ៉ាងដូចម្ដេច ?
ដាក់ផែនការ
រៀបចំសិស្សឲ្យធ្វើផែនការសម្រាប់ការចែកចាយដំណឹងល្អ ។ ឧទាហរណ៍ អ្នកអាចបង្ហាញវីដេអូដូចជា « Simple Ways to Love, Share, and Invite for Youth » ( ២:៥០ ) ដែលមាននៅលើគេហទំព័រ ChurchofJesusChrist.org ។ សិស្សអាចស្វែងរកវិធីដែលពួកគេអាចចែកចាយដំណឹងល្អ ។ បន្ទាប់មក ពួកគេអាចចែកចាយវិធីបន្ថែមដែលពួកគេអាចគិតឃើញ ។
-
តើបទពិសោធន៍អ្វីខ្លះដែលអ្នក ឬមនុស្សដែលអ្នកស្គាល់ធ្លាប់មានជាមួយនឹងការចែកចាយដំណឹងល្អរបស់ព្រះអង្គសង្គ្រោះជាមួយអ្នកដទៃ ?
អ្នកប្រហែលជាចង់ចាយបទពិសោធន៍ដែលអ្នកធ្លាប់មាន ។ បន្ទាប់មកបង្ហាញសេចក្តីថ្លែងការណ៍ខាងក្រោម ដើម្បីសិស្សអាចមើលវា នៅពេលពួកគេធ្វើផែនការរបស់ពួកគេ ។
ប្រធាន រ័សុល អិម ណិលសុន បានដាក់ការអញ្ជើញដូចខាងក្រោមនេះ ៖
ចំពោះទ្រង់ គ្មានអ្វីកើតឡើងនៅលើផែនដីនេះសំខាន់ជាងការប្រមូលផ្ដុំនៃអ៊ីស្រាអែលឡើយ ។ ចូរអនុញ្ញាតឲ្យព្រះវរបិតាសួគ៌របស់ក្មួយៗដឹងថា ក្មួយៗចង់ជួយ ។ ចូរសូមឲ្យទ្រង់ដាក់ក្មួយៗឲ្យទៅធ្វើការនៅក្នុងបុព្វហេតុដ៏រុងរឿងនេះ ។ ( « Choices for Eternity » [ ការប្រជុំធម្មនិដ្ឋានទូទាំងពិភពលោកសម្រាប់យុវមជ្ឈិមវ័យ ថ្ងៃទី១៥ ខែឧសភា ឆ្នាំ២០២២ ] នៅលើបណ្ណាល័យដំណឹងល្អ )
នៅក្នុងសៀវភៅកំណត់ហេតុការសិក្សារបស់អ្នក សូមធ្វើផែនការផ្ទាល់ខ្លួនមួយសម្រាប់ការចែកចាយដំណឹងល្អរបស់ព្រះអង្គសង្គ្រោះជាមួយអ្នកដទៃ ។ មុនពេលធ្វើផែនការនេះ អ្នកអាចអាចធ្វើតាមការអញ្ជើញរបស់ប្រធាន ណិលសុន ដោយការបង្ហាញប្រកបដោយការអធិស្ឋានពីបំណងប្រាថ្នារបស់អ្នកដើម្បីជួយប្រមូលសាសន៍អ៊ីស្រាអែលសម្រាប់ព្រះវរបិតាសួគ៌ ។
សូមពិចារណារួមបញ្ចូលនៅក្នុងផែនការរបស់អ្នកនូវការចាប់អារម្មណ៍ណាមួយពីព្រះវិញ្ញាណបរិសុទ្ធ ដែលអ្នកប្រហែលជាបានទទួល ។ ឧទាហរណ៍ អ្នកអាចរួមបញ្ចូលអ្នកដែលអ្នកចង់ចែកចាយដំណឹងល្អជាមួយ ដូចជាបុគ្គលដែលមិនមែនជាសមាជិកនៃសាសនាចក្រ ឬអ្នកដែលមិនបានចូលរួមយ៉ាងសកម្មក្នុងសាសនាចក្រ ។ សូមពិចារណាផងដែរ រួមទាំងរបៀប និងពេលណាដែលអ្នកអាចចែកចាយជាមួយពួកគេ ។
សូមពិចារណាបញ្ចប់ដោយការចែកចាយពីអារម្មណ៍របស់អ្នកអំពីព្រះអង្គសង្គ្រោះ និងអំពីការជួយនាំព្រលឹងទៅរកទ្រង់ ។