« លោកុប្បត្ដិ ១២–១៧; អ័ប្រាហាំ ១–២ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា ( ២០២៦ )
« លោកុប្បត្ដិ ១២–១៧;អ័ប្រាហាំ ១–២ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា
លោកុប្បត្តិ ១២–១៧; អ័ប្រាហាំ ១–២
លោកុប្បត្តិ ១២–១៧; អ័ប្រាហាំ ១–២
ទិដ្ឋភាពទូទៅ
អ័ប្រាហាំបានស្វែងរកព្រះអម្ចាស់ ហើយចង់ធ្វើជាអ្នកដើរតាមសេចក្ដីសុចរិត ។ ព្រះអម្ចាស់បានធ្វើសេចក្តីសញ្ញាប្រទានដី កូនចៅជំនាន់ក្រោយ និងពរជ័យនៃបព្វជិតភាពដល់អ័ប្រាហាំ ។ កូនចៅរបស់អ័ប្រាហាំនឹងមានការទទួលខុសត្រូវក្នុងការផ្ដល់ពរដល់គ្រប់ទាំងសាសន៍នៅលើផែនដីឲ្យមានពរជ័យនៃដំណឹងល្អរបស់ព្រះអង្គសង្រ្គោះ ។ សេចក្តីសញ្ញានេះត្រូវបានស្គាល់ថាជាសេចក្តីសញ្ញាអ័ប្រាហាំ ។ ក្នុងនាមជាសមាជិកនៃសាសនាចក្ររបស់ព្រះអង្គសង្រ្គោះ យើងអាចទទួលបាននូវពរជ័យ និងការទទួលខុសត្រូវនៃសេចក្ដីសញ្ញាអ័ប្រាហាំ ។
ជួយអ្នករៀនឲ្យស្វែងរក ទទួលស្គាល់ និងធ្វើតាមវិវរណៈផ្ទាល់ខ្លួន ។ គ្រូបង្រៀនអាចជួយសិស្សឲ្យស្គាល់ និងធ្វើតាមការបំផុសគំនិតពីព្រះវិញ្ញាណបរិសុទ្ធ ។ របៀបមួយដើម្បីធ្វើបែបនេះគឺត្រូវសួរសំណួរដែលជួយសិស្សឲ្យអនុវត្តតាមវិវរណៈផ្ទាល់ខ្លួន ។ ព្រះអង្គសង្គ្រោះក៏បានជួយអ្នករៀនឲ្យធ្វើតាមវិវរណៈដោយការសួរពួកគេនូវសំណួរទាំងនោះ ។ ឧទាហរណ៍មួយពីរបៀបជួយអ្នកដទៃឲ្យធ្វើតាមវិវរណៈអាចរកបាននៅក្នុងមេរៀនទី ២៤ ៖ « អ័ប្រាហាំ ២:៩–១១ » ។ ដើម្បីរៀនបន្ថែមទៀត សូមមើល « ព្រះអង្គសង្គ្រោះបានជួយអ្នកដទៃឲ្យស្វែងរក ទទួលស្គាល់ និងអនុវត្តតាមវិវរណៈផ្ទាល់ខ្លួន » ( ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ ២០២២ ] ទំព័រ ១៨ ) ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
អ័ប្រាហាំ ១
គោលបំណងមេរៀន ៖ ដើម្បីជួយសិស្សឲ្យទទួលអារម្មណ៍នៃសេចក្ដីសង្ឃឹមថាព្រះវរបិតាសួគ៌អាចជួយពួកគេឲ្យទទួលបានពរជ័យដែលទ្រង់ចង់ឲ្យពួកគេទទួលបាន ។
-
ការរៀបចំខ្លួនរបស់សិស្ស ៖ សូមអញ្ជើញសិស្សឲ្យធ្វើបញ្ជីពីអ្វីដែលពួកគេចង់បានបំផុតក្នុងជីវិត ហើយគិតអំពីថាតើព្រះវរបិតាសួគ៌មានព្រះទ័យយ៉ាងណាអំពីអ្វីដែលពួកគេចង់បានបំផុតនោះ ។
-
វីដេអូ ៖ « Deliverance of Abraham » ( ១:៣៨ ) « Perfect Brightness of Hope » ( ១៧:៤៥ ) ចាប់ពីនាទីទី ១១:០៩ ដល់ ១១:៣៨
លោកុប្បត្តិ ១២, ១៧
គោលបំណងមេរៀន ៖ ដើម្បីជួយសិស្សឲ្យពន្យល់ពីសេចក្ដីសញ្ញាអ័ប្រាហាំ និងរបៀបដែលសេចក្តីសញ្ញានេះទាក់ទងនឹងពួកគេ ។
-
ការរៀបចំខ្លួនរបស់សិស្ស ៖ សូមអញ្ជើញសិស្សឲ្យស្វែងរក « សេចក្ដីសញ្ញាអ័ប្រាហាំ » នៅក្នុងបណ្ណាល័យដំណឹងល្អ ឬសេចក្តីណែនាំដល់បទគម្ពីរទាំងឡាយឬ « Abraham, covenant of » នៅក្នុង Bible Dictionary ហើយមករៀនដោយរៀបចំខ្លួនចែកចាយអ្វីដែលពួកគេបានរកឃើញ ។
-
មាតិកាដែលត្រូវបង្ហាញ ៖ តារាងជួរឈរពីរនៅក្រោមចំណងជើង « តើសេចក្ដីសញ្ញាអ័ប្រាហាំជាអ្វី ? » វគ្គបទគម្ពីរដែលទាក់ទងជួរឈរនីមួយៗ
អ័ប្រាហាំ ២:៩–១១
គោលបំណងមេរៀន ៖ ដើម្បីជួយសិស្សឲ្យធ្វើការទទួលខុសត្រូវដែលព្រះអម្ចាស់បានប្រទានឲ្យពួកគេក្នុងនាមជាពូជពង្សរបស់អ័ប្រាហាំ ។
-
ការរៀបចំខ្លួនរបស់សិស្ស ៖ សូមអញ្ជើញសិស្សឲ្យគិតអំពីសំណួរខាងក្រោមនេះ ហើយពិភាក្សាសំណួរនេះជាមួយសមាជិកគ្រួសារ ៖ ហេតុអ្វីដំណឹងល្អរបស់ព្រះយេស៊ូវគ្រីស្ទមានសារៈសំខាន់ចំពោះអ្នក ? ហេតុអ្វីអ្នកគិតថា មនុស្សគ្រប់គ្នាត្រូវការវា ?
-
វីដេអូ ៖ « Becoming a Missionary » ( ១៧:០៧ ) ចាប់ពីនាទីទី ១៥:០០ ដល់ ១៥:២៧
-
សំណៅមេរៀន ៖ « ការបំពេញការទទួលខុសត្រូវរបស់យើងនៅក្នុងសេចក្តីសញ្ញាអ័ប្រាហាំ »