« ម៉ូសេ ៦–១១; ម៉ូសេ ៨ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា ( ២០២៦ )
« ម៉ូសេ ៦–១១; ម៉ូសេ ៨ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា
លោកុប្បត្តិ ៦–១១; ម៉ូសេ ៨
លោកុប្បត្តិ ៦–១១; ម៉ូសេ ៨
ទិដ្ឋភាពទូទៅ
ព្រះអម្ចាស់បានហៅណូអេឲ្យធ្វើជាព្យាការីនៅគ្រាមួយដែលមនុស្សទាំងនោះត្រូវបានពិពណ៌នាថា « សុទ្ធតែអាក្រក់ជានិច្ច » ( ម៉ូសេ ៨:២២ ) ។ គ្រួសាររបស់ណូអេត្រូវបានសង្គ្រោះឲ្យរួចផុតពីទឹកជំនន់ដែលមិនធ្លាប់មានពីមុន ដោយអព្ភូតហេតុ ដោយសារពួកគេគោរពប្រតិបត្តិតាមបទបញ្ញត្តិរបស់ព្រះឲ្យធ្វើទូកធំមួយ ។
សូមព្យាយាមស្គាល់សិស្ស—យល់អំពីកាលៈទេសៈ តម្រូវការ និងកម្លាំងរបស់ពួកគេ ។ សិស្សមានឆន្ទៈរៀនកាន់តែច្រើនពីនរណាម្នាក់ដែលពួកគេដឹងថាខ្វល់ខ្វាយអំពីពួកគេ ។ បន្ថែមពីលើនេះ នៅពេលយើងព្យាយាមស្គាល់សិស្សដោយក្ដីស្រឡាញ់ នោះយើងអាចទទួលបានការបំផុសគំនិតអំពីរបៀបជួយពួកគេឲ្យស្វែងរកអត្ថន័យផ្ទាល់ខ្លួន និងអំណាចនៅក្នុងព្រះអង្គសង្រ្គោះ និងដំណឹងល្អរបស់ទ្រង់ដ៏ល្អបំផុត ។ ឧទាហរណ៍មួយនៃរបៀបដែលការខិតខំយល់ពីសិស្សអាចជះឥទ្ធិពលលើការបង្រៀនរបស់យើង ដែលអាចរកបាននៅក្នុងមេរៀនទី ១៩ ៖ « ម៉ូសេ ៨ » ។ ដើម្បីរៀនបន្ថែមទៀត សូមមើល « ព្រះអង្គសង្គ្រោះស្គាល់ពួកយើង ហើយយល់ពីកាលៈទេសៈតម្រូវការ និងកម្លាំងរបស់ពួកយើង » ( ការបង្រៀនតាមរបៀបរបស់ព្រះអង្គសង្គ្រោះ [ ២០២២ ] ទំព័រ ១៣ ) ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
ម៉ូសេ ៨
គោលបំណងមេរៀន ៖ ដើម្បីជួយសិស្សឲ្យធ្វើតាមព្រះអង្គសង្គ្រោះឲ្យបានកាន់តែល្អប្រសើរ ទោះបីជាកំពុងរស់នៅក្នុងពិភពលោកដ៏ទុច្ចរិតក៏ដោយ ។
-
ការរៀបចំខ្លួនរបស់សិស្ស ៖ សូមអញ្ជើញសិស្សឲ្យគិតអំពីឧបសគ្គ ឬការលំបាកដែលពួកគេប្រឈមមុខនៅក្នុងការធ្វើតាមព្រះយេស៊ូវគ្រីស្ទនៅក្នុងពិភពលោកសព្វថ្ងៃនេះ ។ សូមអញ្ជើញពួកគេឲ្យមករៀនដោយត្រៀមខ្លួនដើម្បីចែកចាយនូវអ្វីដែលបានជួយពួកគេឲ្យយកឈ្នះលើពិភពលោកនេះ ហើយធ្វើតាមព្រះយេស៊ូវគ្រីស្ទ ។
-
សម្ភារដែលត្រូវបង្ហាញ ៖ ធុងទឹក វត្ថុស្ងួតតូចៗ និងថង់ប្លាស្ទិក ឬធុងទឹកដែលមិនជ្រាបទឹកដែលអាចដាក់វត្ថុស្ងួតតូចៗចូលបាន ។
-
មាតិកាដែលត្រូវបង្ហាញ ៖ សេចក្តីថ្លែងការណ៍ពីស្វ័យវាយតម្លៃ សេចក្ដីណែនាំ និងតារាងប្រៀបធៀបសម័យរបស់ណូអេ នឹងសម័យរបស់យើង
-
សំណៅមេរៀន ៖ « ការយកឈ្នះលើពិភពលោកនេះតាមរយៈព្រះយេស៊ូវគ្រីស្ទ »
-
វីដេអូ ៖ « Sharing Your Light » ( ២:៥៦ )
លោកុប្បត្តិ ៦–៨
គោលបំណងមេរៀន ៖ ដើម្បីជួយសិស្សឲ្យបង្កើនបំណងប្រាថ្នារបស់ខ្លួនក្នុងការគោរពប្រតិបត្តិតាមបទបញ្ញត្តិរបស់ព្រះ ។
-
ការរៀបចំខ្លួនរបស់សិស្ស ៖ សូមអញ្ជើញសិស្សឲ្យពិចារណា ហើយមករៀនដោយត្រៀមខ្លួនចែកចាយពីរបៀបដែលបទបញ្ញត្តិជាក់លាក់មួយបង្ហាញពីសេចក្ដីស្រឡាញ់របស់ព្រះវរបិតាសួគ៌ចំពោះយើង និងបំណងប្រាថ្នារបស់ទ្រង់ដើម្បីការពារយើង ។
-
រូបភាពដែលត្រូវបង្ហាញ ៖ ទិដ្ឋភាពបោះជំរំមួយ ក្រុមកុមារតូចៗ ណូអេកំពុងផ្សព្វផ្សាយខណៈកំពុងសាងសង់ទូក
-
សម្ភារសម្រាប់សិស្ស ៖ ក្រដាសសម្រាប់ក្រុមនីមួយៗ
-
មាតិកាដែលត្រូវបង្ហាញ ៖ សេចក្តីថ្លែងការណ៍ដែលថ្លែងដោយប្រធាន ស្ពែនស៊ើរ ដបុលយូ ឃឹមបឹល និងដោយប្រធាន ថូម៉ាស អេស ម៉នសុន សញ្ញារំឭកការគិតពិចារណាផ្ទាល់ខ្លួន
វាយតម្លៃការរៀនសូត្ររបស់អ្នក ទី១
គោលបំណងមេរៀន ៖ ដើម្បីជួយសិស្សឲ្យគិតពិចារណាពីគោលដៅដែលពួកគេបានដាក់ និងការរីកចម្រើនដែលពួកគេបានដកពិសោធន៍ក្នុងអំឡុងពេលសិក្សារបស់ពួកគេអំពី ម៉ូសេ ១ តាមរយៈ លោកុប្បត្តិ ១១ ។
-
ការរៀបចំខ្លួនរបស់សិស្ស ៖ សូមអញ្ជើញសិស្សឲ្យមករៀនដោយត្រៀមខ្លួនជាស្រេចដើម្បីចែកចាយនូវអ្វីដែលពួកគេបានរៀន ឬរបៀបដែលពួកគេបានរីកចម្រើនខាងវិញ្ញាណចាប់តាំងពីការសិក្សានៅដើមឆ្នាំនេះ អំពីព្រះគម្ពីរសញ្ញាចាស់ និងមុក្ដាដ៏មានតម្លៃមហិមា ។ អ្នកអាចផ្ដល់យោបល់ឲ្យពួកគេពិនិត្យមើលកំណត់ហេតុការសិក្សារបស់ពួកគេឡើងវិញ ឬកំណត់ចំណាំរបស់ពួកគេនៅក្នុងព្រះគម្ពីររបស់ពួកគេ ដើម្បីជួយពួកគេឲ្យមើលឃើញពីការរីកចម្រើន និងការរៀនសូត្ររបស់ពួកគេ ។
-
រូបភាពដែលត្រូវបង្ហាញ ៖ រូបភាពរបស់ប្រជាជនហេណុក រូបភាពព្រះយេស៊ូវគ្រីស្ទ
-
សម្ភារសម្រាប់សិស្ស ៖ បំណែកក្រដាសតូចៗសម្រាប់សិស្សម្នាក់ៗ កូនសៀវភៅដែលសិស្សបានបង្កើតនៅក្នុងមេរៀនទី ១១ ៖ « ម៉ូសេ ៤:៥–៣២: ៥:១–១៥ ផ្នែកទី ១ » និងមេរៀនទី ១២ ៖ « ម៉ូសេ ៤:៥–៣២:៥:១–១៥ ផ្នែកទី ២ » ( បើមាន )
-
សម្ភារដែលត្រូវបង្ហាញ ៖ ផ្លែឈើមួយចំណិត