Genesis 1–2; Moises 2–3; Abraham 4–5

Genesis 1–2; Moises 2–3; Abraham 4–5

Kinatibuk-ang Pagpasabot

Ubos sa direksyon sa Langitnong Amahan, gilalang ni Jesukristo ang kalibotan. Sa ikaunom nga adlaw sa paglalang, gilalang si Adan ug Eva sa imahe sa Dios. Gihiusa sa Ginoo si Adan ug Eva diha sa kaminyoon ug gisugo sila sa pagdaghan ug pagpuno sa yuta.

Paghimo og mga sitwasyon ug mga oportunidad alang sa mga tigkat-on nga matudloan pinaagi sa Espiritu Santo. Ang makapadasig nga musika makadapit sa impluwensiya sa Espiritu Santo ug pagbati og pagtahod diha sa klase. Aron makakat-on og dugang, tan-awa ang “Paghimo og mga sitwasyon ug mga oportunidad alang sa mga tigkat-on nga matudloan pinaagi sa Espiritu Santo,” sa Pagpalambo sa mga Kahanas sa Magtutudlo. Ang usa ka pananglitan sa paghimo niini anaa sa Leksiyon 7: “Genesis 1:1–25.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Genesis 1:1–25

Katuyoan sa leksiyon: Aron tabangan ang mga estudyante ngamobati og paghigugma ug pasalamat sa Langitnong Amahan ug ni Jesukristo samtang ilang tun-an ang Paglalang sa yuta.

• Pagpangandam sa estudyante: Dapita ang mga estudyante sa pagpamalandong sa katahom sa kalibotan ug sa tanang linalang sa Dios. Dapita silang magdalag litrato o mangandam sa paghisgot bahin sa usa ka butang nga gikalingawan kaayo nila aning kalibotana.

• Mga imahe: Matahom nga bilding nga sikat sa inyong lugar; matahom nga talan-awon duol sa inyong lugar

• Sulod nga ipakita: Tsart nga nagpakita sa unom ka adlaw sa Paglalang; mga kasulatan nga tun-an sa mga estudyante ilawom sa ulohan nga “Ang Papel sa Manluluwas isip Tiglalang”; mga kapilian para sa mga estudyante nga nalista ilawom sa ulohan nga “Ipahayag ang pasalamat para sa Tiglalang”

• Bidyo: “We Lived with God” (4:00)

Genesis 1:26–27

Katuyoan sa leksiyon: Aron tabangan ang mga estudyante nga mabati ang kaimportante sa ilang pagkatawo ug potensiyal isip mga anak sa langitnong mga ginikanan.

• Pagpangandam sa estudyante: Dapita ang mga estudyante sa pagsag-ulo o pagrebyo sa pangbukas nga mga linya sa mga tema sa Young Women ug Aaronic nga Pagkapari ug sa pagpamalandong sa kaimportante sa matag pamahayag:

  • “Ako usa ka hinigugmang anak nga babaye sa langitnong mga ginikanan, nga adunay diosnong kinaiya ug mahangtorong padulngan.”

  • “Ako hinigugmang anak nga lalaki sa Dios, ug Siya adunay ipabuhat kanako.”

• Sulod nga ipakita: Timeline sa sinugdanan sa leksiyon

• Mga bidyo: “Choices for Eternity” (31:24; tan-awa gikan sa time code 13:21 hangtod 13:52); “Running Toward the Light” (17:34; tan-awa gikan sa time code 11:00 hangtod 15:18)

• Handout: “Ako Anak sa Dios”

Genesis 1:28–31; 2:1–25

Katuyoan sa leksiyon: Aron tabangan ang mga estudyante nga masabtan ang importanteng papel sa kaminyoon ug sa pamilya diha sa plano sa Langitnong Amahan sa kaluwasan .

• Pagpangandam sa estudyante: Dapita ang mga estudyante sa pagtuon sa “Ang Pamilya: Usa ka Pamahayag ngadto sa Kalibotan,” nga mangita sa mga pagtulun-an nga naghulagway kon nganong importante ang pamilya sa plano sa Langitnong Amahan sa kaluwasan.

• Sulod nga ipakita: Dili kompletong mga kapahayag sa sinugdanan sa leksiyon gikan sa“Ang Pamilya: Usa ka Pamahayag ngadto sa Kalibotan”; mga instruksiyon, pamahayag, ug mga kasulatan para sa kalihokan sa pagtuon ilawom sa ulohan nga “Mga pagtulun-an gikan sa mga kasulatan”; mga instruksiyon para sa mga estudyante sa paghimog tubag sa kataposan sa leksiyon