Rellir 10

Cornelius me a re Sechelil a Nguu a Chedaol Reng

A ebangkelio a mora re bek el chad

Cornelius a mle merredel er a re soldau ra Rom. Ngii me a telungalek er ngii a ulemerang er a Dios, ngdi te dimlak el re Jews e diak el lodengelii a Jesus Kristo. Cornelius a merous a ikel ngarngii er ngii el mora rengesool e blechoel el meluluuch el mora Dios.

Rellir 10:1–2

Tara suelb, e a anghel a mlora Cornelius er a lolsengerengel e loluluuch. Ngkal anghel a melekoi, “Cornelius, a nglunguchem a mla morrenges.” A Dios a mla mesang el bekokeuii. Ngkal anghel a diluu ra Cornelius el mosiik er a Apostol Petrus, el mle kiei er a beluu el ngklel a Joppa. A Petrus a mo ouchais er a Cornelius el kmo ngmo mekerang.

Rellir 10:3–6, 30–32

Cornelius ouchais er a re mesiungel ra tekoi el dilung a anghel. Nguldurokl er tir el mora Joppa el lolengit er a Petrus me bo el loldingel er ngii.

Rellir 10:7–8

Ngara Joppa, ea Petrus a ngar bebul a chadou er a blai el meluluuch. Ng mle songerengel ea lekong mochu omengur, eng di mle kiul mesang a ues.

Rellir 10:9–10

Petrus a milsang a klou el mamd el tuobed er a babeluades e merael bedul iou, el mui ra bekbedengel a kakerous el charm me a suebek el charm. E kiul a Petrus el rongesii a ngor el kmul kmo ng kirel mengang a ikel charm. Ngdi a ikang a ikel charm el diak el kirir a re Jews el kongei el mengang. A lechul a Moses a kmul kmo a ikang a kikiongel. A Petrus a dimlak el soal el mengang.

Rellir 10:11–14

Tial ngor a melekoi el kmo a lsekum me a Dios a rirellii a kmung ngerang el beches, eng diak el kirel lokodongall el kmong kikiongel. Tial ues a ulemelekl el ledei el taem. Petrus a kora ulemdasu el kmo tiang ngera belkul.

Rellir 10:15–17

E di mle kiul, a Reng el kmu ra Petrus el kmo a re tedei el chad a osiik er ngii. “Morael lobengterir” a Reng a melekoi, “le ngak a uldecherterir.”

Rellir 10:16–21

Tirkal tedei el chad a mesiungel a Cornelius. Te silbedii a Petrus el kirel a anghel el Cornelius a milsang e olengit er a Petrus a lsekum mel sebechel el mong el losisecheklii. A re Jews a blechoel el diak el siseb er a blirir a rechad el diak el re Jews, ea re Apostol a dimlak el lolsisechakl er tir ra ebangkelio. Ngdi liletkii sel lilsang el ues, a Petrus a tilbir el merael el mong.

Rellir 10:22, 28

Sera Petrus ra lebong, ea Cornelius a milngiil er ngii lobengterir a re betok el sechelil me a rechad er a telungalek er ngii. Ng silbedii a Petrus el kmo te keltmokl el mo orrenges a ngidil tekoi el bol dung a Dios el mo er ngii el kirir.

Rellir 10:26, 33

Chelechang ea Petrus a mle medengei el ngera ikel Dios a ulsisechakl er ngii er sel ues. Petrus a uluchais er a rokui el chad el kmo a Dios a diak el limis el beltik a rengul ra di chimol beluu a lechub a delbechelir a rechad ra kuk tara beluu. A Dios a kongei er a ngidil chad el loltirakl er Ngii e meruul a melmalt el tekoi. Petrus a olsisechakl er a Cornelius me a telungalek er ngii me a re sechelil el kirel a Jesus Kristo.

Rellir 10:34–43

Mesel lolsisechakl, ea Chedaol Reng a mlora re bek el chad el lulerrenges. A Petrus a siotai er tir el mo metecholb el lokiu ra ngklel a Jesus Kristo. A Petrus a silubii el kmo a rokui el ngelekel a Dios a loutkeu er tir er a Ikelesia ra Jesus Kristo. A ebangkelio ra Jesus Kristo a mlo sisechakl el mora rokui el chad.

Rellir 10:44–48