Rellir 8:5–24

Simon mesel Klisichel a Dios

Mesuub er sel priesthood er a Dios

A chad el ngklel a Simon a mle kiei ra Samaria. Sera rengesii a ebangkelio ra Jesus Kristo, eng mlo oumerang, Ng dirrek el mlo mechas a rengul er a ikel longasireng el tirkel mesiungel a Jesus a riruul el loba klisichel a Dios. Simon a miltecholb, me a dirrek el mle betok el rsechal me a redil ra Samaria.

Rellir 8:5–13

A re Apostol el ngara Jerusalem a rirenges el kmo a rechad el ngara Samaria a oketa mla metecholb. Petrus me a Johanes a mlora Samaria. Tousbech er a klisichel a Dios, sel priesthood, e tomor chimorir er a rechad el mla metecholb e milsterir a sengk er a Chedaol Reng.

Rellir 8:14–17

A Simon ra lesa Petrus me a Johanes el meruul er tiang, eng ngodars el mo er tir a udoud e melekoi, “Beskak el dirrek tial klisiich.” Ng mle soal lomechar ra priesthood er a Dios me bol sebechel lodersii a sengk er a Chedaol Reng el dirrek.

Rellir 8:18–19

A Petrus a mesaod el kmo ngdiak a chad el sebechel el mecherar a klisichel a Dios. Tiang a sengk el mla re Ngii. Petrus a diluu ra Simon el kmo a rengul a kirel lobult. Ngii a mengemedaol ra Simon el mo ouchul e meluluuch el mora Dios me lousubes.

Rellir 8:20–23

A Simon a mekngit a rengul. Ng olengit ra Petrus me loluluuch el kirel el ngosuir el lobult.

Rellir 8:24