Luke 24:1–12, 36–49; John 20

Ngii A mla Mekiis

A Jesus Kristo a mo mesisiich er a kodall kirir a rokui

Roltirakl er a Jesus loba bedengel mo er a debull Tir a mle sorir kudmeklii a bedengel mo ungil, eng di ngomerollel mocha Chedaol sils Me te milatk a lmuut el mei ruriul a bol merek Chedaol sils.

Luke 23:52–56

Meng dirk tutau er a ongedei el klebesei ruriul er a kodellel a Jesus, e a Mary Magdalene me a rebebil a mlo er a debull.

Luke 24:1; John 20:1

A le bochang, e tial bad el melenget er a debull a mla metitai el mo er cheroid. Me te mlo soiseb er a chelsel, e dimlak lesa bedengel a Jesus.

Luke 24:2–3; John 20:1

Me a Mary a rirurt el mo ouchais er a Petrus me a Johanes el kmo ngarngii a chad el mla nguu a bedengel a Jesus. Me a Petrus me a Johanes a rirurt el mo er a debull.

John 20:2–4

Sera le bo er a debull, e a Petrus me a Johanes a mlo soiseb er a chelsel. Te mlo medengei el kmo a bedengel a Jesus a dibus. Ea mamed el mle bilel a dirk medechel.

John 20:5–7

A Petrus me a Johanes a mlo remei, eng Mary kiliei er bita er a debull, el lemangel. Ngulmes er a chelsel a debull e milsterir a reteru el anghel. Te uleker el kmo ngera me ngelmangel. Meng dula el kmo ngarngii a chad el mla nguu a bedengel a Jesus, e dimlak lodengei el kmo ngar ker.

John 20:11–13

Me a Jesus a dilum, eng di Mary dimlak lodengei el kmo Ngii. Me a Jesus uleker ngii, “Kau el dil, ngera me kelmangel?” A Mary ulemdasou el kmo ng chad loureor er a sers. Me ngulker ngii el kmo ng medengei el uase ngar ker a bedengel a Jesus.

Johanes 20: 14-15.

Me a Jesus a dula el kmo, “Mary.” Me ngulbult. Chekecha ng mocha medengei el kmo ng Jesus! Meng dula el kmo, “Mastang.” Me a Jesus a ulderchii el mo subedeterir a roltirakl el kmo Ngii a kirel mo er a Demal er a Babeluades. A Mary miltik er tirkal bebil er a roltirakl e silbedeterir el kmo ng mla mesa Jesus e Ngii a mla lmuut el mo ngar!

John 20:16–18

Seikid el kesus, ea rebetok el Apostol a mle kldibel. Te chilsmerii a chesimer, le te mle medakt el kmo a remerredel er a re Jews a locha osiik er tir. E sola te di, mle kiul mesa Jesus el dechor er a delongelir. A kot e te kora mlo medakt. Te ulemdasou el kmo ng deleb. Me a Jesus a dulang, “Bom chelellakl.”

Luke 24:33–38; John 20:19

Me a Jesus a dilu er a re Apostol me rutech a chimal me a ochil. Ng mle soal a bo lodengei el kmo ngoba bedengel a chad, ng diak el deleb. Ng dirrek lulmesoil lobengterir el menga ngikel me a ilaot. Te kmal mlo dmeu a rengrir er a lesang!

Luke 24:39–44; John 20:20

E sola Jesus a mocha olisechakl er a re Apostol er Ngii el mo medengei a ngara chedaol llechukl el kirel a kodellel me a Okiis er a kodellel. Ng mle soal a bo lolisechakl er a rokui el chad el kmo Ngii a uchul, eng sebechir el mo ouchel a rengrir e mo mousubes. A re Apostol a mo sioning el Kirel.

Luke 24:44–48

A Apostol Thomas a mle dibus er a lemei a Jesus. Ng dilu el kmo ng diak loumerang el kmo a Jesus a ngar el di merekmo leues a ultil a deel er a Chimal.

John 20:24–25

Eai el klebesei ruriul, e a roltirakl a mle kldibel. Ea Jesus a liluut el me duum. Tiaikid e a Thomas a mla er ngii.

John 20:26

Me a Jesus a dilu er a Thomas me lrutech a ultil a tellemall er a Chimal me a kekengel. Ng dilu er a Thomas el kmo, “Lak lak a klaumera er kau, bai di moumerang.” Me a Thomas a dulang, “Kau el Rubak e Dios er Ngak.” Chelecha Thomas a mocha oumerang el kmo a Jesus a mla mekiis er a kodall. Me a Jesus a millekoi el kmo te ngeltengat tirkel loumerang, e dirkak Lesang.

John 20:27–29