Lukas 7:1–10

Jesus Omekungil er a Mesiungel a Ofiser er a re Soldau

A merredel er a Rom a ochotii a klou el klaumerang

A ofiser er a re Soldau a mle kiei er a Cepernaum, el basio el Jesus a blechoel morngii e olsisechakl. Ngii a mle milerredel er a re betok el soldau.

Lukas 7:1–2

Ngikal ofiser er a re Soldau a mla er ngii a mesiungel el kmal mle tokubets el chad el mo er ngii. Ngkal mesiungel a mlo smecher el mochu er a kodall.

Lukas 7:2

Ngika el ofiser er a re soldau a dimlak el Jew, eng di ng mla remenges a chisel a Jesus. Ngii a uluumerang el kmo a Jesus a ngarngii a klisichel mo meruul a meklou el ongasireng el tekoi. Ngii a uldureklii a bebil er a remerredel er a re Jew el mo olengit er a Jesus mel mei el bo lomekungil er a mesiungel.

Lukas 7:3–4

Tirkal remerredel a uluuchais er a Jesus el kirel ngkal ofiser er a re soldau me a mesiungel. Te dilu el kmo ngkal ofiser er a re soldau a kmal ungil a blekerdelel el mo er a re Jew. A Jesus a mocha merael bedul a blil ngikal ofiser er a re soldaul. Uchei er a lebo er sei, ea bebil er a resechelil ngikal ofiser er a re soldau a mle tomer er a Jesus. Te dilu er Ngii meng diak el bol siseb er a chelsel a blai.

Lukas 7:4–6

Tirkal resechelei a dilu el kmo ngikal ofiser er a re soldau a diak el klikiid el mo nguu a Jesus el mora blil. Ngii a oumerang el kmo a Jesus a sebechel lomekungil er a mesiungel me sel dil ngar cheroid!

Luke 7:6–8

A Jesus a mlo mechas a rengul er a klaumerang er ngikal ofiser er a re soldau. Ng dilu el kmo Ngii a dirrekak a tal lesang a kmal klou el klaumerang.

Lukas 7:9

Sera resechelil ngikal ofiser er a re soldau a liluut el mo er a blil, e ngikal mesiungel a meral mla mo ungil. A Jesus a ulmekungil er ngii, el di ua ngikal ofiser er a re soldau el luumerang el kmo Ngii a sebechel.

Lukas 7:10