Jesus a Merael el mora Jerusalem

A rechad a outkeu er a Osobelir

A rechad a mengiil el mo omes er a Jesus er a ikrel a Jerusalem.

Ngdi kmedung eng mo belsechel a Baskua, el lorechudel el blengur er a re Iudea. Betok el chad a mlora Jerusalem el kirel Baskua. Jesus me a Mesiungel me te mlong. Sera le renges a rechad el kmo Jesus a mermang, e te mlo omes er Ngii.

Matus 21:1; Johanes 12:12–13

Jesus me a re Mesiungel lolkeed el mora Jerusalem.

Ma Jesus me a re Mesiungel lolkedang el mora Jerusalem, e Ngii a ulengit er tir mel nguu a roba el mo msang. Betok el rak ruchei, a profet a dilul kmo a Osobel a mei loba kle ngariou el reng, el ngera kekerei el roba.

Matus 21:1–7; dirrek el mesa Zechariah 9:9

Jesus a siliseb er a beluu el ngera roba. A rechad a mle dmeu a rengrir er Ngii ra lesang. Te ulutkeu er Ngii el diua king. Te milsumech rechelel a kerekar me a ikrel a bilir e ra rael me lorael er bebul a roba. Te ululdanges er a Dios e oldiu, “Lemodanges: Ngeltengat ngkal King ra Israel el mermang el loba ngklel a Rubak.”

Mateus 21:8–9; Lukas19:36–38; Johanes 12:13

Betok el chad el ngara Jerusalem a rraur a rengrir el kmo ngera ngarngii. “Ngika ng techang?” te oker. A rebebil onger el kmong Jesus ra Nazareth.

Mateus 21:10–11

A Jesus a mesterir a rechad el merukem a udoud ra el sel a templo.

Ongingil, a Jesus a mlora templo. Bebil ra rechad el mla rengii a milrukem a udoud e olterau a charem el bo lolenget. Jesus a mle medengei el kmo te mle cheblad.

Mateus 21:12

Jesus a melekoi ra rechad el milrukem a udoud el mo cheroid er a templo.

A Jesus a dimlak el soal el kmo te mengerker a udoud er a rechad el sorir el mo menguul ra chelsel a templo. Ngii a ululdikel er tir el mo cheroid ra templo e ulemriid a tebelir. Ngii a melekoi, “A templo er ngak a mo okedongall el blil a nglunguuch; ngdi kemiu a meruul er ngii el mo omertelir a re merechorech.”

Mateus 21:12–13; mesa el dirrek Isaia 56:7; Jeremia 7:11

Jesus omekungir er a rechad el ngara templo.

A rechad el meiko ma re chelemus a mlo re Ngii er a templo, me Ngii a ulemekungil er tir. A rengalk a ulediu “Odanges,” lodanges ra Jesus e melekoi el kmo Ngii ea Osobel.

Mateus 21:14–15

Jesus a mengedecheduch er a re prist me a re sensei.

Bebil er tirkal prist me a re sensei a mle kesib a rengrir sera leues a luruul a Jesus el renges a ikel lulekoi a rengalk. A Jesus a ulemeklatk er tir el kirel a chedaol llechukl el melekoi el kmo a Dios a mla osisecheklterir a rengalk el mo melekoi a meral lungil el odanges.

Mateus 21:15–16; mesa el dirrek Psalm 8:2