Uchelel a Omesodel: Kirel a Beches el Renged—Cheldechedechal a Jesus Kristo me a Roltirakl er Ngii

Uchelel a omesodel

Kirel a Beches el Renged

Cheldechedechal a Jesus Kristo me a Roltirakl er Ngii

A profet ra chuodel a meluches er a babier.

A Biblia a teblong a telengtengil: Chuodel el Renged me a Beches el Renged A Chuodel el Renged a ngarngii a llecheklir a re profet er a ngara mong el taem. A bebil er tirkal reprofet a miluches el kmo a Dios a mle yaksok el mo odureklii a Osobel. Ngii a mo Ngelekel a Dios e mo olsobel er kid er a klengit me a kodall me bo el sebeched el lmuut el mo kiei lobengkel a Dios.

Isaia 53:3–5; Jacob 7:11; Moses 4

Maria el beldoil er a tolechoi el Jesus.

A Beches el Renged a ouchais el milkerang e tial yaksok a milkedmokl. Ng ouchais er a cherellel a Jesus Kristo, el Ngelekel a Dios.

Luke 2:4–7

Jesus lolisechakl er a rechad el kldibel.

A Beches el Renged a dirrek louchais el kirel a klengar er a Jesus. Ngii a mle kiliei er a delongelir a re Jew e ulsisechakl er kid er a teletelel a de kiei me bo el sebeched lmuut el mo er a Chedam er a Babeluades er a tara klebesei.

Mateus 5:1–2

A Jesus a ulmekngeltengat e mesiou er a rechad. Ngii a riruul a betok el ongasireng el tekoi el mo er tir, el uai a omekungil er a rechad el mle smecher me a olekiis er a rechad el mla mad me luut el mo ngar.

Mateus 4:23

Jesus el mengedaol er a tara Apostol er Ngii.

A Jesus mililt er a teruich me a teru er a roltirakl er Ngii el mo Apostol. Ngii a milsterir a ngerachel el mo menguteling er a Ikelesia er Ngii.

Lukas 9:1–2

E le Ngii a betik a rengul er kid, a Jesus a ngiali a rokui el ringeled, klengiterreng, me a kengtid. E Ngii a mlad el kired. Me a le uaisei, uriul er a edei el klebesei, e Ngii a mlo mesisiich er a kodall e milekiis er a kodall! A Jesus a Ngar e le Ngii a uchul, e kid a sebeched el ouchel a rengud er a kengtid e lmuut el mo ngar er a uriur er a de mad.

Alma 7:11–13

Teru el ngalek er a chelechal taem el menguiu er a Beches el Renged.

Rechad el mle medengelii e betik a rengrir er a Jesus a miluches kirel a ikal rokui. A re Apostol er Ngii a miluches a babier el mo olngeseu er a rechedal a Ikelesia el mo meleketek a klaumerang er tir er a Jesus Kristo. A ikel tekoi el liluches a lulngereomel el mlo melai a betok el rak. Me chelechang eng sebechem el menguiu el ngara chelsel a Beches el Renged e mesuub a teletelel a moltirakl er a Jesus Kristo.

Lukas 1:1–4