Stephen Ouchais el kirel a Jesus Kristo—A bekeu el mesiou a choitii a klengar er ngii el kirel a klaumerang er ngii

Rellir 6–7

Stephen Ouchais el kirel Jesus Kristo

A bekeu el mesiou a choitii a klengar er ngii el kirel a klaumerang er ngii

Terung el Apostol lobengterir a rechedal a Ikelesia ra Jesus.

A Ikelesia a kmal klungang. Ng kmal merenglang ra re Apostol el lomes er a rokui el rechedal a Ikelesia.

Rellir 6:1–2

A Apostol a msa Stephen a klengeltengat er a priesthood.

A re Apostol a tibir el mo omekedong er a re teuid el chad el sebecherir lolngeseu. Tulengit er a re rechedal a ikelesia me losiik er a rechad el mellomes e mui ra Chedaol Reng.

Rellir 6:3

A tara chad el ngileltii a Stephen. A re Apostol a milsang a klengeltengat. A Stephen a mle mui ra klaumerang e riruul a meklou el longasireng ra delongelir a rechad.

Rellir 6:5–8

Stephen a mengedecheduch el mora ngarbab el prist me a rebebil ra re merredel.

Stephen olsisechakl el kirel Jesus Kristo el loba llomes me a dirrek el Reng. Ngdi tirkal merredel er tial blai ra ongdibel a dimlak el sorir a ikal lulsisechakl. Te melekoi el ngii a mengedecheduch el lomtok er a Moses e omtok er a Dios. Te ngiluu a Stephen el mora medal a ngarbab el prist me a re bebil ra re merredel.

Rellir 6:9–15; 7:1

A Stephen olisechakl er a re merredel el kirel a Jesus.

A medal a Stephen a mlo ua medal a anghel. Ngii a ulemeklatk er tirkel merredel el kmo a Dios a uldureklii a Moses el mo olsobel ra re Israelites, ngdi tir a dimlak el blechoel loltirakl er a Moses. Stephern a dilul kmo a Moses a di ua Jesus Kristo. A Dios a uldureklii a Jesus el mo olsobel er a rechedal, ngdi tirkel merredel a dimlak el loltirakl er Ngii. Tirkel merredel a mle kesib a rengrir er a Stephen.

Rellir 7:20–43, 51–54

A Stephen a milsa ues er a Chedam er a Babeluades me a Jesus Kristo.

Ng mle mui ra Chedaol reng, a Stephen a ulemes el mo bedul a babeluades. Ng milsang a Jesus Kristo el dechor er bita er a Chedam er a Babeluades.

Rellir 7:55–56

A Stephen er a louchais ra re merredel er sel lilsang, e te milngai el mo kesib a rengrir. Tuleldiu el ngara ngasech el reng e medechemii a Stephen. E te mocha kursii el lotebedii er a beluu.

Rellir 7:57

Te silumech a bilir er a ochil a chad el ngklel a Saul. E okor e te mocha ometech a bad er a Stephen el lomekeuad er ngii. Saul a kongei er a tekoi el tir a meruul er ngii. Stephen el meluluuch. Ngii olengit er a Rubak me lousubes er tirkal chad el melemall er ngii. Ngii a dirrek el lolengit er a Rubak mel nguu a delbengel el mora babeluades.

Rellir 7:59–60; 8:1