Tabitha, a Redil el “Mui ra Ungil Lureor”—Liluut el me ngar el lokiu ra klisichel a Jesus Kristo

Rellir 9:36–42

Tabitha, a Redil el “Mui ra Ungil Lureor”

Liluut el me ngar el lokiu er a klisichel a Jesus Kristo

Tabitha a mle kedung el oltirakl er a Jesus Kristo. Ng kiliei ra beluu el kmeed er a daob, el ngklel a Joppa. Ng betik a rengul el mesiou e olengeseu ra rechad el mle chebuul.

Rellir 9:36

A Tabitha a omesterir a ikal bail el mora rechad el lousbech a ngeseu.

A Tabitha a meruul a bail e omesterir a redil lousbech a ngeseu. Te betik a rengrir ra Tabitha.

Rellir 9:39

Tara klebesei, ea Tabitha a kmal mlo smecher. Ng kmal mlo imis el smecher meng mlad.

Rellir 9:37

Terung el chad oreched el mo mengedecheduch er a Petrus.

Tirkel bebil ra rechedal a Ikelesia el ngara Joppa a kmal mekngit a rengrir. Te mle medengei el kmo a Petrus, el tara Apostol ra Jesus, a mlara beluu el di kmeed. Te oldurech er a teru el chad el molengit er a Petrus me lorechedii e lobengterir el mong.

Rellir 9:38

Tirkal chad a milkrolii a Petrus el mora Tabitha.

A Petrus a mlo er sel ngarngii a bedengel a Tabitha. Bebil er tirkel redil el Tabitha a ulengeseu er tir a mla risei. Te ulecholt er a Petrus ra ikel bail el ngii a riruul el mo er tir.

Rellir 9:39

A Petrus a mlo outubaruach e meluluuch er bita ra Tabitha.

A Petrus a ulengit er a rokui el chad me bo el tobed er a delmerab. Ng mlo outubaruach e meluluuch.

Rellir 9:40

Bol merek el meluluuch, a Petrus a melekoi, “Tabitha, bekiis.” Ng milok a medal e mlo dengchokl. Petrus a ngosuir a Tabitha el mo dechor. Ng mla lmuut el mo ngar! Petrus omekedong ra resechelil mel bong e lesang. Te mlo mechas a rengrir! Te mle medengei el ngii a liluut el mo ngar el lulekiu er a klisichel a Jesus Kristo. Liluut el betok el chad a oumerang er Ngii.

Rellir 9:40–42