Aafiaga e Aoao ai 3

Aoao Atu ma Aoao Mai e ala i le Agaga

Vaaiga Aoao

O lenei aafiaga e aoao ai e aofia ai manatu nei:

Malamalama i le matafaioi a le Agaga Paia i le aoao atu ma le aoaoina mai
Faataunuuina o manaoga e le vaaia ma na e vaaia o tamaiti aoga
Valaaulia le uunaiga a le Agaga Paia

Manatu Autu

O Le Matafaioi a le Agaga Paia i le Aoao Atu ma le Aoaoina Mai

“E tupu le aoao atu ma le aoaoina mai e ala i le mana o le Agaga Paia. … Ua na o le aoao atu ma le aoaoina mai e ala i le Agaga o le a malamalama ai tamaiti aoga ma faalagolago i aoaoga ma le Togiola a Iesu Keriso i se auala na latou mafai ai ona agavaa mo le ola e faavavau” (Aoao Atu ma le Aoaoina Mai o le Talalelei: O se Tusitaulima mo Faiaoga ma Taitai i Seminare ma Inisitituti o Mataupu Faalelotu [2012], 10).

Aisea e Aoao Atu ai ma Aoao Mai e ala i le Agaga?

Na aoao e Sister Christine Park i aso uma le Seminare i Redding, Kalefonia, mo le lima tausaga ma e faaauau pea ona saili ia faafetauia manaoga faapitoa ma tulaga o ana tamaiti aoga. Maimoa i le vitio “Students’ Needs” (1:35), e maua i le LDS.org. I lenei vitio, ua faasoa mai e Sister Park ona faamoemoega mo ana tamaiti aoga ma mea foi e mamafa i lona loto ma le mafaufau ao ia saili e fesoasoani i ana tamaiti aoga ia aafia i le liua e loloto atu i le talalelei a Iesu Keriso.

Ata

vasega o le seminare

E pei lava ona i ai i tamaiti aoga a Sister Park ni manaoga ma luitau eseese, o le a faapena foi oe. O ni faataitaiga nei e suitulaga i nisi o tulaga masani o tamaiti aoga. Mafaufau pe faapefea e tulaga o au tamaiti aoga ona aafia le ala e taitaia ai e le Agaga lau aoaoga.

“O nisi taimi e faapisi tele au e le aoga. E matuai tele lava mea e tatau ona ou faia i isi au vasega.”
“Ou te faamoemoe e mafai ona ou taulai atu i le vasega i le aso. E le lelei tele sau faitau tusi, ma e faigata ona ou faalogo lelei.”
“E siomia au e le tele o tagata, ae o loo ou lagona pea le tuuatoatasi.”
“Ou te fiafia e i ai iinei i le seminare—o se nofoaga ua iu ina ou lagona ai le taliaina.”
“Ou te le iloa pe tatau ona ou i ai iinei i le aso. Sa ou faia ni mea ou te maasiasi ai.”
“Ou te lagona e pei ua na o au le tagata i lou aiga e leai se molimau.”

Afai tatou te faalagolago tasi i o tatou lava gafatia, o le a le mafai ona taulimaina manaoga faapitoa uma lava a a tatou tamaiti aoga. Ae ui i lea, afai ua tatou saunia ma mulimuli i uunaiga a le Agag Paia, o le a mafai ona taitaia i tatou e aoao atu i se auala lena o le a faateleina le liua o a tatou tamaiti aoga ma fesoasoani e taulimaina o latou manaoga e vaaia ma na e le vaaia.

Maimoa le vitio “Teaching by the Spirit” (1:39), e maua i le LDS.org. I lenei vitio, ua faasoa atu e Sister Park le taua o le mauaina o le Agaga e taitaia o ia ao ia aoao atu.

Sosoo ai, maimoa le vitio “The Lord Knows Every Need” (0:45), e maua i leLDS.org. I lenei vitio, ua faamatala ai e Elder Richard G. Scott (1928–2015) o le Korama a Aposetolo e Toasefululua pe faapefea ona mafai ona taitaia oe e le Agaga Paia ia taulimaina manaoga o au tamaiti aoga.

Aoao Atu ma le Aoaoina Mai o le Talalelei Tusitaulima o Gaoioiga

Ata

faavaa o le tusitaulima

“E tupu le aoao atu ma le aoaoina mai e ala i le Agaga pe a faatinoina e le Agaga Paia Lana matafaioi po o faamoemoega i le faiaoga, i le tamaitiiti aoga, po o i laua uma.” (Aoao Atu ma le Aoaoina Mai o le Talalelei, 13).

O le tusitaulima Aoao Atu ma le Aoaoina Mai o le Talalelei e fesoasoani e faamaninoina atili ma faalolotoina lo tatou malamalama pe aisea e tatau ai i faiaoga ma tamaiti aoga ona aoao atu ma aoaoina mai e ala i le mana o le Agaga Paia. Suesue le vaega 2.1 (“Aoao Atu ma le Aoaoina Mai e Ala i le Agaga”) i le itulau 13 seia oo i le faaiuga o le lisi ua faailogaina i le faaiuga o le itulau 13.

I lau tusitaulima, tusi mataupu faavae taua ma faatinoga na o le a fesoasoani ia te oe e fai ai mea nei:

Ia iloa o le aoao atu ma le aoaoina mai faatoa tupu e ala i le mana o le Agaga Paia.
Faaloloto lou malamalama i matafaioi ma galuega a le Agaga Paia i le aoaoina atu ma le aoaoina mai o le talalelei.

I lau api talaaga patino, faamatala le ala o le a uunaia ai e le malamalama ma le talitonu i le matafaioi a le Agaga Paia le ala e te saunia ai au lesona ma aoao atu au tamaiti aoga.

Valaaulia le Agaga e Faataunuu Lana Matafaioi

Pe a tatou malamalama i le matafaioi a le Agaga Paia i le aoao atu ma le aoaoina mai o le talalelei, o le a tatou faia mea uma tatou te mafaia e valaaulia ai o Ia e faataunuu Lana matafaioi i olaga o a tatou tamaiti aoga (tagai i le Aoao Atu ma le Aoaoina Mai o le Talalelei, vaega 2.1 [“Aoao Atu ma le Aoaoina Mai o le Talalelei”], itulau 13).

E mafai e faiaoga ona fai mea nei e valaaulia ai le Agaga e faataunuu Lana matafaioi:

Tauivi mo le agavaa patino.
Fai se “tatalo o le faatuatua” (MF&F 42:14).
Saili ina ia saunia atoatoa mo lesona taitasi.
Saili e taulai atu i aafiaga e aoao ai a latou tamaiti aoga.
Saili le filemu nai lo le lagonaina o le le fiafia ma le popole e uiga i isi mea.
Ia maua se agaga o le talosaga lotomaualalo.
Uunaia tamaiti aoga e valaaulia le Agaga Paia i a latou aafiaga e aoao ai.

Maimoa i le vitio “Inviting the Spirit: Teachers” (2:47), e maua i le LDS.org. I lenei vitio, e faasoa atu e faiaoga mea e mafai ona latou faia e valaaulia ai le Agaga i o latou loto ma i totonu o le potuaoga. Ao e maimoa i le vitio, tusi ni faamatalaga i lau tusitaulima Aoao Atu ma le Aoaoina Mai o le Talalelei e uiga i faatinoga taua e te manao e manatua.

E mafai e faiaoga ma tamaiti aoga ona fai mea nei e valaaulia ai le Agaga e faataunuu Lana matafaioi:

Faitau ma aoao atu mai tusitusiga paia ma upu a perofeta.
Taulai atu faataitaiga ma talanoaga i le Faaola ma faasoa atu le molimau ia te Ia.
Faafaigofie ma manino le ta’uaina o aoaoga faavae ma mataupu faavae o le talalelei.
Faaalu le taimi mo mafaufauga loloto i taimi o le filemu musuia.
Fefaasoaai aafiaga patino talafeagai ma femolimaua’i e uiga i aoaoga faavae ma mataupu faavae.
Fefaaalia’i le alofa ma le agaga faafetai mo le tasi ma le isi ma mo le Alii.

Maimoa i le vitio “Inviting the Spirit: Teachers and Students” (2:23), e maua i le LDS.org. I lenei vitio, o faiaoga ma tamaiti aoga e fefaasoaai mea e mafai ona latou faia e valaaulia ai le Agaga i o latou loto ma i totonu o le potuaoga. Ao e maimoa i lenei vitio, tusi ni faamatalaga i lau tusitaulimaAoao Atu ma le Aoaoina Mai o le Talalelei e uiga i faatinoga taua na e te manao e manatua.

I lau api talaaga patino, tusi ni nai uunaiga po o aitema e faatino na e oo mai i lou mafaufau ao e mafaufau loloto pe faapefea e oe ma au tamaiti aoga ona mafai ona valaaulia le Agaga Paia e faataunuu Lana matafaioi i le aoaoina atu ma le aoaoina mai o le talalelei.

Tagai i le faaopoopoga o lenei tusi lesona mo pepa e tufa atu ua faaautu “Valaaulia le Agaga Paia e Faataunuu Lana Matafaioi i le Aoaoina Atu ma le Aoaoina Mai o le Talalelei,” lea e lisiina ai auala e mafai ai e faiaoga ona valaaulia le Agaga e faataunuu Lana matafaioi.

Aotelega ma le Faaaogaina

O Mataupu Faavae ia Manatua

“E tupu le aoao atu ma le aoaoina mai e ala i le Agaga pe a faatinoina e le Agaga Paia Lana matafaioi po o faamoemoega i le faiaoga, i le tamaitiiti aoga, po o i laua uma” (Aoao Atu ma le Aoaoina Mai o le Talalelei, 13).
Ona ua e faalogo lelei i uunaiga filemu a le Agaga, e mafai ona taitaia oe e fesoasoani e taulimaina manaoga e vaaia ma na e le vaaia a tamaiti aoga.
O le taimi lava tou te malamalama ai ma au tamaiti aoga i le taua o le matafaioi a le Agaga Paia e faia i le aoaoina faaleagaga, o le a e faia mea uma e te mafaia e valaaulia ai le Agaga e faataunuu nei galuega.

Ata
Peresitene Dieter F. Uchtdorf

“E leai se aoaoga faavavau e mafai ona tupu e aunoa ma lena faaolaolaina o le Agaga mai le lagi. … Mo lenei mafuaaga, e tatau ona e aoao atu le talalelei ‘i le Agaga, e oo lava i le Faamafanafana lea na auina mai e aoao atu le upumoni’ [MF&F 50:14]” (Dieter F. Uchtdorf, “A Teacher of God’s Children” [o se afiafi faatasi ma Peresitene Dieter F. Uchtdorf, Ian. 28, 2011], 7, si.lds.org).

“Ona, a lea?”

Ina ia faaiuina lenei aafiaga e aoao ai, tusi i lalo ni mea o le a e faia e faalagolago i mataupu faavae na e aoaoina i le aso.