Aafiaga e Aoao ai 2

O Le Sini Faamoemoeina o Seminare ma Inisitituti o Mataupu Faalelotu

Vaaiga Aoao

O lenei aafiaga e aoao ai e aofia ai le mulimuli i manatu:

Malamalama i le Sini Faamoemoeina o Seminare ma Inisitituti o Mataupu Faalelotu
Malamalama i lou faamoemoega o se faiaoga
Fesoasoani i tamaiti aoga ia oo ina liua moni lava

Manatu Autu

Malamalama i Lou Faamoemoega

Ina ia taulai atu a tatou taumafaiga ao tatou fesoasoani i le galuega a le Alii, ua tuuina atu i faiaoga i le S&I se faamoemoega manino lava. O lenei faamoemoega e taua o le Sini Faamoemoeina o Seminare ma Inisitituti o Mataupu Faalelotu. E taua lou atiina ae o se malamalama loloto o lenei faamoemoega ma pe faapefea ona ia mafai ona taitaia lau galuega o aso uma o se faiaoga.

O Le A Lo Tatou Faamoemoega?

“O lo tatou faamoemoega o le fesoasoani lea i le autalavou ma talavou matutua ia malamalama ma faalagolago i aoaoga ma le Togiola a Iesu Keriso, ia agavaa mo faamanuiaga o le malumalu, ma ia saunia i latou lava, o a latou aiga, ma isi mo le ola e faavavau faatasi ma lo latou Tama i le Lagi” ( Aoao Atu ma le Aoaoina Mai o le Talalelei: O Se Tusitaulima mo Faiaoga ma Taitai i Seminare ma Inisitituti o Mataupu Faalelotu [2012], x).

Maimoa le vitio “Our Purpose” (1:32), e maua i le LDS.org. I lenei vitio, e tauloto atu e faiaoga le faamoemoega o Seminare ma Inisitituti o Mataupu Faalelotu.

A uma ona maimoa le vitio, tusi ou manatu ma lagona i se api o talaaga e suesue ai po o se isi nofoaga e mafai ona e toe maua ai ma faasoa atu i lou taitai o le aoaoga po o le vaega.

Faaloloto le Atiaeina o le Talalelei i Loto o Tamaiti Aoga

I le taimi o le faasalalauga o le selau tausaga o le seminare i le 2012, na faasoa mai ai e Peresitene Henry B. Eyring o le Au Peresitene Sili ni lagona e uiga i le amataga ma faamoemoega o le seminare.

Maimoa le vitio “A Foundation of Faith: 100 Years of Seminary” (7:36), o se vaega mai le lauga a Peresitene Eyring, e maua i le LDS.org. Ao e maimoa, vaavaai mo faamaoniga pe faapefea e le seminare ona fesoasoani i le talalelei ia oo ifo i totonu o loto o tamaiti aoga.

A uma ona e maimoa i le vitio, tusi ou manatu ma lagona i se api o talaaga e suesue ai po o se isi nofoaga e mafai ona e toe maua ai ma faasoa atu i lou taitai o le aoaoga po o le vaega.

Tusitaulima o Gaoioiga Aoao Atu ma le Aoaoina Mai o le Talalelei

Ata

faavaa o le tusitaulima

Faitau le vaega 1.1 (“O Lo Tatou Faamoemoega”) i itulau 1–2 o le tusitaulima Aoao Atu ma le Aoaoina Mai o le Talalelei. Vase upu ma fuaitau na e fesoasoani ia te oe ia malamalama ai i lou faamoemoega o se faiaoga i Seminare ma Inisitituti o Mataupu Faalelotu.

A uma ona e faitau, tusi ou manatu ma lagona i se api o talaaga e suesue ai po o se isi nofoaga e mafai ona e toe maua ai ma faasoa atu i lou taitai o le aoaoga po o le vaega.

Aotelega ma le Faaaogaina

O Mataupu Faavae ia Manatua

O se malamalama manino o le Sini Faamoemoeina o Seminare ma Inisitituti o Mataupu Faalelotu o le a taitaia i tatou ia tatou galuega i aso uma o ni faiaoga.
O le aoao atu anoa e mafai ona fesoasoani i le talalelei ia goto ifo i totonu o loto o tamaiti aoga.
O la tatou sini e tatau ona fesoasoani i a tatou tamaiti aoga e aafia moni i le liua i le talalelei.

Ata
Peresitene Dieter F. Uchtdorf

“A o tatou aoaoina o tatou tagata talavou ia alolofa i le Faaola o Iesu Keriso, o le a avea i latou ma soo moni o le Matai. O lenei faagasologa o le a saunia i latou e avea … ma taitai o ni aiga e faavavau. O le a avea malumalu o se vaega masani ma le taua o o latou soifuaga. (Dieter F. Uchtdorf, “A Teacher of God’s Children” [o se afiafi faatasi ma Petesitene Dieter F. Uchtdorf, Ian. 28, 2011], 5, si.lds.org).

“Ona, a lea?”

Ina ia faaiu lenei aafiaga e aoao ai, tusi i lalo ni mea o le a e faia e faalagolago i mataupu faavae na e aoaoina i le aso.