Aafiaga e Aoao ai 10

Filifili Po o a Mea e Aoao Atu: E Faaaoga ai Tusitusiga Paia ma le Tusi Lesona a le Faiaoga

Vaaiga Aoao

O lenei aafiaga e aoao ai ua aofia ai manatu nei:

Folasaga i le Tusi Lesona a le Faiaoga
Taliaina ma le faafetauiina o le mataupu aoaoina
Faaaogaina o le tusi lesona a le faiaoga ma tusitusiga paia e saunia ai se lesona

Ata

tamaitai o loo faitauina tusitusiga paia

Manatu Autu

Na olioli lava Sister Murray i le aoaoina o se vasega o le Aoaoga Faavae o le Talalelei i ni taimi pe faalua i masina taitasi i lana uarota. Ao fiafia o ia i le avea ai ma se faiaoga faatoa valaau o le seminare, ua mafaufau o ia pe faapefea ona ia saunia se lesona anoa i aso uma: “O le saunia ma le aoaoina atu o se lesona i aso uma e foliga mai o se tautinoga maoae. O a punaoa o loo maua e fesoasoani ia te au?”

Faatomuaga i le Tusi Lesona a le Faiaoga

O le saunia o se lesona i aso taitasi uma o le vaiaso e mafai ona foliga mai e pei e taufaafefe ma ave uma ai le taimi.

Maimoa le vitio “Introduction to the Teacher Manual” (4:01), o loo maua i le LDS.org. I lenei vitio, o le a e aoao ai pe faapefea ona faaaoga tusitusiga paia ma le tusi lesona a le faiaoga e saunia ai lesona ma le mataalia ma le atoatoa.

Faamatalaga: Afai e te lei mauaina se tusi lesona, faafesootai lau supavaisa. E mafai foi ona e maua tusi lesona uma i le lds.org/manual/institute mo tusi lesona a le inisitituti ma lds.org/manual/seminary mo tusi lesona a le seminare.

Gaoioiga o le Tusi Lesona a le Faiaoga

Faamatalaga: O lesona taitasi i tusi lesona a seminare ma inisitituti ua faatulagaina e fesoasoani ia te oe ia saunia ai ma le mataalia. E le o tusi lesona uma a faiaoga ua faatulagaina pe faailogaina i le ala e tasi, ae o anomea e tai tutusa o loo maua i tusi lesona uma a faiaoga. O gaoioiga i lenei aafiaga e aoao ai e faalagolago i tusi lesona lata mai nei a le seminare.

Tatala lau tusi lesona a le faiaoga i soo se lesona pe faaaoga le pepa e tufa atu ua faaautu “Lesona Faataitai—3 Nifae 11:1–17” lea ua saunia i le faaopoopoga o lenei tusi lesona.

Faitau atoa le lesona ma vaavaai mo elemene nei. Afai ua e faailoaina elemene taitasi, maka i le lisi lenei:

Autu o le lesona

Ua faaalia mai i le autu o le lesona mataupu o mau e aofia i le lesona.
Faatomuaga o le poloka mau

Ua tuuina mai e le faatomuaga o le poloka mau se vaaiga aoao o le talaaga ma le anotusi o le poloka mau.
Faamatalaga o vaega o fuaiupu ma le aotelega o talaaga

O vaega o fuaiupu ua tuuina mai ai se faasologa faapitoa o fuaiupu na e taulai atu i se autu po o se faatinoga faapitoa. O faamatalaga o le aotelega o le talaaga e aotele ai mea na tutupu po o aoaoga i totonu o le vaega o le fuaiupu.
Tino o le Lesona
O faamatalaga o le aoaoga faaavae po o le mataupu faavae

O faamatalaga o le aoaoga faavae po o le mataupu faavae o ni faamatalaga pupuu o upumoni o mau.
O manatu ma faamatalaga o le siosiomaga ma manatu faaleaoaoga faaopoopo (atonu e le maua uma nei mea i lesona taitasi)

O manatu ma faamatalaga o le siosiomaga ua saunia upusii ma ni faamatalaga faaopoopo o le talaaga faaletalafaasolopito po o fuaitau o mau. Ua tuuina mai e nei mea fautuaga mo le aoaoina o aoaoga faavae ma mataupu faavae ia atonu e le o faailoaina pe le faamamafaina i le atoaga o le lesona. E mafai foi ona tuuina atu ni fautuaga i le faaaogaina o ata, e pei o aoaoga i le DVD ma vitio i luga o le LDS.org.

Faavae o le Aoao Atu ma le Aoaoina Mai o le Talalelei i le Tusi Lesona a le Faiaoga

O tusi lesona a faiaoga o le seminare ma le inisitituti ua fuafuaina e fesoasoani ia te oe e tuufaatasi Faavae o le Aoao Atu ma le Aoaoina Mai o le Talalelei ao e saunia ma aoao atu lesona taitasi.

Maimoa le vitio “The Fundamentals in the Curriculum” (2:15), e maua i le LDS.org. Ao e maimoa, vaavaai pe faapefea ona fesoasoani tusi lesona a le seminare ma le inisitituti i faiaoga e tuu faatasi Faavae o le Aoao Atu ma le Aoaoina Mai o le Talalelei i lesona taitasi.

Taliaina ma Fetuunai le Mataupu Aoaoina

Na aoao mai e Elder Dallin H. Oaks o le Korama a Aposetolo e Toasefululua mea nei e faatatau i ala e tatau ona faaaoga ai e faiaoga o seminare ma inisitituti anomea o mataupu aoaoina.

Ata
Elder Dallin H. Oaks

“E muamua ona tatou talia, ona tatou fetuunaia ai lea. Afai ua tatou iloa lelei le lesona faatulagaina lea o le a tatou tuuina atu, ona mafai lea ona tatou mulimuli i le Agaga e fetuunaia” (“O Se Talanoaga Faavaega ma Elder Dallin H. Oaks” [Faasalalauga Satelite a Seminare ma Inisitituti o Mataupu Faalelotu, Aok. 7, 2012]; LDS.org).

I le avea ai ma faiaoga o seminare ma inisitituti, tatou te taliaina le mataupu aoaoina i le tusi lesona a le faiaoga ma fetuunai ia fetaui ma manaoga o a tatou tamaiti aoga.

Taliaina	Fetuunai
Taliaina o le mataupu aoaoina o lona uiga o le faitauina ma faatofuina o oe lava i tusitusiga paia ma le lesona ua faamaonia i lau tusi lesona a le faiaoga. O le mataupu aoaoina e fesoasoani ia oe e malamalama ai i mau, le faamoemoega o tusitala faaletusitusiga paia musuia, mataupu faavae e liua ai, ma le aoaoga faavae autu. Faatuatuaina le anotusi ma faaaoga i lou potuaoga.	Taliaina le mataupu aoaoina o lona uiga e te faafetauia le lesona e pei ona faatonuina e le Agaga ina ia fetaui ma manaoga o tamaiti aoga taitasi ma fesoasoani ia i latou ia faamanuiaina.

Faaaogaina o Tusitusiga Paia ma le Tusi Lesona a le Faiaoga e Saunia ai se Lesona

Ao e faaaogaina lau tusi lesona a le faiaoga ma le mataalia, e mafai ona e saunia ni lesona faagaeetia na e le manaomia ai ni itula se tele o sauniuniga.

Maimoa le vitio “Curriculum Overview” (4:45), e maua i le LDS.org. O lenei vitio ua aoteleina le ala e faaaoga ai au tusitusiga paia ma le tusi lesona a le faiaoga faatasi e mafai ai ona fesoasoani ia te oe e saunia ni lesona anoa mo au tamaiti aoga.

“Using the Scriptures and the Teacher Manual” (5:11), e maua i le LDS.org. I lenei vitio, ua faasoa mai e Sister Wilson fautuaga taua e uiga i le faaaogaina o tusitusiga paia ma mataupu aoaoina faatasi i le saunia o lesona. Ao e maimoa, vaavaai mo manatu taua e manatua ai ao e saunia au lesona.

Gaoioiga o le Saunia o le Lesona

O lou taimi lenei e faaaoga ai au tusitusiga paia ma lau tusi lesona a le faiaoga e faataitai ai le saunia o se lesona. Tatala lau tusi lesona a le faiaoga i soo se lesona pe faaaoga le pepa e tufa atu ua faaautu“Lesona Faataitai—3 Nifae 11:1–17”

Ao e faaumaina nei laasaga, maka uma e faaalia ai ua e faaumaina le vaega o lau sauniuniga.

Faitau le autu o le lesona ma sue i le poloka i au tusitusiga paia.
Faitau le faatomuaga o le poloka mau.
Faatofu oe lava i poloka mau e ala i le faitauina, suesueina, mafaufau loloto, ma le tatalo mo uunaiga.
Suesue le tino o le lesona, vaai lelei i fuaitau o le aoaoga faavae ma le mataupu faavae.
Mafaufau i manaoga o au tamaiti aoga ma filifili po o a mataupu faavae e sili ona latou manaomia.
Filifili po o le a le tele o le faamamafa o le a e tuuina i nisi o mataupu faavae, e faalagolago i manaoga o au tamaiti aoga.
Faitau soo se anomea faaopoopo ua saunia i le lesona ma mafaufau pe faapefea ona e faaaogaina lenei anomea i lau lesona.

Ia saunia e talanoaina lenei aafiaga faatasi ma lou taitai mo le aoaoga faafaiaoga po o le vaega.

Aotelega ma le Faaaogaina

Mataupu Faavae ia Manatua

O tusitusiga paia o au punaoa mo anomea e aoaoina, ma o le tusi lesona a le faiaoga o lau punaoa mo le saunia o lau lesona.

Ua fuafuaina le mataupu aoaoina i se ala e fesoasoani ia te oe e saunia ai lesona mataalia ma atoatoa lelei.
E mafai ona e taliaina ma fetuunai le mataupu aoaoina ia talafeagai ma manaoga o tamaiti aoga.
Ao e fetuunaia le mataupu aoaoina, mafaufau ma le faaeteete i manaoga o au tamaiti aoga ma uunaiga a le Agaga Paia.
E mafai ona e taulimaina manaoga o tamaiti aoga ao e saunia lesona e faaaoga ai le mataupu aoaoina ma le mataalia.

Ata
Elder Henry B. Eyring

“O e ua valaauina e le perofeta ia mautinoa e sa’o aoaoga faavae ua aoaoina i le Ekalesia e iloilo upu uma, ata uma, atatusi uma i lena mataupu aoaoina ua e mauaina. E mafai ona tatou tatalaina le mana o le mataupu aoaoina i le na o le faatinoina o lo tatou faatuatua lena ua musuiaina e le Atua. …

“O le mulimulitaia o le anotusi o le mataupu aoaoina faapea ai foi ma lona faasologa sao, o le a tatalaina ia a tatou meaalofa tulaga ese o le aoao atu, ae le o le taofiofia o na meaalofa” (Henry B. Eyring, “The Lord Will Multiply the Harvest” [o se afiafi faatasi ma Elder Henry B. Eyring, Fep. 6, 1998], 4, 5, si.lds.org).

“Ona, a lea?”

Ina ia faaiu lenei aafiaga e aoao ai, tusi i lalo nisi o mea o le a e faia e faalagolago i mataupu faavae na e aoaoina i le aso.