ប្រធានបទ និង សំណួរ

មាតិកា
ការស្វែងរកចម្លើយចំពោះសំណួររបស់បងប្អូន
ការជួយអ្នកដទៃជាមួយនឹងសំណួររបស់ពួកគេ
ក
- ការកាន់ខ្ជាប់ដរាបដល់ចុងបំផុត
- ការគោរពប្រតិបត្តិ
- ការចូលរួមនៅក្នុងកិច្ចការព្រះវិហារបរិសុទ្ធ និង ពង្សប្រវត្តិ
- ការជំនុំជម្រះ
- ការតមអាហារ
- ការថ្វាយ
- ការធ្លាក់របស់លោកអ័ដាម និងនាងអេវ៉ា
- ការនិមិត្តដំបូង
- ការបង្កបង្កើត
- ការប្រមូលផ្ដុំសាសន៍អ៊ីស្រាអែល
- ការប្រសិទ្ធពរបព្វជិតភាព
- ការប្រសូតរបស់ព្រះយេស៊ូវគ្រីស្ទ
- ការប្រែចិត្ត
- ការប្រែចិត្តជឿលើព្រះយេស៊ូវគ្រីស្ទ
- ការពលិកម្ម
- ការមានព្រះជន្មរស់ឡើងវិញ
- ការមើលថែដល់អ្នកខ្វះខាត
- ការយាងមកជាលើកទីពីររបស់ព្រះយេស៊ូវគ្រីស្ទ
- ការរៀនសូត្រ និងការបង្រៀនដំណឹងល្អរបស់ព្រះយេស៊ូវគ្រីស្ទ
- ការស្ដារបព្វជិតភាពឡើងវិញ
- ការស្តារឡើងវិញនៃដំណឹងល្អ
- ការអញ្ជើញមនុស្សទាំងអស់ឲ្យទទួលយកដំណឹងល្អ
- ការអធិស្ឋាន
- ការអភ័យទោស
- កូនសោទាំងឡាយនៃបព្វជិតភាព
- ក្រុមព្រះ
គ
- គ្រួសារ
ជ
- ជីវិតដ៏នៅអស់កល្បជានិច្ច
- ជីវិតមុនជីវិតលើផែនដី
- ជីវិតរមែងស្លាប់
ដ
- ដង្វាយធួនរបស់ព្រះយេស៊ូវគ្រីស្ទ
- ដង្វាយមួយភាគក្នុងដប់
- ដើមកំណើតនៃគម្ពីរអ័ប្រាហាំ
- ដំណើររឿងដ៏ច្រើននៃការនិមិត្តដំបូង
ថ
- ថ្ងៃឈប់សម្រាក
- ថ្វាយបង្គំព្រះជាព្រះវរបិតា
ប
- បទបញ្ញត្តិទាំងឡាយ
- បព្វជិតភាពម៉ិលគីស្សាដែក
- បព្វជិតភាពអើរ៉ុន
- បុត្រាបុត្រីនៃព្រះ
ផ
- ផែនការនៃសេចក្តីសង្គ្រោះ
ព
- ពររបស់លោកអយ្យកោ
- ពាក្យសម្តីនៃប្រាជ្ញាវាងវៃ
- ពិធីបរិសុទ្ធនៃអំណោយទានពិសិដ្ឋ និងការផ្សារភ្ជាប់
- ពិធីបុណ្យជ្រមុជទឹក
- ពិធីសាក្រាម៉ង់
- ពិភពវិញ្ញាណ
- ព្យាការី
- ព្រហ្មចារីភាព
- ព្រះគម្ពីរ
- ព្រះគម្ពីរប៊ីប
- ព្រះគម្ពីរមរមន
- ព្រះគុណ
- ព្រះជាព្រះវរបិតា
- ព្រះវិញ្ញាណបរិសុទ្ធ
- ព្រះវិហារបរិសុទ្ធ
យ
- យ៉ូសែប ស៊្មីធ
វ
- វិវរណៈ
ស
- សាសនាចក្រតែមួយដែលពិត ហើយសកម្ម
- សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ
- សិទ្ធិជ្រើសរើស
- សេចក្ដីជំនឿលើព្រះយេស៊ូវគ្រីស្ទ
- សេចក្ដីពិត
- សេចក្ដីសញ្ញាដ៏អស់កល្បអស់កាលជានិច្ច
- សេចក្ដីសញ្ញា និងពិធីបរិសុទ្ធ
- សេចក្ដីសប្បុរស
- សេចក្តីសង្ឃឹម
- សេចក្តីសង្រ្គោះ
អ
- អព្ភូតហេតុទាំងឡាយ
- អាពាហ៍ពិពាហ៍
- អំណោយទានខាងព្រះវិញ្ញាណ

អំណោយទានខាងព្រះវិញ្ញាណ

« អំណោយទានខាងព្រះវិញ្ញាណ » ប្រធានបទ និង សំណួរ ( ឆ្នាំ២០២៣ )

មគ្គទេសក៍សិក្សាដំណឹងល្អ

អំណោយទានខាងព្រះវិញ្ញាណ

ពរជ័យខាងវិញ្ញាណដែលទទួលបានតាមរយៈព្រះវិញ្ញាណបរិសុទ្ធ

ស្រមៃថាអ្នកទើបតែទទួលបានអំណោយដែលបានរៀបចំដោយយកចិត្ដទុកដាក់មួយ ។ អ្នកដែលជ្រើសរើសអំណោយនេះ បានយកចិត្តទុកដាក់បន្ថែម ដើម្បីផ្តល់ឲ្យអ្នកនូវអ្វីមួយដែលនឹងផ្តល់ពរជ័យមិនត្រឹមតែដល់ជីវិតរបស់អ្នកប៉ុណ្ណោះទេ ថែមទាំងជីវិតរបស់មនុស្សជុំវិញអ្នកផងដែរ។ នៅពេលដែលអ្នកបើកអំណោយ ហើយមើលឃើញអ្វីដែលនៅខាងក្នុង នោះអ្នកដឹងថាវាមានតម្លៃជាងអ្វីដែលអ្នកធ្លាប់អាចស្រមៃដល់ ។

ដូចគ្នានេះដែរ ព្រះវរបិតាសួគ៌បានត្រៀមព្រះកាយរួចជាស្រេច និងមានព្រះឆន្ទៈក្នុងការប្រទានឲ្យយើងនូវអំណោយដ៏មានតម្លៃដើម្បីប្រទានពរដល់យើង ។ អំណោយទានទាំងនេះត្រូវបានគេហៅថាអំណោយទានខាងព្រះវិញ្ញាណ ។ មានអំណោយទានខាងវិញ្ញាណជាច្រើនប្រភេទ ហើយអំណោយទាននីមួយៗអាចពង្រឹង និងជួយយើងបាន ។ ប៉ុន្តែវាអាស្រ័យលើយើងក្នុងការស្វែងរក ទទួល ហើយប្រើអំណោយទានទាំងនោះដើម្បីធ្វើកិច្ចការរបស់ព្រះវរបិតាសួគ៌ ។

តើអ្វីទៅជាអំណោយទានខាងព្រះវិញ្ញាណ ?

អំណោយទានខាងព្រះវិញ្ញាណគឺជាពរជ័យខាងវិញ្ញាណ ឬសមត្ថភាពដែលប្រទានឲ្យតាមរយៈព្រះវិញ្ញាណបរិសុទ្ធដល់សមាជិកស្មោះត្រង់នៃសាសនាចក្រ ។ អំណោយទានខាងព្រះវិញ្ញាណត្រូវបានផ្តល់ឲ្យសម្រាប់ « ស្អាងចិត្តពួកជំនុំឡើង » ( កូរិនថូស ទី១ ១៤:១២ ) និង « សម្រាប់ផលប្រយោជន៍ដល់កូនចៅនៃព្រះ » ( គោលលទ្ធិ និងសេចក្ដីសញ្ញា ៤៦:២៦ ) ។ បទគម្ពីរនិយាយអំពីអំណោយទានខាងវិញ្ញាណផ្សេងៗគ្នាជាច្រើនដែលយើងអាចទទួលបាន ( សូមមើល កូរិនថូស ទី១ ១២:១–១១ សូមមើលផងដែរ គោលលទ្ធិ និងសេចក្ដីសញ្ញា ៤៦:១១–២៥ ) ។ ព្រះវរបិតាសួគ៌ នឹងប្រទានអំណោយទានទាំងនេះដល់យើង ពេលដែលយើងស្វែងរកអំណោយទានទាំងនេះ ( សូមមើល គោលលទ្ធិ និងសេចក្ដីសញ្ញា ៤៦:៨–៩ ) ។

ទិដ្ឋភាពទូទៅនៃប្រធានបទ ៖ អំណោយទានខាងវិញ្ញាណ

មគ្គទេសក៍សិក្សាដំណឹងល្អដែលជាប់ទាក់ទង ៖ អំណោយទាននៃព្រះវិញ្ញាណបរិសុទ្ធ, សេចក្តីជំនឿលើព្រះយេស៊ូវគ្រីស្ទ, សេចក្តីសង្ឃឹម, សេចក្តីសប្បុរស

ផ្នែកទី ១

ព្រះវរបិតាសួគ៌ផ្តល់អំណោយទានខាងវិញ្ញាណដល់អ្នកស្មោះត្រង់

ព្រះប្រទានឲ្យយើងនូវអំណោយទានខាងវិញ្ញាណ ឬពរជ័យខាងវិញ្ញាណ នៅពេលដែលយើងស្រឡាញ់ទ្រង់ និងខិតខំរក្សាព្រះបញ្ញត្តិរបស់ទ្រង់ ( សូមមើល គោលលទ្ធិ និងសេចក្ដីសញ្ញា ៤៦:៩ ) ។ តាមរយៈអំណោយទានទាំងនេះ យើងអាចទទួលបានពរជ័យនៅក្នុងជីវិតរបស់យើង និងអាចផ្តល់ពរដល់ជីវិតរបស់អ្នកដទៃបានផងដែរ ។ អំណោយទានខាងវិញ្ញាណនាំមកនូវអំណាចបន្ថែមនៅក្នុងពិភពលោកមួយ ដែលអំពើអាក្រក់កំពុងកើនឡើងជាបន្តបន្ទាប់ ហើយតាមរយៈពរជ័យទាំងនេះយើងអាចរកឃើញសុវត្ថិភាព និងភាពសុខសាន្តខាងវិញ្ញាណ ។

រឿងទាំងឡាយដែលត្រូវពិចារណា

សាវកប៉ុលបានបង្រៀនថា ដូចជាគ្រប់ផ្នែកទាំងអស់នៃរាងកាយដែលបម្រើគោលបំណងដ៏សំខាន់មួយ អំណោយទានខាងវិញ្ញាណនីមួយៗគឺមានសារៈសំខាន់ចំពោះ « រាងកាយនៃព្រះគ្រីស្ទ » ឬរាងកាយនៃសាសនាចក្រដែរ ( កូរិនថូស ទី១ ១២:២៧ ) ។ សូមពិចារណាអាន កូរិនថូស ទី១ ១២:១២–៣០ ហើយបន្ទាប់មកជញ្ជឹងគិតអំពីរបៀបដែលអំណោយទានខាងវិញ្ញាណរបស់យើងអាចធ្វើការរួមគ្នាសម្រាប់ពរជ័យទាំងឡាយ ។ តើអ្នកបានឃើញអំណោយទានខាងវិញ្ញាណរបស់អ្នកដទៃធ្វើការជាមួយគ្នា ដូចជាផ្នែកនៃរាងកាយដែលធ្វើការជាមួយគ្នាដោយរបៀបណា ? តើអ្នកត្រូវបានប្រទានពរដោយសារតែអំណោយទានខាងវិញ្ញាណរបស់អ្នកដទៃដោយរបៀបណា ? អ្នកក៏អាចពិចារណាផងដែរអំពីអំណោយទានខាងវិញ្ញាណរបស់អ្នក និងអំពីរបៀបដែលអំណោយទានទាំងនោះអាចជួយស្ថាបនានរគររបស់ព្រះ ។ សូមធ្វើសកម្មភាពតាមការបំផុសគំនិតដែលអ្នកទទួលបាន ។
នៅពេលដែលយើងចូលរួមក្នុងពិធីសាក្រាម៉ង់ យើងបានសន្យាថាយើងអាចបានព្រះវិញ្ញាណបរិសុទ្ធគង់នៅជាមួយយើងជានិច្ច—ហើយការណ៍នេះគឺតាមរយៈព្រះចេស្តានៃព្រះវិញ្ញាណបរិសុទ្ធដែលយើងទទួលបានអំណោយទានខាងវិញ្ញាណ ។ សូមពិចារណាអានការអធិស្ឋានពិធីសាក្រាម៉ង់ ( សូមមើល គោលលទ្ធិ និងសេចក្ដីសញ្ញា ២០:៧៧, ៧៩ ) ហើយពិចារណាពីរបៀបដែលការធ្វើ និងការរក្សាសេចក្តីសញ្ញារបស់អ្នកអាចជួយអ្នកឲ្យត្រៀមខ្លួនរួចជាស្រេចដើម្បីទទួលបានអំណោយទានខាងវិញ្ញាណ ។

សកម្មភាពសម្រាប់ការរៀនសូត្រជាមួយអ្នកដទៃ

តើទីបន្ទាល់របស់អ្នកធ្លាប់ត្រូវបានពង្រឹងដោយអ្នកដទៃដែរឬទេ ? ប្រហែលអ្នកអាចនឹកចាំពីការចងចាំជាក់លាក់មួយអំពីពេលដែលសេចក្តីជំនឿរបស់នរណាម្នាក់បានធ្វើឲ្យទីបន្ទាល់របស់អ្នកកាន់តែរឹងមាំឡើង ។ ឬប្រហែលជាអ្នកមានអារម្មណ៍ថាទទួលប្រយោជន៍ពីទីបន្ទាល់របស់មិត្តភក្តិ ឬសមាជិកគ្រួសារជារៀងរាល់ថ្ងៃ ។ នៅក្នុង គោលលទ្ធិ និងសេចក្ដីសញ្ញា ៤៦:១៣–១៤ យើងរៀនថា ការជឿលើទីបន្ទាល់របស់នរណាម្នាក់អំពីព្រះយេស៊ូវគ្រីស្ទគឺជាអំណោយទានខាងវិញ្ញាណ ។ អ្នកអាច មើលវីដេអូនេះ របស់ប្រធាន ឌៀថើរ អេហ្វ អុជដូហ្វ រៀបរាប់ពីរបៀបដែលលោកទទួលបានអំណោយទាននោះ កាលជាយុវជនតាមរយៈគំរូ សេចក្តីស្រឡាញ់ និងការបម្រើរបស់មិត្តភក្តិរបស់លោក ។ បន្ទាប់មកចែកចាយជាមួយគ្នាទៅវិញទៅមកនូវបទពិសោធន៍ស្រដៀងគ្នាដែលអ្នកមាន ជាមួយនឹងអំណោយទានខាងវិញ្ញាណនេះ ។ តើជីវិតរបស់អ្នកទទួលបានពរដោយសារគំរូនៃអ្នកទាំងឡាយដែលស្មោះត្រង់នៅជុំវិញអ្នកដោយរបៀបណា ?

ស្វែងយល់បន្ថែមទៀត

រ៉ូម ១២:៤–៨; មរ៉ូណៃ ១០:២៤–២៥
ដាល្លិន អេក អូក « Spiritual Gifts » Ensign ខែកញ្ញា ឆ្នាំ១៩៨៦ ទំព័រ ៦៨–៧២
« Gifts of the Spirit » Teachings of Presidents of the Church: Joseph Smith ( ឆ្នាំ២០១១ ) ទំព័រ ១១៥-១២៣

ផ្នែកទី ២

ស្វែងយល់ពីអំណោយទានដែលព្រះបានប្រទានឲ្យអ្នក

ព្រះបានប្រទានអំណោយទានខាងវិញ្ញាណដល់យើងម្នាក់ៗ ហើយសុំឲ្យយើងខិតខំ « ចងចាំជានិច្ច ហើយទុកក្នុងគំនិត [ របស់យើង ] ជានិច្ចនូវអំណោយទានទាំងនោះ » ( គោលលទ្ធិ និងសេចក្ដីសញ្ញា ៤៦:១០ ) ។ តើយើងកំណត់សម្គាល់អំណោយទានខាងវិញ្ញាណរបស់យើង ដើម្បីយើងអាចចងចាំពីអំណោយទានទាំងនោះបានដោយរបៀបណា ? យើងអាចចាប់ផ្ដើមដោយការស្វែងរកបទគម្ពីរ ដែលផ្ដល់ឧទាហរណ៍ជាច្រើនអំពីអំណោយទានខាងវិញ្ញាណ ។ ទាំងនេះរួមបញ្ចូលទាំងសេចក្តីជំនឿ អំណោយទានខាងភាសា ខាងការសម្ដែងអព្ភូតហេតុដ៏អស្ចារ្យ និងខាងទីបន្ទាល់អំពីព្រះគ្រីស្ទ ( សូមមើល កូរិនថូស ទី១ ១២:៨–១០; មរ៉ូណៃ ១០:៩–១៦; គោលលទ្ធិ និងសេចក្ដីសញ្ញា ៤៦:១៣–២៥ ) ។

យើងអាចស្គាល់អំណោយទានខាងវិញ្ញាណរបស់យើងបាននៅពេលយើង « យោងទៅលើពររបស់លោកអយ្យកោរបស់យើង សួរអ្នកដែលស្គាល់យើងច្បាស់ និងការស្វែងរកផ្ទាល់ខ្លួននូវអ្វីដែលយើងពូកែតាំងពីកំណើត និងអ្វីដែលយើងរីករាយនឹងធ្វើ ។ សំខាន់បំផុតនោះ យើងអាចទូលសួរព្រះបាន ( សូមមើល យ៉ាកុប ១:៥; គោលលទ្ធិ និងសេចក្តីសញ្ញា ៤៦:៩; គោលលទ្ធិ និងសេចក្តីសញ្ញា ១១២:១០ ) ។ ពេលដែលយើងរកឃើញអំណោយទានដែលព្រះវរបិតាសួគ៌បានប្រទានឲ្យយើង នោះយើងអាចមកស្គាល់ទ្រង់ និងខ្លួនយើងកាន់តែប្រសើរឡើង ។

រឿងទាំងឡាយដែលត្រូវពិចារណា

ការរកឃើញអំណោយទានខាងវិញ្ញាណត្រូវការសេចក្តីជំនឿ និងការអត់ធ្មត់ ប៉ុន្តែព្រះអម្ចាស់អាចដឹកនាំយើងនៅក្នុងដំណើរការនេះបាន ។ ប្រហែលអ្នកអាចអាន គោលលទ្ធិ និងសេចក្ដីសញ្ញា ១១២:១០ ហើយជញ្ជឹងគិតអំពីរបៀបដែលព្រះអាចជួយអ្នករកឃើញអំណោយទានខាងវិញ្ញាណរបស់អ្នក ។ បន្ទាប់មកទូលសួរព្រះនៅក្នុងការអធិស្ឋានរបស់អ្នក ដើម្បីជួយអ្នករៀនអំពីអំណោយទានខាងវិញ្ញាណដែលទ្រង់បានប្រទានឲ្យអ្នក ។ អ្នកក៏អាចសុំឲ្យសមាជិកគ្រួសារ មិត្តភក្តិ និងអ្នកណែនាំ ដើម្បីជួយអ្នកឲ្យស្គាល់អំណោយទានខាងវិញ្ញាណដែលបានប្រទានដល់អ្នកផងដែរ ។ ពេលដែលអ្នករកឃើញអំណោយទានខាងវិញ្ញាណរបស់អ្នក សូមកត់ត្រាអំណោយទានខាងវិញ្ញាណទាំងនោះ ដើម្បីអ្នកអាចចងចាំអំណោយទានទាំងនោះ និងស្វែងយល់បន្ថែមអំពីអំណោយទានខាងវិញ្ញាណទាំងនោះ ។
ពេលដែលយើងរកឃើញអំណោយទានខាងវិញ្ញាណរបស់យើង ព្រះអម្ចាស់អាចធ្វើកិច្ចការតាមរយៈយើងដើម្បីប្រទានពរដល់អ្នកដែលនៅជុំវិញយើង ។ នៅក្នុងសុន្ទរកថារបស់លោក « I Have a Work for Thee » អែលឌើរ ចន ស៊ី ភីងគ្រី ជុញ្ញ័រ បាន ចែកចាយដំណើររឿងមួយអំពីស្ត្រីម្នាក់ដែលត្រូវបានផ្តល់អំណោយទានខាងវិញ្ញាណនៃការកត់សម្គាល់អ្នកដទៃ ។ លោកបានមានប្រសាសន៍ថា « ចាប់តាំងពីពេលនោះមក គាត់បានរកឃើញអំណរជាប្រចាំ ក្នុងការយកចិត្តទុកដាក់លើអស់អ្នកដែលត្រូវបានគេបំភ្លេចចោល ហើយព្រះបានធ្វើការតាមរយៈគាត់ដើម្បីប្រទានពរដល់មនុស្សជាច្រើន » ។ ពិនិត្យមើលឡើងវិញនូវផ្នែកដែលមានចំណងជើងថា « ស្វែងរក និងអភិវឌ្ឍអំណោយទានខាងវិញ្ញាណ » នៅក្នុងសារលិខិតរបស់អែលឌើរ ភីងគ្រី ។ តើអ្នកមានអំណោយទានខាងវិញ្ញាណអ្វីខ្លះ ដែលអាចជួយអ្នកសម្រេចកិច្ចការដែលព្រះមានសម្រាប់អ្នក ? តើមានអំណោយទានខាងវិញ្ញាណដែលអ្នកអាចរកឃើញ ហើយអាចជួយអ្នកក្នុងការងារបម្រើផ្ទាល់ខ្លួនរបស់អ្នកដែរឬទេ ? សរសេរចំណាប់អារម្មណ៍ណាមួយដែលអ្នកទទួលបាន ហើយបន្ទាប់មកធ្វើសកម្មភាពលើចំណាប់អារម្មណ៍ទាំងនោះ ។

សកម្មភាពសម្រាប់ការរៀនសូត្រជាមួយអ្នកដទៃ

អំណោយទានខាងវិញ្ញាណមួយចំនួនរបស់យើងប្រហែលជាមិនបង្ហាញឲ្យឃើញច្បាស់ដល់យើងដូចអំណោយទានរបស់អ្នកដទៃនោះទេ ។ ឧទាហរណ៍ បុគ្គលមួយចំនួនមាន « អំណោយទានក្នុងការមិនវិនិច្ឆ័យ អំណោយទានក្នុងការស្វែងរកព្រះសម្រាប់ការណែនាំ អំណោយទានក្នុងការធ្វើជាសិស្ស អំណោយទានក្នុងការមើលថែទាំអ្នកដទៃ អំណោយទានក្នុងការអាចធ្វើការពិចារណា អំណោយទានក្នុងការផ្តល់ការអធិស្ឋាន [ និង ] អំណោយទាននៃការថ្លែងទីបន្ទាល់ដ៏អស្ចារ្យមួយ » ។ តើអំណោយទានខាងវិញ្ញាណអ្វីខ្លះដែលអ្នកឃើញអ្នកដទៃនៅក្នុងក្រុមរបស់អ្នកមាន ? សរសេរអ្វីដែលមាននៅក្នុងគំនិត ហើយបន្ទាប់មកពិភាក្សាអំពីរបៀបដែលអំណោយទាននីមួយៗនេះគឺជាពរជ័យដល់មនុស្សទាំងអស់ ។ អ្នកក៏អាចនឹងកត់ចំណាំអំពីអំណោយទានខាងវិញ្ញាណដែលក្រុមរបស់អ្នកបានកត់សម្គាល់ក្នុងខ្លួនអ្នក ហើយពិចារណាអំពីរបៀបដែលអ្នកអាចអភិវឌ្ឍអំណោយទានខាងវិញ្ញាណទាំងនោះ ។

ផ្នែកទី ៣

ការស្វែងរក និងការប្រើប្រាស់អំណោយទានខាងវិញ្ញាណជួយយើងឲ្យក្លាយកាន់តែដូចជាព្រះគ្រីស្ទច្រើនឡើង ។

ព្រះអម្ចាស់អញ្ជើញយើងឲ្យស្វែងរកអំណោយទានខាងវិញ្ញាណដ៏ល្អបំផុត ដូចជាសេចក្តីជំនឿ សេចក្តីសង្ឃឹម និងសេចក្តីសប្បុរស ( សូមមើល មរ៉ូណៃ ១០:៣០; គោលលទ្ធិ និងសេចក្ដីសញ្ញា ៤៦:៨ សូមមើលផងដែរ អេធើរ ១២:២៨ ) ។ ពេលដែលយើងខិតខំអនុវត្តអំណោយទានខាងវិញ្ញាណទាំងនេះ នោះយើងក្លាយកាន់តែដូចជាព្រះយេស៊ូវគ្រីស្ទ ។ ការណ៍នេះធ្វើឲ្យយើងមានសមត្ថភាពកាន់តែច្រើនក្នុងការបម្រើតាមរបៀបដែលទ្រង់សព្វព្រះហឫទ័យដូច្នេះ « ដៃរបស់យើងអាចក្លាយទៅជាព្រះហស្តរបស់ទ្រង់ ភ្នែករបស់យើងក្លាយជាព្រះនេត្ររបស់ទ្រង់ ដួងចិត្ដរបស់យើង ទៅជាព្រះទ័យរបស់ទ្រង់ » ។

រឿងទាំងឡាយដែលត្រូវពិចារណា

អែលឌើរ យ៉ូសែប ប៊ី វ៉ឺតលីន បានបង្រៀនថា « ខ្ញុំសូមជំរុញឲ្យអ្នកពិនិត្យមើលជីវិតរបស់អ្នក ។ កំណត់ពីចំណុចដែលអ្នកកំពុងស្ថិតនៅ និងអ្វីដែលអ្នកត្រូវធ្វើ ដើម្បីក្លាយជាប្រភេទមនុស្សដែលអ្នកចង់ប្រែក្លាយ ។ បង្កើតគោលដៅបំផុសគំនិត ថ្លៃថ្នូរ និងសុចរិត ដែលបំភ្លឺការស្រមើលស្រមៃរបស់អ្នក និងបង្កើតភាពរំភើបនៅក្នុងដួងចិត្តរបស់អ្នក ។ ហើយផ្ដោតចិត្តទុកដាក់ទៅលើវា ។ ធ្វើការដោយខ្ជាប់ខ្ជួនដើម្បីសម្រេចគោលដៅទាំងនោះ » ។ តើអ្នកអាចអនុវត្តដំបូន្មាននេះដើម្បីស្វែងរក និងអភិវឌ្ឍអំណោយទានខាងវិញ្ញាណដោយរបៀបណា ? តើដំបូន្មាននោះអាចជួយអ្នកឲ្យក្លាយកាន់តែដូចជាព្រះយេស៊ូវគ្រីស្ទបានដោយរបៀបណា ? ប្រហែលអ្នកអាចសរសេរអំណោយទានខាងវិញ្ញាណ ដែលអ្នកសង្ឃឹមថានឹងអភិវឌ្ឍ និងគំនិតសម្រាប់របៀបដែលអ្នកអាចចាប់ផ្តើមធ្វើការលើអំណោយទានទាំងនោះ ។ ពេលដែលអ្នកស្វែងរកដើម្បីទទួលបាន និងអនុវត្តអំណោយទាននោះ សូមតាមដានពីរបៀបដែលវាផ្តល់ពរដល់អ្នកនៅក្នុងជីវិតប្រចាំថ្ងៃរបស់អ្នក និងរបៀបដែលវាផ្តល់ពរដល់អ្នកដទៃ ។ អ្នកក៏អាចថ្វាយការអធិស្ឋានអំពីការដឹងគុណ ដើម្បីថ្លែងអំណរគុណចំពោះអំណោយទានខាងវិញ្ញាណដែលអ្នកត្រូវបានប្រទានឲ្យ ( សូមមើល គោលលទ្ធិ និងសេចក្ដីសញ្ញា ៤៦:៣២ ) ។

សកម្មភាពសម្រាប់ការរៀនសូត្រជាមួយអ្នកដទៃ

ការក្លាយកាន់តែដូចជាព្រះគ្រីស្ទ តាមរយៈអំណោយទានខាងវិញ្ញាណតម្រូវឲ្យមានការអនុវត្ត ។ អែលឌើរ ហ្វ័ន ប៉ាប្លូ វីឡា បានមានប្រសាសន៍ថា ៖ « វាទំនងថា [ ព្រះវរបិតាសួគ៌ ] នឹងប្រទានឱកាសដល់យើងដើម្បីអភិវឌ្ឍអំណោយទាន [ ខាងវិញ្ញាណ ] ទាំងឡាយ ជាជាងគ្រាន់តែប្រគល់វាមកដល់យើងដោយគ្មានការខិតខំខាងវិញ្ញាណ ឬសាច់ឈាមនោះ ។ បើយើងប្រកបដោយព្រះវិញ្ញាណរបស់ទ្រង់ នោះយើងនឹងរៀនស្គាល់ឱកាសទាំងនោះ ហើយបន្ទាប់មកធ្វើតាមអំណោយទានទាំងនោះ `» ។ សូមមើលវីដេអូ « Faith and the Goal » ( នាទីទី ៤:៤០ ) ហើយនិយាយអំពីកិច្ចខិតខំប្រឹងប្រែង ដែលចូលទៅក្នុងការស្ថាបនាទេពកោសល្យផ្នែករាងកាយ ។ បន្ទាប់មកពិភាក្សាអំពីកិច្ចការដែលចំាបាច់ដើម្បីអភិវឌ្ឍអំណោយទានខាងវិញ្ញាណ ។ តើឱកាសអ្វីខ្លះដែលអ្នកអាចទាញយកជាប្រយោជន៍ ដើម្បីអនុវត្តអំណោយទានខាងវិញ្ញាណរបស់អ្នកបាន ? តើការធ្វើការលើអំណោយទានខាងវិញ្ញាណរបស់អ្នកអាចជួយវាឲ្យក្លាយជាផ្នែកមួយនៃអ្នកដោយរបៀបណា ?
អាចមានពេលខ្លះដែលយើងចងចាំដើម្បីប្រើអំណោយទានខាងវិញ្ញាណរបស់យើង ហើយពេលខ្លះទៀតយើងភ្លេច ។ ការណ៍នោះអាចកើតឡើងបាន - គ្មាននរណាម្នាក់ល្អឥតខ្ចោះនោះទេ ។ អ្វីដែលសំខាន់បំផុតគឺថាយើងយាងអញ្ជើញព្រះអម្ចាស់ចូលទៅក្នុងដំណើរការនេះ ។ សូមពិចារណាច្រៀងបទចម្រៀង « ឲ្យខ្ញុំកាន់តែវិសុទ្ធ » ។ សូមកត់សម្គាល់ពីរបៀបដែលទំនុកបទនេះអង្វរសុំជំនួយក្នុងការក្លាយកាន់តែដូចជាព្រះអង្គសង្គ្រោះ ។ តើអ្នកអាចស្វែងរកការណែនាំមកពីព្រះដោយរបៀបណាក្នុងការប្រើអំណោយទានខាងវិញ្ញាណរបស់អ្នក ដើម្បីឲ្យអ្នកកាន់តែក្លាយដូចជាទ្រង់ ? អ្នកក៏អាចសរសេរអំណោយទានខាងវិញ្ញាណដែលបានរៀបរាប់នៅក្នុងទំនុកតម្កើងនេះ ហើយជ្រើសរើសដើម្បីស្វែងយល់បន្ថែមអំពីអំណោយទានទាំងនោះនៅក្នុង សេចក្តីណែនាំដល់បទគម្ពីរទាំងឡាយ ។ ពិភាក្សាអំពីអ្វីដែលអ្នករកឃើញអំពីអំណោយទាន និងគំនិតទាំងនេះដែលអ្នកមានសម្រាប់ការអភិវឌ្ឍអំណោយទានទាំងនោះ ។

ស្វែងយល់បន្ថែមទៀត

ម៉ាថាយ ២៥:១៤–៣០; ហេព្រើរ ១១:១–៣៥; គោលលទ្ធិ និងសេចក្ដីសញ្ញា ៩៣:១២–១៣
ហែនរី ប៊ី អាវរិង « Gifts of the Spirit for Hard Times » Ensign ខែមិថុនា ឆ្នាំ២០០៧ ទំព័រ ១៨–២៤
ហ្គែរី អ៊ី ស្ទីវ៉ែនសុន « ការបំផុសគំនិតពីព្រះវិញ្ញាណ » លីអាហូណា ខែវិច្ឆិកា ឆ្នាំ២០២៣ ទំព័រ ៤២–៤៥
ចច ឃ្យូ ខានុន « Seeking Spiritual Gifts » Liahona ខែមេសា ឆ្នាំ២០១៦ ទំព័រ ៨០