7.

Бишопын зөвлөл

7.1

Бишоп ба түүний зөвлөхүүд

Бишоп нь тойрог дахь Сүмийн ажлыг удирдах санваарын түлхүүрүүдийг эзэмшдэг (3.4.1-ийг үзнэ үү). Бишопын зөвлөл нь бишоп, хоёр зөвлөхөөс бүрдэнэ.

Бишоп таван үндсэн үүрэг хариуцлага хүлээдэг. Үүнд:

• Тэр бол тойргийн тэргүүлэх дээд прист.

• Тэрээр Аароны санваарын ерөнхийлөгч.

• Олон нийтийн шүүгч байх

• Тэр тусламж хэрэгтэй хүмүүсийг харж халамжлах зэрэг Бурханы аврал, өргөмжлөлийн ажлыг зохицуулдаг.

• Тэр бичиг хэрэг, санхүү, цуглааны байрын ашиглалтад хяналт тавина.

Бишопын хамгийн чухал үүрэг хариуцлага бол тойргийн өсөж буй үеийнхэн (хүүхдүүд, өсвөр үеийнхэн, ганц бие залуучууд) юм. Тэрээр энэ үүрэг хариуцлагадаа анхаарлаа төвлөрүүлэх боломжтой байхын тулд олон үүргийг бусдад даалган хариуцуулдаг (4.2.5-ыг үзнэ үү).

7.1.1

Тэргүүлэх дээд прист

Бишоп бол тойргийн гол сүнслэг удирдагч юм.

7.1.1.1

Тойргийн байгууллага ба санваарын чуулга

Бишоп тойргийн Халамжийн нийгэмлэг, Залуу эмэгтэйчүүдийн байгууллагуудыг хариуцдаг. Тэр Ням гаргийн анги, Хүүхдийн хэсэг, тойргийн бусад хөтөлбөрийн үүргийг зөвлөхүүддээ даалган хариуцуулдаг.

Бишопын Аароны санваарын чуулгад хамаарах үүрэг хариуцлагыг 7.1.2-т тоймлосон. Түүний Ахлагчийн чуулгад хамаарах үүрэг хариуцлагыг 8.3.1-д тоймлосон.

7.1.1.2

Ёслол ба адислал

Бишоп тойргийнхоо дараах ёслол, адислалуудыг гүйцэтгэх ажлыг удирдана. Үүнд:

• Ариун ёслол

• Хүүхдэд нэр өгч, адислах

• 8 настай, бүртгэлтэй хүүхдүүдийн баптисм ба гишүүний баталгаа (хөрвөгчдийн хувьд 31.2.3.2-ыг үзнэ үү)

• Аароны санваар олгох болон дикон, багш, пристийн албанд томилох

7.1.1.3

Зөвлөлүүд ба хурал цуглаан

Бишоп нь тойргийн зөвлөл, өсвөр үеийнхний зөвлөлийг удирдана (29.2.5, 29.2.6-г үзнэ үү).

Бишопын зөвлөл ариун ёслолын цуглааныг болон 29-р бүлэгт жагсаасан тойргийн бусад хурал цуглааныг төлөвлөнө.

7.1.1.4

Дуудлага өгөх ба дуудлагаас чөлөөлөх

Дуудлага өгөх, дуудлагаас чөлөөлөхтэй холбоотой бишопын үүрэг хариуцлагыг 30-р бүлэгт тоймлосон.

7.1.2

Аароны санваарын ерөнхийлөгч

Бишоп тойргийнхоо Аароны санваарын ерөнхийлөгчийн хувьд дараах үүрэг хариуцлагыг хүлээнэ. Зөвлөхүүд нь түүнд тусална.

• Өсвөр үеийнхэнд заахад нь эцэг эхэд дэмжлэг үзүүлнэ.

• Аароны санваарын чуулгууд ба Залуу эмэгтэйчүүдийн ангиудыг хянана. Бишоп бол пристийн чуулгын ерөнхийлөгч мөн (Сургаал ба Гэрээ 107:87–88-ыг үзнэ үү). Түүний нэгдүгээр зөвлөх багшийн чуулгыг хариуцна. Хоёрдугаар зөвлөх нь диконы чуулгыг хариуцна.

• Тойргийн Залуу эмэгтэйчүүдийн ерөнхийлөгчтэй зөвлөлдөнө.

• Өсвөр насны хүүхэд бүртэй тогтмол уулз.

7.1.3

Олон нийтийн шүүгч

Бишоп тойргийнхоо олон нийтийн шүүгч юм (Cургаал ба Гэрээ 107:71–74-ийг үзнэ үү). Тэр дараах үүрэг хариуцлага хүлээнэ.

• Өсвөр үеийнхэн ба насанд хүрэгчдийг ариун сүмийн эрхийн бичгийг авахуйц зохистой байхад тусална.

• 31.2-т тоймлосноор ярилцлагыг явуулна.

• Сүнсний удирдамж эрэлхийлж байгаа, хувийн томоохон асуудалтай эсвэл ноцтой гэм нүгэл үйлдсэн тойргийн гишүүдтэй уулзаж, Есүс Христийн эдгээх хүчээс хүртэхэд нь тэдэнд тусална.

• Шаардлага гарвал гадасны ерөнхийлөгчийн удирдлаган доор гишүүнчлэлийн зөвлөлийн хурлыг хуралдуулна. Удирдамж зааврыг 32-р бүлгээс үзнэ үү.

7.1.4

Бурханы аврал, өргөмжлөлийн ажлыг зохицуулах

Бишоп нь тойрогтоо Бурханы аврал, өргөмжлөлийн ажлыг уялдуулан холбоно (1-р бүлгийг үзнэ үү). Түүний зөвлөхүүд ба тойргийн бусад удирдагч түүнд тусална.

7.1.4.1

Түр зуурын хэрэгцээтэй хүмүүсийг харж халамжлах ажлыг удирдах

Тусламж хэрэгтэй хүмүүсийг бишоп хэрхэн харж халамжлах тухай мэдээллийг 22.6.1-ээс үзнэ үү.

7.1.5

Бичиг хэрэг, санхүү ба цуглааны байр

Бичиг хэргийн тухай мэдээллийг 33-р бүлгээс үзнэ үү. Аравны нэг гэх мэт санхүүгийн тухай мэдээллийг 34-р бүлгээс үзнэ үү. Цуглааны байрын тухай мэдээллийг 35-р бүлгээс үзнэ үү.

7.3

Тойргийн гүйцэтгэх нарийн бичиг ба гүйцэтгэх нарийн бичгийн туслахууд

Бишопын зөвлөл нэг Мелкизедек санваартныг тойргийн гүйцэтгэх нарийн бичгээр үйлчлүүлэхээр нэрийг нь санал болгоно.

Тэр дараах үүрэг хариуцлагатай.

• Бишопын зөвлөлтэй уулзаж, зааврын дагуу хурлаар хэлэлцэх асуудлын төлөвлөгөөг бэлтгэнэ.

• Тойргийн зөвлөлийн гишүүнээр үйлчилж, тойргийн зөвлөлийн хуралд оролцоно.

• Бишопын зөвлөлийн цагийн хуваарийг гаргана.

7.4

Тойргийн бичиг хэргийн ажилтан ба тойргийн бичиг хэргийн туслах ажилтан

Тойргийн бичиг хэргийн ажилтан, туслах бичиг хэргийн ажилтны үүрэг хариуцлагыг 33.4.2-т тоймлосон.