Maʻá e Kau Tokoní

ʻI he ʻaho ʻo e fakatahá:

Text pe telefoni ki he kau mēmipa kotoa ʻo e kulupú. Fakaafeʻi kinautolu ke nau vave mai ʻaki ha miniti ʻe 10 ke līpooti ki heʻenau ngaahi tukupaá.
Teuteu ʻa e ngaahi nāunau ʻo e fakatahá.

Fokotuʻu takatakai ‘a e ʻū seá ʻi ha tēpile koeʻuhí ke vāofi ʻa e tokotaha kotoa pē.

Tā ʻa e saati tukupā ko ʻení ʻi he palakipoé:

Hingoa ‘o e mēmipa ʻo e kulupú	Naʻá ku talanoa ki ha kakai ʻe toko nima pe lahi ange fekauʻaki mo ʻeku ngaahi fili fakaakó (Tohiʻi ʻa e #)	Naʻá ku teuteu ha fakamatala ki he palani akó (ʻIkai/ʻIo)	Naʻá ku akoako fakahoko ʻa e tefitoʻi moʻoni mei he Fakavaʻé mo akoʻi ia ki he fāmilí (ʻIkai/ʻIo)	Naʻá ku fakahū ha paʻanga ki he ʻakauní (ʻIkai/ʻIo)	Naʻá ku fakahū ha paʻanga ki he ʻakauní (ʻIkai/ʻIo)
Kolōlia	7	ʻIo	ʻIo	ʻIo	ʻIo

Talitali fiefia ʻa e kakaí ʻi heʻenau aʻu maí.
Kole ki he kakaí ʻi heʻenau aʻu maí ke nau fakakakato ʻa e saati tukupā ʻi he palakipoé.
Vahe ha tokotaha ke tauhi taimi.

Kole ki he kakaí ke tāmateʻi ʻenau telefoní mo e ngaahi meʻangāue kehé.
Fai ha fua lotu (mo e himi, kapau ʻe fie maʻu).
Kole leʻo siʻi, ange kiate kinautolu ʻoku tōmui maí ke tāmateʻi ʻenau telefoní pea fakakakato ʻa e saati tukupaá, lolotonga ʻoku kei fealēleaʻaki ʻa e kulupú.
Seti ʻa e uasí ke miniti ʻe 20 ʻa e Ko Hoku Fakavaʻé.
Fakakakato ʻa e tefitoʻi moʻoni 3 ʻi he Ko Hoku Fakavaʻé. Hili ia pea foki mai ki he tohi ngāue ko ʻení ʻo hokohoko atu hoʻo laukongá ʻi he peesi hono hokó.