Maʻá e Kau Tokoní

ʻI he ʻaho ʻo e fakatahá:

Text pe telefoni ki he kau mēmipa kotoa ʻo e kulupú. Fakaafeʻi kinautolu ke nau vave mai ʻaki ha miniti ʻe 10 ke līpooti ki heʻenau ngaahi tukupaá.
ʻOmi ha tatau kehe ‘e nima ʻo e Ko Hoku Hala ki he Moʻui Fakafalala pē Kiate Kitá.
Te tau fakaʻaongaʻi ‘a e tohi Ko ʻEku Kumi Ngāué ‘i he fakataha ‘e ono ka hokó. ʻOmi ha ngaahi tatau ki he fakataha ko ʻení koeʻuhí ke lava ʻo sio ki ai ʻa e kau mēmipa ʻo e kulupú.

ʻĪmisi
My Job Search cover

Fokotuʻu takatakai ʻa e ʻū seá ʻi ha tēpile koeʻuhí ke vāofi ʻa e tokotaha kotoa pē

Tā ʻa e saati tukupā ko ʻení ʻi he palakipoé.

Hingoa e mēmipa ʻo e kulupú	Naʻá ku akoʻi hoku fāmilí pe kaungāmeʻá ʻi he founga ke ako ai ʻi he tuí (ʻIkai/ʻIo)	Naʻá ku akoako fakahoko ʻa e ngaahi kī kotoa pē ke ako ai ʻi he ako he loki akó (ʻIkai/ʻIo)	Naʻá ku hoko atu ʻo ngāue ki heʻeku nō PTFT, telia naʻá ku fie maʻu ha nō (ʻIkai/ʻIo)	Naʻá ku akoako fakahoko ʻa e tefitoʻi moʻoni mei he Fakavaʻé pea mo akoʻi ia ki he fāmilí (ʻIkai/ʻIo)	Naʻá ku fakahū ha paʻanga ki he ʻakauní (ʻIkai/ʻIo)	Naʻá ku līpooti ki he hoa ngāué (ʻIkai/ʻIo)
Kolōlia	ʻIo	ʻIo	ʻIkai	ʻIo	ʻIo	ʻIo

Talitali fiefia ʻa e kakaí ʻi heʻenau aʻu maí.
Kole ange ki he kau mēmipa ʻo e kulupú ʻi heʻenau aʻu maí ke nau fakakakato ʻa e saati tukupā ʻi he palakipoé.
Vahe ha tokotaha ke tauhi-taimi.

Kole ki he kakaí ke tāmateʻi ʻenau telefoní mo e ngaahi meʻangāue kehé.
Fai ha fua lotu (mo e himi, kapau ʻe fie maʻu).
Kole leʻosiʻi kiate kinautolu ʻoku tōmui maí ke tāmateʻi ʻenau telefoní pea fakakakato ʻa e saati tukupaá, lolotonga ʻoku kei fealēleaʻaki ʻa e kulupú.
Seti ʻa e uasí ke miniti ʻe 20 ʻa e Ko Hoku Fakavaʻé.
Fakakakato ʻa e tefitoʻi moʻoni 6 ʻi he Ko Hoku Fakavaʻé. Hili ia pea fokimai ki he tohi ngāue ko ʻení ʻo hokohoko atu hoʻo laukongā ʻi he peesi hono hokó.