Tukupā

ʻĪmisi

arrow-purple

ʻE founga fēfē haʻaku fakalakalaka fakaʻaho?

Taimí:Seti ʻa e uasí ke miniti ʻe 10 ʻa e konga ki he Tukupaá.

Lau:ʻOku tau fili ha “hoa ngāue” ʻi he uike takitaha. Ko ha mēmipa ʻeni ʻo e kulupú ʻe tokoni ke tau tauhi ʻetau ngaahi tukupaá. ʻOku totonu ke fetuʻutaki ʻa e ngaahi hoa ngāué ʻi he lolotonga ʻo e uiké mo felipootiʻaki ʻenau fakalakalaká. Ko e ngaahi hoa ngāué ʻi he angamahení, ko ha ongo tangata pe ongo fefine ʻoku ʻikai ko ha mēmipa ʻo e fāmili pē taha.

Akoako Fakahoko:Fili ho hoa ngāué. Fili ʻa e taimi mo e founga te mo fetuʻutaki aí.

Hingoa ʻo e hoa ngāué

Fakamatala ki he fetuʻutakí

Lau leʻo lahi ʻa e tukupā takitaha ki ho hoa ngāué. Palōmesi te ke tauhi hoʻo ngaahi tukupaá! Fakamoʻoni ʻi lalo.

KO ʻEKU NGAAHI TUKUPAÁ
Te u talanoa ki ha toko nima pe lahi ange ke tānaki ʻa e fakamatala ki heʻeku palani ngāué. Ko ʻeku taumuʻá: 5 8 10
Te u teuteu ʻeku palani ngāué ki heʻeku fakamatalá.
Te u akoako fakahoko ʻa e tefitoʻi moʻoni ki he ʻahó ni mei he Ko Hoku Fakavaʻé pea akoʻi ia ki hoku fāmilí.
Te u fakahū ha paʻanga ki he ʻakauní—neongo pe ko e hā ʻene siʻisiʻi.
Te u līpooti ki hoku hoa ngāué.

Ko ʻeku fakamoʻoni hingoá

Fakamoʻoni hingoa ʻa e hoa ngāué

ʻE fuonga fēfē haʻaku lipooti ʻeku fakalakalaká?

Mamataʻi:“Ngāué mo e Tukupaá” (ʻIkai ha vitiō? Lau ʻa e peesi 23.)

Lau:ʻI he taimi ʻoku tau līpooti ai ʻetau ngaahi tukupaá, ʻoku ngalingali te tau tauhi ange ai. Lau ʻa e lea ʻi toʻomataʻú.

Akoako Fakahoko:Ngāueʻaki ʻa e saati tukupā ko ʻení ke lekooti ai hoʻo fakalakalaká, kimuʻa ʻi ha fakataha ka hokó. Tohiʻi ʻi he fanga kiʻi puha ʻi laló ʻa e “ʻIo,” “ʻIkai,” pe ko e tuʻo lahi hoʻo tauhi ʻa e tukupaá.

Naʻá ku talanoa ki ha toko nima pe lahi ange fekauʻaki mo ʻeku palani ngāué (Tohiʻi ʻa e #)	Naʻá ku teuteuʻi ʻeku fakamatala ki heʻeku palani ngāué (ʻIkai/ʻIo)	Naʻá ku akoako fakahoko ʻa e tefitoʻi moʻoni mei he Fakavaʻé pea akoʻi ia ki he fāmilí (ʻIkai/ʻIo)	Naʻá ku fakahū ha paʻanga ki he ʻakauní (ʻIkai/ʻIo)	Naʻá ku līpooti ki he hoa ngāué (ʻIkai/ʻIo)

Lau: ʻIkai ngata ai, manatuʻi foki ke muimuiʻi hoʻo ngaahi fakamole fakatāutahá ʻi he tafaʻaki kimui ʻo hoʻo kiʻi tohi Ko Hoku Hala ki he Moʻui Fakafalala pē kiate Kitá.

ʻE tā ʻe he tokotaha tokoní ʻi heʻetau fakataha fakakulupu ka hokó ha saati ʻo e tukupā ʻi he palakipoé (hangē ko ia ʻi ʻolungá). Te tau aʻu tōmuʻa mai ki he fakatahá ʻaki ha miniti ʻe 10 ʻo hiki ʻetau fakalakalaká ʻi he sātí.

Fili ha taha ke tokoni ʻi ha tefito mei he Ko Hoku Fakavaʻé ʻi he fakataha ka hokó. Kole ange ki he tokotaha ko iá ke ne lau ʻa e tafaʻaki ki loto ʻo e takafi muʻa ʻo e tohi ngāue ko ʻení ke ne ʻilo ʻa e meʻa ʻoku fai ʻe he kau tokoní. ʻOku totonu ke tokoni ʻi he founga tatau mo ia naʻe fai ʻe he taha tokoni he ʻaho ní:

Fakaafeʻi ʻa e Laumālié; fakaafeʻi ʻa e kau mēmipa ʻo e kulupú ke nau fekumi ki he Laumālié.
Falala ki he ngaahi fakamatalá; ʻoua naʻa toe fakalahi; fai pē ʻa e meʻa ʻoku tala atu aí
Levaʻi lelei ʻa e taimí.
Tānaki atu ha ivi fiefia!

Kole ki ha taha ke lotu tuku.

Tali Lelei ha Fakamatala Tokoni

Kātaki ʻo ʻave hoʻo ngaahi fakakaukaú, fakamatala tokoní, ngaahi fokotuʻú mo e ngaahi aʻusiá ki he srsfeedback@ldschurch.org.

Fakamanatu ki he Tokotaha Tokoní:

Manatuʻi ke lēsisita ʻa e mēmipa kotoa ʻo e kulupú ʻi he srs.lds.org/report.

Manatuʻi foki ke ʻai ha ʻū tatau ʻo e fakamatala fetuʻutaki ʻa e kulupú ki he fakataha hono hokó.