Lipooti
Naʻá ku tauhi ʻeku ngaahi tukupaá?
-
Taimí:Seti ʻa e uasí ke miniti ʻe 10 ʻa e peesi pē ko ʻení (ʻikai ko e konga kotoa ki he Lipōtí).
-
Aleaʻi:Lau ʻa e kupuʻi lea ʻi toʻomataʻú. ʻOku kaunga fēfē ʻeni ki heʻetau kulupú?
-
Akoako Fakahoko:Tau lipooti ʻetau ngaahi tukupaá. Kātaki ʻo tuʻu hake ʻa kinautolu naʻa nau tauhi kotoa ʻenau ngaahi tukupaá. (Pasipasiʻi kinautolu naʻa nau tauhi kotoa ʻenau ngaahi tukupaá.)
-
Lau:Tuʻu kotoa ki ʻolunga he taimí ni. ʻOku totonu ke tau feinga ke tauhi kotoa ʻetau ngaahi tukupaá. Ko e taha ia ʻo e ngaahi tōʻonga moʻui mahuʻinga ʻo e kakai moʻui fakafalala pē kiate kinautolú.
Lolotonga ʻetau kei tuʻú, tau toe lau fakataha ʻetau kaveingá. ʻOku fakamanatu mai ʻe he ngaahi lea ko ʻení fekauʻaki mo e taumuʻa ʻo ʻetau kulupú:
-
Lau:Meʻa hifo ki lalo.
Te tau fealēleaʻaki fakataha leva mo fetokoniʻaki ʻi heʻetau palani ki he akó mo ha ngāue lelei angé. Ko e fealēleaʻaki mahuʻinga taha ʻeni ʻo e fakataha ko ʻení!
-
Aleaʻi:Ko e hā naʻá ke ako ʻi hoʻo tauhi hoʻo ngaahi tukupaá ʻi he uike ní? ʻOkú ke fie maʻu ha tokoni mei he kulupú?
Ko e hā ne u ako ʻi heʻeku teuteu ʻeku palani ngāué?
-
Taimí:Seti ʻa e uasí ke miniti ʻe 40 ʻa e peesi pē ko ʻení.
-
Lau:Tau sio he vitiō ko ʻení ke fakamanatu kiate kitautolu ʻa e founga hono fakahoko ʻetau ngaahi fakamatalá.
-
Mamataʻi:“My Work Plan in Three Minutes.” (ʻIkai ha vitiō? Lau ʻa e peesi 22.)
-
Akoako Fakahoko:ʻOku totonu ke siʻi ange he miniti ʻe tolú hono fakamatalaʻi ʻe he mēmipa takitaha ʻo e kulupú ʻene palani ngāué ki he kulupú.
Kole ki ha fakamatala tokoni ʻi he hili hoʻo fakamatalá. Hiki ʻa e fakamatala tokoni ʻokú ke maʻú. Fakaʻaongaʻi ʻa e konga ʻoku ʻatā ʻi laló ke hiki ai ha fanga kiʻi fakamatala.
ʻAi ke nounou ʻaupito ʻa e fakamatala tokoní ke faingamālie ʻa e tokotaha kotoa ke līpooti ʻi loto ʻi he taimi ʻoku fakangatangata atú.
-
Aleaʻi:Ko e hā ha ngaahi fakakaukau naʻá ke maʻu mei he ngaahi lipōtí ke tokoniʻi koe ʻi hoʻo filí? Hiki hoʻo ngaahi fakakaukaú.