اکتوبر–نومبر 1830

سِڈنی اور فیبی رِگڈن

اِنجِیل کو قبُول کرنے کے لیے اپنی زِندگیاں بدلنا

پارلے پراٹ اور دیگر لوگ مقامی امریکیوں کو اِنجِیل سُنانے جا رہے تھے۔ راستے میں، پارلے نے رُک کر اپنے دوست سِڈنی رِگڈن سے مُلاقات کرنے کی خواہش ظاہر کی۔ سِڈنی ایک مُناد تھا جس نے پارلے کو بائبل میں یِسُوع مسِیح کے بارے میں سِکھایا تھا۔ اَب پارلے سِڈنی کو مورمن کی کِتاب میں یِسُوع کے مُتعلق سِکھانا چاہتا تھا۔

عقائد اور عہُود 32؛ مُقدّسِین، 1:‏99

پارلے نے سِڈنی کو مورمن کی کِتاب کے بارے میں بتایا اور اِسے پڑھنے کی دعوت دی۔ سِڈنی کو یقین نہیں تھا، مگر کیوں کہ پارلے اُس کا دوست تھا، اِس لیے اُس نے پڑھنے کا وعدہ کِیا۔

ُمُقدّسِین، 1:‏100

جب سِڈنی نے مورمن کی کِتاب کا مُطالعہ کِیا، تو وہ جانتا تھا کہ یہ خُدا کی طرف سے آئی ہے۔ اُس نے اپنے جذبات کا اِظہار اپنی بیوی، فیبی کے ساتھ کِیا۔

ُمُقدّسِین، 1:‏101

لیکن سِڈنی کو یقین نہیں تھا کہ آگے کیا کرنا ہے۔ اگر وہ بپتِسما لے لیتا، تو اپنی کلِیسیا میں مُناد کی مُلازمت کھو دیتا۔ وہ فیبی اور اپنے چھ بچّوں کی دیکھ بھال کیسے کر سکتا تھا؟ اُس کی کلِیسیا کے لوگ کیسا محسُوس کریں گے؟ اُس نے آسمانی باپ سے مدد کے لیے دُعا کی، اور اُس نے ایک پُر سُکون احساس پایا۔

مُقدّسِین، 1:‏101؛ عقائد اور عہُود 19:‏23

سِڈنی نے فیبی سے پُوچھا کہ کیا وہ اپنی آرام دہ زِندگی چھوڑنے اور اِس نئی کلِیسیا میں اُس کے ساتھ شامِل ہونے کے لیے تیار ہے۔ ”یہ میری خواہش ہے کہ مَیں خُدا کی مرضی کو پُورا کرُوں،“ اُس نے کہا، ”زِندگی آئے یا موت۔“ اُنھوں نے بپتِسما لینے کا فیصلہ کِیا۔

ُمُقدّسِین، 1:‏101

بعد میں، سِڈنی نے نبی جوزف سمِتھ سے مُلاقات کی۔ خُداوند نے جوزف کے ذریعے سِڈنی کو ایک پیغام دِیا۔ اُس نے فرمایا کہ اُس نے سِڈنی کے اچھے کاموں کو دیکھا ہے اور اُس کی دُعاؤں کو سُنا ہے۔ خُداوند نے سِڈنی کو بتایا کہ اُس کے پاس اُس کے کرنے کو ایک بڑا کام ہے۔ سِڈنی بڑے بڑے کام کرے گا۔

عقائد اور عہُود 35:‏3–4