1840–1842

ناوُوہ کی تعمیر

ایک خُوب صُورت شہر کے لیے خُداوند کا منصُوبہ

خُداوند نے مُقدّسِین کو ایک نئی جگہ پر جمع ہونے کا حُکم دِیا۔ یہ مسیسیپی نامی ایک بڑے دریا کے قریب تھی۔ وہ زمین گیلی اور دَلدلی تھی۔ کُچھ لوگوں کو، یہ شہر کی تعمیر کے لیے اچھی جگہ نہیں لگی۔ لیکن نبی جوزف سمِتھ جانتا تھا کہ خُداوند کی مدد سے، وہ اِسے خُوب صُورت بنا سکتے ہیں۔

عقائد اور عہُود 124:‏25؛ مُقدّسِین، 1:‏417

مُقدّسِین نے اِسے رہنے کے لیے ایک اچھی جگہ بنانے کے لیے سخت محنت شُروع کر دی۔ نبی جوزف سمِتھ نے اِس قصبے کا نام ناوُوہ رکھا، جس کا مطلب ہے ”ایک خُوب صُورت جگہ۔“

مُقدّسِین، 1:‏417

خُداوند نے مُقدّسِین کو ناوُوہ میں ایک گھر تعمیر کرنے کو کہا جہاں مُسافر آ کر آرام کر سکتے تھے۔ وہ چاہتا تھا کہ ناوُوہ ایک اَیسا مقام بنے جہاں ہر کوئی خُوش آمدید محسُوس کرے۔

عقائد اور عہُود 124:‏22–24، 60؛ مُقدّسِین، 1:‏426

خُداوند نے نبی جوزف کو بتایا کہ اُس کے پاس ناوُوہ کے لیے بڑے بڑے منصُوبے ہیں۔ وہ چاہتا تھا کہ اُس کے مُقدّسِین یہاں اِکٹھے ہوں تاکہ وہ ایک ہَیکل کی تعمیر کر سکیں۔ اُس نے اُنھیں اپنے گھر کی تعمیر کے لیے بڑی محنت سے کام کرنے کو کہا۔ مُقدّسِین نے فوری طور پر کام شُروع کر دِیا۔

عقائد اور عہُود 124:‏25–28، 44، 55؛ مُقدّسِین، 1:‏420–21، 425–27

خُداوند چاہتا تھا کہ مُقدّسِین ایک ہَیکل تعمیر کریں کیوں کہ اُس کے پاس اُنھیں دینے کو عظیم برکات تھیں۔ ہَیکل میں، وہ خُداوند کے ساتھ عہُود باندھیں گے، یا خاص وعدے کریں گے۔ وہ اپنے تمام بچّوں کے لیے آسمانی باپ کے خُوشی کے منصُوبے کے بارے میں بھی جانیں گے۔

عقائد اور عہُود 124:‏29–41؛ مُقدّسِین، 1:‏453–55

مُقدّسِین نے ہَیکل کی تعمیر کے لیے سخت محنت کی، جیسے خُداوند نے حُکم دِیا تھا۔ اِس میں بُہت وقت لگا، مگر وہ اُس دِن کے لیے پُرجوش تھے جب اُن میں سے ہر ایک اُن خاص وعدوں کے مُتعلق سیکھ سکے گا جو خُداوند نے اپنی ہَیکل میں اُن کے واسطے رکھے تھے۔

مُقدّسِین، 1:‏453–55