جُون 1989–نومبر 1990

گھانا میں ”پابندی“

مُقدّسِین کے اِکٹھے نہ ہونے کی صورت میں بھی وفادار رہنا

ایلِس جانسن ایک مِشنری تھی جو اپنے آبائی مُلک، گھانا میں خِدمت کر رہی تھی۔ اُسے یِسُوع مسِیح کی بابت اپنی گواہی دینا اور کلِیسیا کی ترقی میں مدد کرنا بُہت پسند تھا۔

مُقدّسِین، 4:‏416–17

ایک دِن، ایلِس کو کُچھ پریشان کُن خبر مِلی۔ گھانا کی حُکومت نے کہا تھا کہ اَب کلِیسیا کی مزید عِبادات نہیں ہو سکتیں۔ مِشنری اَب مزید تعلیم نہیں دے سکتے تھے۔

مُقدّسِین، 4:‏417

پولیس اَفسران نے مِشنریوں کو اُن کے اپارٹمنٹ چھوڑنے پر مجبُور کِیا اور اُن کی سائیکلیں لے لیں۔ کلِیسیا کے چند اَرکان کو جیل میں ڈال دِیا گیا۔ فوجیوں نے کلِیسیائی عِمارات کو تالا لگا دِیا اور کسی کو اندر نہ جانے دِیا۔ لوگوں نے اِس صُورتِ حال کو ”پابندی“ کہا۔

مُقدّسِین، 4:‏417–18

مِشنریوں کو گھر جانا پڑا۔ ایلِس کسی دُوسرے قصبے میں ایک دوست کے ساتھ جا کر رہنے چلی گئی۔ وہ پریشان تھی کہ وہ کبھی بھی اپنا مِشن مُکمل نہیں کر پائے گی۔

مُقدّسِین، 4:‏418

گھانا میں مُقدّسِین پریشان، غمگین، اور خوف زدہ تھے۔ وہ حیران تھے کہ اُنھوں نے کیا غلط کِیا ہے۔ کیا وہ کبھی دوبارہ چرچ جا سکیں گے؟

مُقدّسِین، 4:‏418

اگرچہ وہ اپنی وارڈوں میں اِکٹھے نہیں ہو سکتے تھے، مُقدّسِین اَب بھی خُداوند سے محبّت رکھتے تھے اور اُس کی عِبادت کرنا چاہتے تھے۔ اُنھوں نے اپنے گھروں میں عِشائے ربّانی کی عِبادات مُنعقد کِیں۔ وہ خاندانی اَرکان جن کے پاس کہانت تھی اُنھوں نے روٹی اور پانی کو برکت دی اور باقی اَہلِ خانہ میں تقسیم کی۔

عقائد اور عہُود 6:‏32؛ مُقدّسِین، 4:‏419

کئی مہینوں تک، پابندی جاری رہی۔ مُقدّسین نے گیت گائے اور ایک دُوسرے کو اپنے گھروں میں اِنجِیل کی تعلیم دی۔ اُنھوں نے اپنے اِیمان کو مضبُوط رکھنے کے لیے ایک دُوسرے سے مُلاقاتیں کِیں۔ اُنھوں نے اپنی دَہ یکی اُس وقت اَدا کرنے کے لیے ایک طرف رکھ دی جب وہ دوبارہ چرچ جا سکیں گے۔ اُنھوں نے دُعائیں کی اور روزے رکھے تاکہ پابندی ختم ہو جائے۔

مُقدّسِین، 4:‏436–37

آخِر کار، 18 ماہ بعد، حُکومت نے فیصلہ کِیا کہ کلِیسیا دوبارہ عِبادات مُنعقد کر سکتی ہے۔ مِشن کے ایک نئے صدر کو ایلِس سے بات کرنے کو کہا گیا، جو اَب کالج کی طالبہ تھی۔ ”کیا آپ تعلیم مُکمل کرنے کے بعد واپس آ کر مِشن پر خِدمت کرنا چاہیں گی؟“ اُس نے پُوچھا۔ ”نہیں،“ اُس نے کہا۔ ”مَیں اَبھی خِدمت کرنا چاہتی ہُوں!“

مُقدّسِین، 4:‏437–39

ایلِس اور دیگر مُقدّسِین بُہت خُوش تھے کہ وہ دوبارہ چرچ جا سکتے تھے! پابندی کے بعد پہلے اِتوار کو، عِشائے ربّانی کی عِبادت دو گھنٹے تک جاری رہی کیوں کہ بُہت سارے لوگ اپنی گواہیاں بیان کرنا چاہتے تھے۔ اُنھوں نے ایک دُوسرے کو بتایا کہ کیسے خُداوند نے اُنھیں برکت دی اور اُن کے اِیمان کو مضبُوط رکھنے میں اُن کی مدد کی۔

عقائد اور عہُود 20:‏75؛ مُقدّسِین، 4:‏438