فروری 1832

جوزف اور سِڈنی پر حملہ کِیا جاتا ہے

مُشتعل لوگ خُدا کے نبی کا کام روکنے کی کوشِش کرتے ہیں

جوزف سمِتھ آسمانی باپ، یِسُوع مسِیح، اور آسمان کے بارے میں جو کچھ سیکھا رہا تھا چند لوگ اُسے پسند کرتے تھے۔ مگر کُچھ لوگوں کو وہ پسند نہیں آیا جو اُس نے سِکھایا۔ اُن میں سے کُچھ غضبناک ہو گئے اور جوزف کو تعلیم دینے سے روکنا چاہتے تھے۔

عقائد اور عہُود 76؛ مُقدّسِین، 1:‏149–50

ایک رات، جوزف اپنے گود لیے ہوئے جُڑواں بچّوں میں سے ایک کی دیکھ بھال کرنے میں ایما کی مدد کرتے ہُوئے رات دیر تک جاگتا رہا۔ بچّہ بُہت بیمار تھا۔

ُمُقدّسِین، 1:‏150

ایما نے بچّے کو اُٹھایا اور جوزف سے کہا کہ وہ آرام کرے۔ اُسے صُبح کو مُنادی کرنی تھی۔ آخِرکار، جوزف اور ایما دونوں سو گئے۔

ُمُقدّسِین، 1:‏150

اچانک، دروازہ زور سے کھُلا، اور کُچھ مُشتعل آدمی کمرے میں گھُس آئے۔ ایما چیخ اُٹھی جب اُن آدمیوں نے جوزف کو بازُوں، ٹانگوں، اور بالوں سے پکڑ لیا۔ اُنھوں نے اُسے گھر سے گھسیٹ کر باہر نِکالا۔

مُقدّسِین، 1:‏150–51

جوزف نے آدمیوں کی گرفت سے نِکلنے کی کوشِش کی، مگر اُنھوں نے اُسے مضبُوطی سے جکڑ رکھا تھا۔ جوزف نے دیکھا کہ اُن آدمیوں نے اُس کے دوست سِڈنی رِگڈن کو بھی اُس کے گھر سے گھسیٹ کر باہر نِکال لِیا تھا۔

ُمُقدّسِین، 1:‏151

آدمیوں نے جوزف کے کپڑے پھاڑ دِیے اور اُس کی ساری جلد اور بالوں پر گرم، چِپکنے والا تارکول اُنڈیل دِیا۔ پھر اُنھوں نے اُس پر پَر چِپکائے اور بھاگ گئے۔

ُمُقدّسِین، 1:‏152

آدمیوں کے چلے جانے کے بعد، جوزف لڑکھڑاتے ہُوئے گھر واپس آیا۔ ایما جوزف کو اِس حال میں دیکھ کر خوفزدہ ہو گئی۔ قریب رہنے والے دوستوں نے جب یہ سُنا تو فوراً مدد کے لیے دوڑ پڑے۔ ایما نے جوزف کی جلد سے تارکول صاف کرنا شُروع کِیا۔ باقی پُوری رات، ایما اور اُس کے دوست جوزف اور سِڈنی کی دیکھ بھال کرتے رہے۔

عقائد اور عہُود 25:‏5؛ مُقدّسِین، 1:‏153

اگلے دِن، جوزف اَب بھی شدید تکلیف میں مبتلا تھا۔ لیکن اُس نے کپڑے پہنے اور لوگوں کے ایک گروہ کو یِسُوع مسِیح کے بارے میں تعلیم دی۔ اُن میں سے کُچھ آدمی جنھوں نے اُس پر حملہ کِیا تھا اُس کی تعلیم کو سُن رہے تھے۔ اُس دِن بعد میں، جوزف نے تین لوگوں کو بپتِسما دِیا۔ اُس نے خُداوند کا کام جاری رکھا، حتیٰ کہ جب لوگوں نے اُسے روکنے کی کوشِش بھی کی۔

عقائد اور عہُود 24:‏8؛ مُقدّسِین، 1:‏153