Kapitulli 53
Moroni dhe Mësimet e Tij
Moroni e dinte se fletët e arta një ditë do të nxirreshin nga dheu.
Fjalët mbi fletët e arta tregojnë për Jezu Krishtin. Ato japin dëshmi dhe u mësojnë njerëzve se si të jetojnë në drejtësi.
Lamanitët e ligj vranë çdo nefit që nuk e mohonte Jezu Krishtin.
Moroni asnjëherë nuk do ta mohonte Jezu Krishtin. Ai shkoi sa andej‑këndej, duke u fshehur nga lamanitët.
Moroni shkroi edhe më shumë mbi fletët e arta, veçanërisht për lamanitët e ditëve të mëvonshme.
Ai shkroi shumë gjëra të rëndësishme, duke përfshirë fjalët e lutjeve të sakramentit.
Moroni shkroi që të vetmit njerëz të cilët mund të pagëzohen, janë ata që janë të gatshëm të pendohen për mëkatet e tyre dhe t’i shërbejnë Jezu Krishtit.
Moroni donte që çdo njeri të besojë në Jezu Krisht dhe të arrijë ta njohë Atë. Ai tha se çdo gjë e mirë vjen nga Krishti.
Moroni shkroi që, nëse njerëzit e duan Perëndinë dhe e ndjekin Atë, ata mund të bëhen të përsosur.
Moroni e dinte se pasi të vdiste, ai do të ringjallej dhe do të jetonte me Atin Qiellor dhe Jezu Krishtin.