Kapitulli 47
Jezu Krishti Bekon Dishepujt e Tij
Dishepujt e pyetën se si duhet t’ia vinin emrin Kishës. Jezusi tha se do të quhej sipas emrit të Tij sepse ishte Kisha e Tij.
Jezusi u shpjegoi dishepujve të Tij që Ati Qiellor e kishte dërguar në tokë për të dhënë jetën e Tij për të gjithë njerëzit.
Ai tha se kushdo që pendohet, pagëzohet në emrin e Tij dhe u bindet urdhërimeve të Tij, do të konsiderohet pa faj përpara Atit Qiellor.
Shpëtimtari u tha dishepujve të Tij që të bënin gjërat që e kishin parë Atë që të bënte. Ai e kishte dhënë shembullin për ta.
Ai gjithashtu u tha atyre të shkruanin çfarë kishin parë dhe dëgjuar kështu që të tjerët të dinin rreth kësaj.
Jezusi i pyeti dishepujt e Tij se çfarë do të donin prej Tij. Nëntë nga ata donin të ishin me Të pasi jeta e tyre në tokë të kishte mbaruar.
Jezusi u premtoi atyre se kur të bëheshin 72 vjeç, ata do të shkonin tek Ai në qiell.
Tre dishepujt e tjerë nuk guxuan t’i kërkonin se çfarë dëshironin, por Jezusi e dinte. Ata dëshironin të qëndronin në tokë dhe të jepnin mësim ungjillin derisa Jezusi të vinte përsëri.
Shpëtimtari u premtoi atyre se ata nuk do të provonin dhembje ose vuajtje dhe nuk do të vdisnin. Ata do t’ua mësonin ungjillin njerëzve derisa Ai të kthehej.
Jezusi e preku secilin dishepull përveç të treve që do të qëndronin në tokë. Pastaj u largua.
Tre dishepuj u morën në qiell, ku ata panë dhe dëgjuan shumë gjëra të mrekullueshme. Ata ishin në gjendje t’i kuptonin më mirë gjërat e Perëndisë.
Trupat e tyre u ndryshuan kështu që ata të mos vdisnin.
Tre dishepujt u kthyen në tokë dhe filluan të predikonin dhe të pagëzonin.
Nefitët e ligj i futën të tre dishepujt në burg dhe në gropa të thella, por fuqia e Perëndisë i ndihmoi ata të shpëtonin.
Kur ata i shtynë brenda në furrë dhe në gropa me bisha të egra, ata qenë të mbrojtur gjithashtu me anë të fuqisë së Perëndisë.
Tre dishepujt vazhduan t’ua predikonin nefitëve ungjillin e Jezu Krishtit. Ata ende po e predikojnë ungjillin e Tij.