Kapitulli 48
Paqe në Amerikë
Pasi Jezusi u kthye në qiell, dishepujt e Tij ngritën Kishën e Tij në të gjithë vendin.
Njerëzit që u penduan për mëkatet e tyre, u pagëzuan dhe morën Frymën e Shenjtë.
Shpejt të gjithë nefitët dhe lamanitët u kthyen në besim. Ata nuk u grindën dhe çdo njeri ishte i ndershëm.
Asnjë njeri nuk ishte i pasur ose i varfër. Njerëzit e ndanin çdo gjë dhe ata të gjithë kishin çfarë u duhej.
Dishepujt bënë shumë mrekulli në emrin e Jezu Krishtit. Ata i shëruan të sëmurët dhe i sollën të vdekurit në jetë.
Njerëzit ndërtuan qytete të reja aty ku të tjerat ishin shkatërruar.
Ata iu bindën urdhërimeve të Perëndisë. Ata agjëruan, u lutën dhe u mblodhën shpesh së bashku për të dëgjuar fjalën e Perëndisë.
Njerëzit ishin të lumtur.
Aty nuk kishte vjedhës, as mashtrues, as vrasës. Njerëzit nuk u ndanë më në nefitë dhe lamanitë por ishin të gjithë një, fëmijë të Krishtit.
Zoti i bekoi njerëzit në çdo gjë që bënin.
Ata jetuan në paqe për 200 vjet. Njerëzit u bënë shumë të pasur.