« នីហ្វៃទី ១ ៦–១០ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« នីហ្វៃទី ១ ៦–១០ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
នីហ្វៃទី ១ ៦–១០
ទិដ្ឋភាពទូទៅ
លីហៃមានការនិមិត្តមួយដែលលោកបានឃើញដើមឈើដ៏ស្រស់ស្អាតមួយ ។ ដើមឈើនេះ និងផ្លែរបស់វាតំណាងឲ្យសេចក្តីស្រឡាញ់របស់ព្រះ ហើយ « ព្រលឹងវិញ្ញាណ [ លីហៃ ] ក៏ពោរពេញទៅដោយសេចក្ដីអំណរជាអតិបរមា » ( នីហ្វៃទី ១ ៨:១២ ) ។ តាមរយៈការនិមិត្តរបស់លោក នោះលីហៃបានរៀនអំពីផ្លូវដែលយើងត្រូវធ្វើដំណើរ និងរបៀបបន្តនៅលើផ្លូវនេះ ដើម្បីរីករាយនឹងពរជ័យនៃសេចក្តីស្រឡាញ់របស់ព្រះ ។ បន្ទាប់ពីបានឮលីហៃបង្រៀនអំពីដើមឈើជីវិត និងការព្យាករណ៍នៃការយាងមករបស់ព្រះគ្រីស្ទ នោះនីហ្វៃមានបំណងចង់រៀនពីសេចក្ដីពិតនៃពាក្យរបស់ឪពុកលោកសម្រាប់ខ្លួនលោក ។
រៀបចំខ្លួនដើម្បីបង្រៀន
ព័ត៌មានខាងក្រោមនេះផ្តល់ជាគំនិតដល់គ្រូបង្រៀន អំពីអ្វីដែលអាចត្រូវរៀបចំទុកជាមុនសម្រាប់មេរៀននីមួយៗ ។
នីហ្វៃទី ១ ៦–៧
គោលបំណងមេរៀន ៖ មេរៀននេះនឹងជួយសិស្សឲ្យយល់ពីរបៀបដែលគោលបំណងនៃព្រះគម្ពីរមរមនអាចជួយពួកគេក្នុងការសិក្សា និងនៅក្នុងជីវិតរបស់ពួកគេ ។
-
ការរៀបចំសិស្ស ៖ សូមលើកទឹកចិត្តសិស្សឲ្យធ្វើការសិក្សាផ្ទាល់ខ្លួនរៀងរាល់ថ្ងៃអំពីព្រះគម្ពីរមរមន ។ សូមអញ្ជើញពួកគេឲ្យសញ្ជឹងគិតអំពីបទពិសោធន៍របស់ពួកគេក្នុងការសិក្សាព្រះគម្ពីរមរមនរហូតមកដល់ពេលនេះ និងអ្វីដែលពួកគេកំពុងរៀន ។
-
វីដេអូ ៖ « Ishmael’s Household Joins Lehi’s Family » ( ១២:២៤ )
-
យោបល់សម្រាប់បង្រៀនតាមសន្និសីទវីដេអូ ៖ សូមពិចារណាសម្តែងរឿងពីស្ថានភាពនេះពេលចាប់ផ្តើមមេរៀនដោយការសួរសំណួរដល់សិស្ស ហើយអញ្ជើញពួកគេឲ្យវាយបញ្ចូលចម្លើយរបស់ពួកគេនៅក្នុងប្រអប់ឈែតនេះ ។ វាអាចមានប្រយោជន៍ដើម្បីចាត់តាំងសិស្សម្នាក់ឲ្យធ្វើជាអ្នកសម្របសម្រួលឈែតនេះ និងអានចម្លើយឈែត ពេលមានគេឈែតចូល ។ សូមអរគុណដល់សិស្សសម្រាប់ការឆ្លើយតបរបស់ពួកគេ និងសួរសំណួរតាមដានដែលអាចនាំឲ្យមានការយល់ដឹងកាន់តែខ្លាំង ។
ការទទួលបានចំណេះដឹងខាងវិញ្ញាណ ភាគ ៣
គោលបំណងមេរៀន ៖ មេរៀននេះអាចជួយសិស្សឲ្យយល់ពីសារៈសំខាន់នៃការស្វែងរកសេចក្តីពិតពីប្រភពដែលព្រះវរបិតាសួគ៌ និងព្រះយេស៊ូវគ្រីស្ទបានប្រទានដល់យើងដោយសេចក្តីស្រឡាញ់ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីសំណួរ ឬកង្វល់សំខាន់ៗដែលពួកគេមាន និងប្រភពផ្សេងៗដែលពួកគេអាចស្វែងរកចម្លើយ ។ សូមលើកទឹកចិត្តពួកគេឲ្យត្រៀមខ្លួនដើម្បីចែកចាយឧទាហរណ៍មួយពីប្រភពទាំងនេះ ឬក៏នាំយកឧទាហរណ៍មួយមកថ្នាក់ ។
-
សម្ភារ ៖ ថូទឹកស្អាត និងកែវទឹកស្អាតមួយ អាចជំនួសដោយ ធុងទឹក សាប៊ូលាងដៃ និងកន្សែង
-
សំណៅចែក ៖ « ការប្រើប្រភពដែលបានប្រទានមកពីព្រះ »
-
យោបល់សម្រាប់បង្រៀនតាមសន្និសីទវីដេអូ ៖ សម្រាប់សកម្មភាពនៅក្រោម « ការប្រើប្រភពដែលបានប្រទានមកពីព្រះ » សូមពិចារណាបង្ហាញសេចក្តីណែនាំនៅលើអេក្រង់ ហើយអញ្ជើញសិស្សថតអេក្រង់ ។ ម៉្យាងទៀត សូមពិចារណាដាក់សេចក្តីណែនាំនៅក្នុងមុខងារឈែត ហើយអញ្ជើញសិស្សថតចម្លង និងបិទភ្ជាប់វាទៅក្នុងឯកសារនៅលើឧបករណ៍របស់ពួកគេផ្ទាល់ ។ បន្ទាប់មកសូមបំបែកសិស្សជាក្រុមដើម្បីពិភាក្សា និងបញ្ចប់សកម្មភាពសិក្សាជាមួយគ្នា ។
នីហ្វៃទី ១ ៨:១–១៨
គោលបំណងមេរៀន ៖ គោលបំណងនៃមេរៀននេះគឺជួយសិស្សឲ្យបង្កើនបំណងប្រាថ្នារបស់ពួកគេដើម្បីទទួលបានអំណរតាមរយៈសេចក្ដីស្រឡាញ់របស់ព្រះ និងដង្វាយធួនរបស់ព្រះយេស៊ូវគ្រីស្ទ ។
-
ការរៀបចំសិស្ស ៖ សូមអញ្ជើញសិស្សឲ្យសញ្ជឹងគិតពីសំណួរខាងក្រោមនេះ ៖ តើមនុស្សម្នាក់អាចទទួលអារម្មណ៍នៃសេចក្ដីស្រឡាញ់របស់ព្រះតាមរបៀបណា ? តើនៅពេលណាដែលអ្នកទទួលអារម្មណ៍នៃសេចក្តីស្រឡាញ់របស់ទ្រង់ចំពោះអ្នក ? សិស្សក៏អាចនិយាយជាមួយសមាជិកគ្រួសារ ឬថ្នាក់ដឹកនាំសាសនាចក្រអំពីរបៀបដែលពួកគេទទួលអារម្មណ៍នៃសេចក្តីស្រឡាញ់របស់ព្រះចំពោះពួកគេ ។
-
វីដេអូ ៖ « Choose the Light » ( ៩:៥២; ចាប់ពីនាទីទី ០:០០ ដល់នាទីទី ២:៣៩ ) « ព្រះគ្រីស្ទ ៖ ជាពន្លឺដែលបំភ្លឺនៅក្នុងភាពងងឹត » ( ១១:២៩ ចាប់ពីនាទីទី ០:០០ ដល់នាទីទី ០:៥៤ និងចាប់ពីនាទីទី ៩:០៩ ដល់នាទីទី ១០:០២ ) « ពន្លឺនៅជាប់នឹងពន្លឺ » ( ១១:១១ សូមមើលចាប់ពីនាទីទី ០:៣២ ដល់នាទីទី ២:៣៣ ) « Lehi Discovers the Tree of Life » ( ៤:៣២ សូមមើលចាប់ពីនាទីទី ១:៥២ ដល់នាទីទី ៤:៣២ ) « Atonement—Not a One-Time Thing » ( ៣:០០ ) « Because of Him » ( ២:៣៦ ); « Peace in Christ » ( ៤:០៩ )
-
រូបភាព ៖ រូបភាពរបស់ម៉ារាកំពុងបីព្រះឱរសព្រះយេស៊ូវ
-
យោបល់សម្រាប់បង្រៀនតាមសន្និសីទវីដេអូ ៖ សម្រាប់សកម្មភាពទី ២ ក្រោម « ការទទួលបាននូវអារម្មណ៍នៃសេចក្ដីស្រឡាញ់របស់ព្រះ និងអំណរដ៏អស្ចារ្យតាមរយៈព្រះយេស៊ូវគ្រីស្ទ » សូមពិចារណាទាញយកវីដេអូ ហើយអនុញ្ញាតឲ្យសិស្សជ្រើសរើសវីដេអូមួយណាក៏បានដើម្បីមើល ។ ម៉្យាងវិញទៀត សូមបំបែកសិស្សជាក្រុម ហើយចាត់តាំងវីដេអូទៅឲ្យក្រុមនីមួយៗ ។ សិស្សនៅក្នុងក្រុមនីមួយៗនឹងត្រូវចាក់វីដេអូ ហើយមើលអេក្រង់របស់ខ្លួនរួមគ្នាសម្រាប់សមាជិកក្រុមផ្សេងទៀត ។ សូមអញ្ជើញសិស្សឲ្យសញ្ជឹងគិត ហើយពិភាក្សាអំពីពរជ័យដែលមានតាមរយៈព្រះយេស៊ូវគ្រីស្ទ ។ បន្ទាប់មក ក្រុមនីមួយៗអាចចែកចាយជាមួយថ្នាក់នូវអ្វីដែលពួកគេបានពិភាក្សា ។
នីហ្វៃទី ១ ៨:១៩–៣៨
គោលបំណងមេរៀន ៖ មេរៀននេះអាចជួយសិស្សឲ្យធ្វើតាមព្រះបន្ទូលរបស់ព្រះ ដើម្បីដឹកនាំពួកគេឲ្យទទួលបានពរជ័យដ៏អស្ចារ្យបំផុតរបស់ទ្រង់ ។
-
ការរៀបចំសិស្ស ៖ សូមលើកទឹកចិត្តសិស្សឲ្យអាន នីហ្វៃទី ១ ៨:១៩–៣៤ ដើម្បីស្គាល់និមិត្តរូបនៅក្នុងការនិមិត្តរបស់លីហៃ ហើយត្រូវត្រៀមខ្លួនដើម្បីពិភាក្សាពីនិមិត្តរូបទាំងនោះនៅក្នុងថ្នាក់ ។
-
រូបភាពដែលត្រូវបង្ហាញ ៖ រូបភាពនៃការនិមិត្តរបស់លីហៃ
-
វីដេអូ ៖ « Lehi Sees an Iron Rod and Those Who Fall Away » ( ៣:៣០ )
-
យោបល់សម្រាប់បង្រៀនតាមសន្និសីទវីដេអូ ៖ ជំនួសឲ្យការសុំឲ្យសិស្សគូរផ្នែកផ្សេងៗនៃការនិមិត្តនេះ សូមពិចារណាបង្ហាញវីដេអូនេះ ហើយផ្អាកវានៅពេលណាដែលមានបង្ហាញចំណុចសំខាន់ ។ សិស្សអាចត្រូវបានស្នើឲ្យចែកចាយគំនិតរបស់ពួកគេអំពីនិមិត្តរូបនេះ ហើយរកមើលអ្វីដែលបទគម្ពីរបង្រៀនអំពីនិមិត្តរូបនេះ ។ ដើម្បីរៀបចំខ្លួនចូលរៀន សូមពិចារណាសរសេរកូដម៉ោងនីមួយៗ នៅពេលដែលវីដេអូនេះគួរត្រូវផ្អាកនោះ ។
នីហ្វៃទី ១ ១០; ១១:១–៦
គោលបំណងមេរៀន ៖ មេរៀននេះអាចជួយសិស្សក្នុងការខិតខំយ៉ាងឧស្សាហ៍ព្យាយាមស្វែងរកចំណេះដឹងពីព្រះអម្ចាស់ ។
-
ការរៀបចំសិស្ស ៖ សូមអញ្ជើញសិស្សឲ្យសួរឪពុកម្ដាយ ឬថ្នាក់ដឹកនាំយុវវ័យពីអ្វីដែលពួកគេធ្វើ ដើម្បីស្វែងរកសេចក្ដីពិតពីព្រះដោយឧស្សាហ៍ព្យាយាម ឬរបៀបដែលព្រះវិញ្ញាណបរិសុទ្ធសម្ដែងសេចក្ដីពិតដល់ពួកគេ ។ សូមលើកទឹកចិត្តសិស្សឲ្យមករៀនដោយត្រៀមខ្លួនដើម្បីចែកចាយគំនិតមួយជាមួយថ្នាក់ ។
-
វីដេអូ ៖ « How I #HearHim: Elder Ronald A. Rasband » ( ២:៥៥ )
-
យោបល់សម្រាប់បង្រៀនតាមសន្និសីទវីដេអូ ៖ សូមពិចារណាប្រើក្ដារខៀនឌីជីថល ដើម្បីឲ្យសិស្សអាចសហការក្នុងការរាយបញ្ជីអំពីរបៀបស្វែងរកសេចក្ដីពិតពីព្រះដោយឧស្សាហ៍ព្យាយាម និងរបៀបដែលព្រះសម្ដែងសេចក្ដីពិតតាមរយៈព្រះវិញ្ញាណបរិសុទ្ធ ។