Pasiunang mga Pahina sa Basahon ni Mormon

Kinatibuk-ang Pagpasabot

Si Joseph Smith mitawag sa Basahon ni Mormon nga tukuranang bato sa atong relihiyon. Miabot kini “pinaagi sa gasa ug gahom sa Dios” (Doktrina ug mga Pakigsaad 135:3), ug daghang mga saksi ang mipamatuod sa milagrosong gigikanan niini. Kini nga mga leksiyon makatabang nimo nga masabtan ug makapasabot sa katuyoan sa Basahon ni Mormon, madugangan ang imong tinguha sa pagtuon niini kada adlaw, ug mamalandong sa imong kaugalingong pagsaksi sa katinuod niini.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang kinahanglang andamon daan para sa kada leksiyon.

Ulohan nga Pahina

Katuyoan sa leksiyon: Kini nga leksiyon gituyo aron matabangan ang mga estudyante nga makasabot ug makapasabot sa mga katuyoan sa Basahon ni Mormon.

• Pagpangandam sa estudyante: Dapita ang mga estudyante sa pagpamalandong nganong ang Basahon ni Mormon gihatagan og gibug-aton ug kasagara nga gigamit sa Ang Simbahan ni Jesukristo sa mga Santos sa Ulahing mga Adlaw.

• Content nga ipakita: Usa ka himan o hulagway sa usa ka himan nga mahimong dili pamilyar sa mga estudyante

• Sugyot sa pagtudlo pinaagi sa videoconference: Ikonsiderar ang pagbahin sa mga estudyante ngadto sa mga breakout room aron hisgotan ang mga katuyoan sa Basahon ni Mormon. Ang mga estudyante mahimong mas komportable nga mopaambit nga magkapares o diha sa gagmay nga mga grupo.

Pasiuna sa Basahon ni Mormon

Katuyoan sa leksiyon: Kini nga leksiyon gituyo aron matabangan ang mga estudyante nga madugangan ang ilang tinguha sa pagtuon sa Basahon ni Mormon kada adlaw aron mapalig-on ang ilang pagpamatuod sa katinuod niini.

• Pagpangandam sa estudyante: Dapita ang mga estudyante sa pagbasa o pagpaminaw sa pakigpulong ni Elder Gary E. Stevenson “Tan-awa ang Basahon, Tan-awa ang Ginoo” gikan sa Oktubre 2016 nga kinatibuk-ang komperensiya.

• Mga Bidyo: “Ang Pagtungha sa Basahon ni Mormon” (17:12; tan-awa gikan sa time code 12:03 hangtod 14:12)

• Mga butang nga andamon: Usa ka gikopya nga pahina sa Basahon ni Mormon alang sa matag estudyante

• Sugyot sa pagtudlo pinaagi sa videoconference: Dapita ang andam nga mga estudyante sa pagpaambit kon giunsa nila pagmarka ang mga kasayoran sa Manluluwas diha sa ilang pahina sa Basahon ni Mormon. Mahimo nilang gunitan pataas ang ilang mga kasulatan o i-share ang screenshot kon naggamit og digital nga mga kasulatan. Mahimo usab nilang ipaambit sa chat ang usa ka ngalan alang sa Manluluwas o usa ka bersikulo nga mipatigbabaw diha kanila.

Ang Pagpamatuod ni Joseph Smith sa Basahon ni Mormon

Katuyoan sa Leksiyon: Kini nga leksiyon makatabang sa mga estudyante nga mas makasabot ug makapasabot giunsa sa Basahon ni Mormon pagtungha “pinaagi sa gasa ug gahom sa Dios” (Doktrina ug mga Pakigsaad 135:3).

• Pagpangandam sa estudyante: Dapita ang mga estudyante nga motambong nga andam mopaambit sa unsay ilang nahibaloan mahitungod sa pagtungha sa Basahon ni Mormon ug unsa ang ilang mga pangutana mahitungod niini.

• Content nga ipakita: Ang mga hulagway nga anaa sa sinugdanan sa leksiyon (Kini mahimong i-display sa klasrom, o ang mga kopya mahimong iprinta ug iapud-apod ngadto sa mga estudyante aron kronolohikal nga mahan-ay.)

• Sugyot sa pagtudlo pinaagi sa videoconference: Kini nga leksiyon maghatag og daghang kahigayonan sa online nga mga kalihokan. Pananglitan, ikonsiderar ang paghimo og online nga pasulit gamit ang mga hulagway gikan sa leksiyon ug dapita ang mga estudyante sa pagtubag sa pasulit atol sa klase. Mahimo usab nga makatabang ang paggamit og dili magbutyag sa ngalan [anonymous] nga online poll nga magtugot sa mga estudyante sa pagsumiter sa ilang mga pangutana mahitungod sa paghubad sa Basahon ni Mormon.

Ang mga Pagpamatuod sa Tulo ka mga Saksi ug Walo ka mga Saksi

Katuyoan sa leksiyon: Kini nga leksiyon makatabang sa mga estudyante nga makasabot sa kamahinungdanon sa daghang mga saksi sa Basahon ni Mormon ug mamalandong sa ilang kaugalingong mga pagsaksi.

• Pagpangandam sa estudyante: Dapita ang mga estudyante sa pagtambong nga andam mopaambit sa ilahang mga kasinatian nga nakatabang nila o sa uban nga makahibalo nga ang Basahon ni Mormon iya sa Dios.

• Handout: “Ang Pagpamatuod sa Tulo ka mga Saksi ug Walo ka mga Saksi”

• Sugyot sa pagtudlo pinaagi sa videoconference: Ikonsiderar ang pagdapit og pipila ka mga estudyante sa pagdala og sakop sa pamilya o higala ngadto sa online nga klase aron mopaambit sa iyang pagsaksi kang Jesukristo ug sa Basahon ni Mormon. Kini nga mga tawo mamahimong mopaambit sa ilang saksi inig hapit na matapos ang leksiyon, sa higayon nga ang mga estudyante dapiton sa pagsulat sa ilang kaugalingong pagsaksi.

Pag-angkon og Espirituhanong Kahibalo, Bahin 2

Katuyoan sa Leksiyon: Kini nga leksiyon makatabang sa mga estudyante sa pagsusi sa mga konsepto ug mga pangutana nga inubanan sa mahangtorong panglantaw ug makita kini nga mas sama sa gibuhat sa Manluluwas.