“Unsaon Nako Pagpangandam alang sa Ikaduhang Pag-anhi ni Kristo?,” Liahona, Okt. 2023.
Dali, Sunod Kanako
Unsaon Nako Pagpangandam alang sa Ikaduhang Pag-anhi ni Kristo?
Si Pablo mitudlo nga ang adlaw sa pagbalik ni Jesukristo moabot “sama sa usa ka kawatan nga moabot sa gabii,” nagtandi niini ngadto sa “babaye nga nagbati” nga kalit nga manganakay na (1 Mga Taga-Tesalonica 5:2–3). Kini nga mga sumbingay naghulagway nga si Kristo moabot sa usa ka panahon nga wala nato gidahom.
Bisan tuod wala gayod kita mahibalo kanus-a mahitabo ang Ikaduhang Pag-anhi, mamahimo kitang andam kon kini mahitabo na. Ania ang upat ka paagi nga kita makaandam.
Ako mahimong mopakigbahin sa ebanghelyo ngadto sa uban.
“Kita ang katawhan nga gitahasan sa responsibilidad sa dili pa moabot ang Ikaduhang Pag-anhi ni Jesukristo; kita ang mopundok sa mga anak sa Dios, kadtong maminaw ug mohangop sa mga kamatuoran, mga pakigsaad, ug mga saad sa walay kataposang ebanghelyo.”1
Ako mahimong modapit sa Espiritu Santo pinaagi sa akong mga buhat.
“Kita mobuhat sa atong labing maayo sa pagpanalipod sa atong inadlaw nga mga kasinatian aron ang impluwensya sa Espiritu Santo magpabilin kanato. Kita mao ang kahayag sa kalibotan, ug kon kinahanglanon, kita andam nga mopili nga mahimong lahi kay sa uban.”2
Ako makahimo ug makatahod sa mga pakigsaad sa Dios.
“Ang gahom nga atong gikinahanglan aron makasukol sa mga pagsulay nga atong nasinati karon mao ang gahom sa Ginoo, ug ang Iyang gahom nagagikan sa atong mga pakigsaad Kaniya. … Bisan kon kita madagma, Siya anaa.”3
Ako mas makanunayong makatambong sa templo.
“Ang labing importanteng bahin sa Pagpahiuli mao ang balaan nga templo. Ang sagradong mga ordinansa ug mga pakigsaad niini importante kaayo sa pag-andam og katawhan nga andam sa pagsugat sa Manluluwas sa Iyang Ikaduhang Pag-anhi.”4