Welcome Niini nga Isyu

Mapasalamaton alang sa Buhi nga mga Propeta ug Apostoles

Unang Kapangulohan

Tungod sa kamatayon sa Apostoles sa Ginoo ug sa pagsugod sa Dakong Apostasiya, ang kalibotan natumpawak ngadto sa panahon sa espirituhanong kangitngit. Dayon, mga siglo sa wala pa ang panahon ni Joseph Smith, ang Ginoo misugod sa pagpahiluna sa mahinungdanong buhat alang sa Pagpahiuli sa kahingpitan sa ebanghelyo.

Ang imbensiyon sa printahanan, ang Kabag-ohan [Renaissance], ang Repormasyon, ang pagdiskobre sa mga Taga-Uropa sa Amerika, ug uban pa mao ang tanan nga pagpangandam alang sa panghitabo didto sa Sagrado nga Kakahoyan “usa ka buntag sa usa ka matahom, maayo nga panahon, sayo sa tingpamulak sa usa ka libo walo ka gatos ug kawhaan” (Joseph Smith—Kasaysayan 1:14). Nianang buntag sa tingpamulak usa ka propeta sa Dios sa makausa pa diha sa yuta, ug ang panahon sa espirituhanong kangitngit sa kataposan napupos!

Niining bulana sa Liahona, si Presidente Dallin H. Oaks, Unang Magtatambag sa Unang Kapangulohan, nagtudlo kanato sa mahinungdanon nga papel sa modernong mga propeta ug apostoles, sa ilang mga yawe sa pagkapari ug awtoridad, ug sa ilang papel isip espesyal nga mga saksi sa ngalan ni Jesukristo (pahina 4).

Usa ka importante nga elemento sa ilang pagsaksi mao ang balaan nga karakter ug hiyas sa Manluluwas, ug sila mopalanog sa Iyang imbitasyon nga mahimong “gani sama nga Ako mao” (3 Nephi 27:27).

Diha sa pahina 10, ako mopakigbahin og mga salabotan kon sa unsang paagi ang matag usa kanato “[mo]palambo og mga hiyas” (Doktrina ug mga Pakigsaad 46:33) sa atong mga paningkamot aron mamahimong mas mahisama ni Jesukristo.

Unsa ako ka mapasalamaton alang sa buhi nga mga propeta ug apostoles—espesyal nga mga saksi ni Jesukristo!

Elder Lynn G. Robbins

Emeritus nga Kinatibuk-ang Awtoridad nga Seventy