Alang sa mga Ginikanan

Sa usa ka Lig-on nga Tukuranan

sa kaniadto nga si Elder Russell M. Nelson ug uban nga mga lider sa Simbahan atol sa komperensiya didto sa Madagascar

Sa kaniadto nga si Elder Russell M. Nelson ug ang uban nga mga lider atol sa komperensiya sa mga lider sa pagkapari didto sa Madagascar, 2011.

Minahal nga mga Ginikanan,

Sa atong pagtuon sa Bag-ong Tugon niining bulana, atong mabasa kon sa unsang paagi ang Simbahan “natukod ibabaw sa patukuranan nga mao ang mga apostoles ug mga propeta, nga niini si Jesukristo mao ang ulohang bato sa pamag-ang” (Mga Taga-Efeso 2:20). Si Presidente Dallin H. Oaks mipamatuod “niana nga balaan nga proseso, pinaagi sa pagdumala sa Ginoo sa Iyang Simbahan karon” (pahina 7).

Mga Panaghisgotan sa Ebanghelyo

Buhi nga mga Propeta

Isip usa ka pamilya, hisgoti kon unsa ang inyong nakat-onan gikan sa kinatibuk-ang komperensiya niining bulana. Pakigbahin og mga kinutlo gikan sa mga artikulo ni Presidente Dallin H. Oaks mahitungod sa modernong mga propeta ug sa mga yawe sa pagkapari (pahina 4). Unsa nga mga panalangin ang inyong madawat pinaagi sa pagsunod sa tambag sa mga propeta ug apostoles karon?

Hugot nga Pagtuo aron Makakita og mga Milagro

Dapita ang usa ka sakop sa pamilya sa pagbasa og kusog sa Mateo 9:20–22, nga nagpasabot sa pag-ayo ni Kristo sa babaye “nga nag-antos tungod sa iyang pagsigig dugo.” Unsaon man nato sa pagpalambo og hugot nga pagtuo aron makakita og mga milagro? Nganong si Kristo nagpahigayon man og mga milagro? (tan-awa sa pahina 43).

Unsaon sa Pagkahimong Kristohanon

Si Elder Lynn G. Robbins nagtudlo kon unsaon nga kita makasunod sa imbitasyon sa Manluluwas nga mahimong sama Kaniya pinaagi sa paghiusa sa Kristohanong kinaiya sa atong mga kinabuhi (tan-awa sa pahina 10). Mahimo kamo nga mopakigbahin sa pipila sa iyang mga ehemplo, sama sa mga aninipot o usa ka inahan nga nagpasuso sa usa ka gamayng bata, aron matabangan ang inyong mga anak nga makita kon unsaon sa pagpalambo og Kristohanon nga mga kinaiya diha sa ilang inadlaw-adlaw nga mga inter-aksiyon.

Dali, Sunod Kanako Kalingawan sa Pamilya

Pabilin diha sa Hugot nga Pagtuo

2 Timoteo 4

Duol sa hinapos sa iyang kinabuhi, si Apostol Pablo misulti ni Timoteo, “Nakigbisog na ako sa maayong pakigbisog, natapos ko na ang lumba, gituman nako ang pagtuo” (2 Timoteo 4:7). Sulayi kini nga kalihokan aron makakat-on mahitungod sa “pagpabilin sa hugot nga pagtuo”:

Sa dili pa ang Home Evening

1. Interbiyoha ang pipila sa mas tigulang nga mga tawo kinsa nagmatinud-anon sa ebanghelyo. Kini mahimong ang mga apohan o mga sakop sa inyong ward o branch.

2. Pangutan-a sila og mga pangutana nga ikaw interesado o mga pangutana sama niini: Unsa nga mga pagsulay ang imong nasinati ug nabuntog? Ikaw ba adunay kasinatian nga gikinahanglan niini ang kaisog sa pagsunod sa ebanghelyo? Unsa ang labing nakatabang sa pagpabilin nga matinud-anon sa imong gituohan diha ni Jesukristo?

3. Isulat o irekord ang ilang mga pagpamatuod ug mga kasinatian.

Atol sa Home Evening

1. Ipakigbahin uban sa imong pamilya ang mga pagpamatuod nga imong nadunggan ug mga leksiyon nga imong nakat-onan.

2. Unsa ang gitudlo niining mga tawhana diha kanimo mahitungod sa pagbuntog sa mga kalisdanan pinaagi sa hugot nga pagtuo?

Panaghisgotan: Unsaon ninyo sa pagpabilin sa hugot nga pagtuo sa tibuok ninyong kinabuhi, bisan pa man sa mga hagit?

Gisumiter ni Mitzi Schoneman

batan-ong babaye nga makita nga lawom og gihunahuna

Gikan sa Alang sa Kalig-on sa mga Kabatan-onan nga Magasin

Ilha ang Espiritu

Si Elder Ronald A. Rasband nagtudlo og upat ka paagi nga atong makat-onan ang pag-ila sa impluwensiya sa Espiritu Santo diha sa atong mga kinabuhi ug ang pagtubag niini.

Nganong Adunay mga Lagda?

Si Brother Bradley R. Wilcox nagtudlo mahitungod sa gahom ug hingpit nga kalipay nga moabot gumikan sa pagtutok sa rason alang sa mga lagda nga atong sundon.

Pag-andam alang sa Umaabot

Tan-awa kon sa unsang paagi ang kabatan-onan makapangandam alang sa umaabot pinaagi sa pagkat-on og pito ka sekreto sa usa ka independente nga kinabuhi.

Pagbaton og Pagpamatuod sa mga Propeta

Pagkat-on kon sa unsang paagi ang kabatan-onan nakakat-on nga ang mga propeta ug apostoles gitawag sa Dios—ug sa unsang paagi nga kamo makakat-on usab.

batang babaye nga naghunahuna bahin sa iyang apohan nga babaye

Gikan sa Higala nga Magasin

Si Jesukristo Nangulo sa Iyang Simbahan

Basaha ang usa ka mensahe gikan ni Presidente Henry B. Eyring mahitungod kon giunsa sa pagpangulo sa Manluluwas ang Iyang Simbahan pinaagi sa mga propeta. Dayon buhata ang kauban nga kalihokan uban sa inyong mga bata.

Dali, Sunod Kanako nga mga Kalihokan

Pangita og sinemana nga mga kalihokan aron matabangan ang inyong pamilya nga makakat-on gikan sa Bag-ong Tugon. Kamo makakaplag usab og mga tabang alang sa pagtudlo sa mas gagmay nga mga bata diha sa Alang sa Gagmayng mga Higala nga seksiyon sa ang Higala.

Pagtudlo og Pagbarog pinaagi sa Kinaugalingon nga Paningkamot

Pangita og mga kapanguhaan sa pagtabang sa inyong mga anak nga makat-on mahitungod sa pagpalambo sa ilang mga talento, pagtakda og mga tumong, ug pagkugi og maayo.

Paghinumdom kang Abuela [Lola]

Pagkat-on kon sa unsang paagi ang pagsaulog sa Adlaw sa Minatay [Dia de Muertos] sa Mexico nakatabang ni Lyan ug sa iyang pamilya nga makat-on mahitungod sa ilang kasaysayan sa pamilya.