Dali, Sunod Kanako

Mga Taga-Filipos 2

Mapaningkamotan ba Nato ang Atong Kaluwasan?

Jesus ug batang babaye

Walking with Christ [Maglakaw uban ni Kristo], ni Trent Gudmundsen

Gisultihan ni Apostol Pablo ang nahauna nga mga Kristiyanos nga, “panglimbasogi ninyo ang inyong kaugalingong kaluwasan uban ang kahadlok ug pagkurog” (Mga Taga-Filipos 2:12). Si Presidente Dallin H. Oaks, Unang Magtatambag sa Unang Kapangulohan, nangutana, “Kana ba nga [bersikulo] nagpasabot nga ang kinatibuk-an sa atong kaugalingong pagkamatarong makahatag nato og kaluwasan ug kahimayaan?” Siya mipasabot, “Human sa tanan natong pagkamasulundon ug maayong mga buhat, dili kita maluwas gikan sa epekto sa atong mga sala kon wala ang grasya nga gihatag pinaagi sa pag-ula ni Jesukristo” (“What Think Ye of Christ?,” Ensign, Nob. 1988, 67).

Ang mga kasulatan ug ang mga propeta nagtudlo nga kinahanglang mosalig kita sa grasya ni Jesukristo ug mohimo ug motuman sa mga pakigsaad sa Langitnong Amahan aron makadawat og kinabuhing dayon. Ikonsiderar kini nga propetikanhon nga mga pagtulon-an samtang inyong tun-an ang Mga Taga-Filipos 2:12–13:

“Dili kita makaangkon sa atong agianan ngadto sa langit. …

“Apan ang tanan wala mawagtang.

“Ang grasya sa Dios mao ang atong importante ug walay katapusang paglaom.”

Elder Dieter F. Uchtdorf sa Korum sa Napulog Duha ka Apostoles, “Ang Gasa sa Grasya,” Liahona, Mayo 2015, 108.

“Sa pagkatinuod kita natubos pinaagi sa maulaon nga dugo sa Manluluwas sa kalibotan, apan human lamang ang matag usa nakahimo sa tanan nga iyang mahimo alang sa iyang kaugalingong kaluwasan.”

Presidente Harold B. Lee, sa Conference Report, Okt. 1970, 116.

“Ang atong bugtong paglaom alang sa tinuod nga kahingpitan mao ang pagdawat niini isip gasa gikan sa langit—dili nato kini ‘mapaningkamotan’. Busa, ang grasya ni Kristo nagtanyag kanato … sa kaluwasan gikan sa kasubo ug sala ug kamatayon.”

Elder Jeffrey R. Holland sa Korum sa Napulog Duha ka Apostoles, “Busa, Kamo Kinahanglan Magmahingpit—sa Kataposan,” Liahona, Nob. 2017, 41.