« តើខ្ញុំអាចជឿដោយមើលមិនឃើញដោយរបៀបណា ? » លីអាហូណា ខែ កក្កដា ឆ្នាំ ២០២៣ ។
ចូរមកតាមខ្ញុំ
តើខ្ញុំអាចជឿដោយមើលមិនឃើញដោយរបៀបណា ?
សាវកម្នាក់ក្នុងចំណោមសាវករបស់ព្រះយេស៊ូវគ្រីស្ទ គឺថូម៉ាសមិនជឿថា ព្រះគ្រីស្ទបានមានព្រះជន្មរស់ឡើងវិញទេ រហូតដល់លោកបានឃើញទ្រង់នៅក្នុងសាច់ឈាម ( សូមមើល យ៉ូហាន ២០:២៥ ) ។ នៅទីបំផុតពេលដែលថូម៉ាសបានឃើញព្រះអង្គសង្គ្រោះដែលមានព្រះជន្មរស់ឡើងវិញ នោះព្រះអង្គសង្គ្រោះបានប្រាប់លោកថា « អ្នកជឿដោយព្រោះបានឃើញខ្ញុំទេតើ មានពរហើយ អ្នកណាដែលជឿឥតឃើញសោះ » ( យ៉ូហាន ២០:២៩ ) ។
តើយើងអាចធ្វើតាមការអញ្ជើញរបស់ព្រះយេស៊ូវគ្រីស្ទដើម្បី « កុំឲ្យមានចិត្តមិនជឿឡើយ ត្រូវឲ្យជឿចុះ » ដោយរបៀបណា ? ( យ៉ូហាន ២០:២៧ ) ។
វិធីដើម្បីពង្រឹងសេចក្តីជំនឿ និងទីបន្ទាល់របស់យើង ។
សិក្សាព្រះគម្ពីរ « សេចក្តីជំនឿកើតឡើងដោយឮ ហើយដែលឮនោះ គឺដោយសារព្រះបន្ទូលនៃព្រះ » ( រ៉ូម ១០:១៧ ) ។
រស់នៅតាមដំណឹងល្អ ។ « បើអ្នកណាចង់ធ្វើតាមព្រះហឫទ័យទ្រង់ នោះនឹងបានដឹងជាសេចក្តីបង្រៀននេះមកពីព្រះ ឬជាខ្ញុំនិយាយដោយអាងខ្លួនខ្ញុំ » ( យ៉ូហាន ៧:១៧ ) ។
ស្វែងរកវិវរណៈតាមរយៈព្រះវិញ្ញាណបរិសុទ្ធ ។ « សេចក្ដីពិតដែលសំខាន់បំផុតត្រូវបានបញ្ជាក់តាមរយៈវិវរណៈមកពីព្រះប៉ុណ្ណោះ ។ ហេតុផលរបស់មនុស្សយើង និងការប្រើញាណខាងរូបកាយរបស់យើងនឹងមិនល្មមគ្រប់គ្រាន់ឡើយ » ( ហិនរី ប៊ី អាវរិង « The Holy Ghost as Your Companion » Liahona ខែ វិច្ឆិកា ឆ្នាំ ២០១៥ ទំព័រ ១០៤ ) ។