“Ua Faapefea Ona Faamanuiaina i Tatou e le Vaaiga e Faavavau a le Atua?,” Liahona, Aok. 2022.
Sau, Mulimuli Mai ia te Au
Ua Faapefea Ona Faamanuiaina i Tatou e le Silafaga e Faavavau a le Atua?
Faamatalaga mai le Iopu, saunia e Léon Joseph Florentin Bonnat, Musee Bonnat, Bayonne, Farani / Bridgeman Images
Ina ua maua se malamalama sili atu i le mana o le Atua, sa iloa e Iopu le faatapulaaina o lana vaaiga mamao. Sa ia fai mai, “Aua ua ou tautala atu ma lo‘u le mafaufau” (Iopu 42:3). E pei o Iopu, atonu foi tatou te le vaai i taimi uma i mea e silasila mai ai le Atua mo o tatou olaga. O faataitaiga faaonaponei nei e fa ua faaalia ai le ala e silafia ai e le Alii ia tofotofoga tatou te feagai ma tuuina mai ia i tatou le taitaiga e ala mai i Ana perofeta. O anafea na e vaaia ai le faamanuiaina o lou lava olaga i le vaaiga a le Alii?
1833
Upu o le Poto
Ina ia fesoasoani ia i tatou e aloese mai aafiaga le lelei o fualaau faasaina, ava malosi, ma isi mea faataumaoi, na faaali mai ai e le Alii le Upu o le Poto e ala mai ia Iosefa Samita i le 1833 (tagai Mataupu Faavae ma Feagaiga 89).
1995
Folafolaga i Aiga
O le iloaina o tauiviga o le a feagai ma aiga, sa musuia ai e le Alii ia perofeta ma aposetolo soifua e lolomi le folafolaga i le aiga i le 1995 (tagai “O Le Aiga: O Se Folafolaga i le Lalolagi,” ChurchofJesusChrist.org). O se tulaga faatonuina lenei a le Ekalesia e faamalosia ai le aiga.
2019
Sau, Mulimuli Mai ia te Au
Na avanoa le polokalama o le Sau, Mulimuli Mai ia te Au e faatotonugalemu-i-le-aiga mo vaitausaga uma i le 2019, pe tusa ma le tasi le tausaga a o lei tapunia e le KOVITI-19 sauniga a le Ekalesia mo se taimi.