Tavita ma Koliata: Faatuatua nai lo le Fefe

Ata

Tavita ma Koliata

Ata na tusia e Andrew Beck / Marlena Agency

Tavita

O se leoleo mamoe talavou
Maualuga: E le o faamaoti mai e le Tusi Paia le maualuga po o le matua o Tavita, ae ua tatou iloa sa i ai o ia i lona talavou.
Auupega: O se maata ma ni maa lamolemole se lima

Koliata

O se toa Filisitia
Maualuga: E silia ma le 9 futu le umi (3 m)
Auupega: Tao, ofutau e 150 pauna (67.5 kg) le mamafa, ma le pelu
Sa tauemu Koliata ma luiina Isaraelu mo aso e 40.

E na o Tavita, o se leoleo mamoe talavou, sa i ai le lototele e tu atu ai e tau ma Koliata. Sa ta‘u atu ia te ia e le Tupu o Saulo e aua le alu ae sa alu lava ona sa ia iloa o loo i ai le Atua i ona tafatafa, ma sa ia faatuatua ia te Ia.

Sa tauemu Koliata ia Tavita ma Isaraelu uma i le auina atu o se tamaitiiti e tau. Ae o le tali a Tavita na faaalia ai lona faatuatua, “Ua e sau ia te au ma le pelu, ma le tao, ma le tao leoleo: a o a’u, ou te alu atu ia te oe i le suafa o Ieova o ‘au, o le Atua o le itu taua a Isaraelu ua e faifai i ai” (1 Samuelu 17:45).

Faatasi ai ma se maata ma se maa, na faatoilalo ai e Tavita ia Koliata ma fasiotia ai o ia, ma afua ai ona sosola ese Filisitia mai ia Isaraelu.