« បន្ទប់ក្នុងផ្ទះសំណាក់ » ដើម្បីកម្លាំងនៃយុវជន ខែ ឧសភា ឆ្នាំ ២០២១ ។
សម័យប្រជុំព្រឹកថ្ងៃសៅរ៍
បន្ទប់ក្នុងផ្ទះសំណាក់
ការដកស្រង់
នៅបុណ្យអ៊ីស្ទើរនេះ ព្រះយេស៊ូវគ្រីស្ទអញ្ជើញយើងឲ្យប្រែក្លាយដូចជាទ្រង់ ធ្វើជាសាសន៍សាម៉ារីចិត្តល្អ ដើម្បីធ្វើឲ្យផ្ទះសំណាក់របស់ទ្រង់ ( សាសនាចក្ររបស់ទ្រង់ ) ជាជម្រកសម្រាប់មនុស្សទាំងអស់ជ្រកពីទុក្ខលំបាក និងព្យុះជីវិត ។…
កាលដែលយើងមកផ្ទះសំណាក់ជាមួយសាសន៍សាម៉ារីចិត្តល្អ យើងរៀនរឿងប្រាំយ៉ាងអំពីព្រះយេស៊ូវគ្រីស្ទ និងខ្លួនរបស់យើង ។
ដំបូង យើងម្នាក់ៗមកកាន់ផ្ទះសំណាក់ដោយមានចំណុចទន់ខ្សោយ និងភាពមិនល្អឥតខ្ចោះ ។ ប៉ុន្តែ យើងទាំងអស់គ្នាមានអ្វីមួយចាំបាច់ត្រូវបរិច្ចាគ ។ ជាញឹកញាប់ ដំណើរត្រឡប់ទៅព្រះវិញរបស់យើងគឺស្ថិតនៅលើសាមគ្គីភាព ។…
ទីពីរ ទ្រង់អង្វរយើងឲ្យធ្វើផ្ទះសំណាក់របស់ទ្រង់ជាកន្លែងនៃព្រះគុណ និងទូលំទូលាយ ជាកន្លែងដែលមនុស្សគ្រប់គ្នាអាចជួបជុំគ្នា ហើយមានកន្លែងសម្រាប់មនុស្សទាំងអស់ ។ ក្នុងនាមជាពួកសិស្សរបស់ព្រះយេស៊ូវគ្រីស្ទ យើងស្មើភាពគ្នា ពុំមានក្រុមណាពុំសូវសំខាន់ឡើយ ។…
ទីបី នៅក្នុងផ្ទះសំណាក់របស់ទ្រង់ យើងរៀនថា សេចក្តីល្អឥតខ្ចោះគឺនៅក្នុងព្រះយេស៊ូវគ្រីស្ទ ពុំមែននៅក្នុងភាពឥតខ្ចោះនៃពិភពលោកនេះទេ ។… ទ្រង់អញ្ជើញយើងម្នាក់ៗឲ្យធ្វើជាសាសន៍សាម៉ារីចិត្តល្អ មិនសូវវិនិច្ឆ័យគ្នា ហើយកាន់តែអភ័យទោសដល់ខ្លួនឯង និងដល់គ្នាទៅវិញទៅមក ។…
ទីបួន … ទ្រង់នាំយើងទៅផ្ទះសំណាក់របស់ទ្រង់ និងដំណាក់របស់ទ្រង់ផងដែរ—គឺព្រះវិហារបរិសុទ្ធ … គឺជាកន្លែងដែលសាសន៍សាម៉ារីចិត្តល្អអាចសម្អាត និងស្លៀកពាក់ឲ្យយើង រៀបចំយើងដើម្បីត្រឡប់ទៅទីវត្តមានរបស់ព្រះវិញ ហើយបង្រួបបង្រួមយើងជាមួយគ្រួសារអស់កល្បជានិច្ចរបស់ព្រះ ។…
ចុងក្រោយ ចំណុចទីប្រាំ យើងអររីករាយដែលព្រះស្រឡាញ់បុត្រាបុត្រីរបស់ទ្រង់ ទោះជាយើងមានជីវប្រវត្តិ និងកាលៈទេសៈខុសៗគ្នាក្តី នៅគ្រប់អស់ទាំងសាសន៍ គ្រប់ពូជអំបូរ គ្រប់ភាសា ឲ្យមានកន្លែងស្នាក់អាស្រ័យក្នុងផ្ទះសំណាក់ទ្រង់គ្រប់ៗគ្នា ។…
សាសន៍សាម៉ារីចិត្តល្អរបស់យើង សន្យាថានឹងត្រឡប់មកវិញ ។ អព្ភូតហេតុជាច្រើនកើតឡើង នៅពេលយើងមើលថែគ្នាទៅវិញទៅមកដូចដែលទ្រង់ធ្វើ ។