E Faapefea Ona Ou Talanoa i La’u Fanau e uiga i le Taua Uma o Tamaitai ma Alii?

Ata

illustration of man and woman

Ata na tusia e Katie Payne

O Upumoni e 5 e Talanoa i ai

O i tatou taitoatasi o se atalii po o se afafine “o matua faalelagi.” O lena upumoni e faamanatu mai ai ia i tatou o tamaitai ma alii o se vaega taua o le fuafuaga o le fiafia. E mafai faapefea ona avea le lalolagi o se nofoaga e sili atu pe afai o alii ma tamaitai, teine ma tama, e faaaloalogia e le tasi le isi o ni tagata e tutusa le taua ma le manaomia?
E tofu tamaitai ma alii ma se “taunuuga paia.” O lona uiga, o tama ma teine e i ai le avanoa e ola ai i se aiga atoatoa faalelagi i se taimi. O a ni filifiliga lelei o le a fesoasoani ia te oe e taunuu ai i lou taunuuga paia?
O avā ma tane e tatau ona “alolofa ma tausi e le tasi le isi.” O a nisi o auala e mafai ona e faata’ita’ia ai le alofa ma le manatu alofa mo isi?
O tamā ma tina e mafai ona fesoasoani i o latou aiga i ni auala eseese, ae e tatau ona latou galulue faatasi o ni “paaga tutusa.” O anafea na e vaai ai i alii ma tamaitai o galulue faatasi i le lotogatasi i se mea taua?
E tatau i matua ona tausia a latou fanau “i le alofa ma le amiotonu.” O a nisi o mea lelei ua e aoaoina mai se tina, tinamatua, po o se isi tamaitai? O a nisi mea lelei ua e aoaoina mai se tamā, tamamatua, po o se isi alii?

Sue ia meafaigaluega eseese e galulue faatasi e faia se mea. Mo se faataitaiga, o se naifi ma se tui e matua eseese lava, ae e mafai ona fesoasoani uma e taumafa ai. E eseese tamaitai ma alii, ae e taua uma i latou. Ma a oo ina latou galulue faatasi e mafai ona latou faia mea ofoofogia.
Valivali ia itulau i le mekasini o le Uo o le masina lenei lea o loo faaalia ai tamaitai ma alii o loo fesoasoani e taitai le Ekalesia.
Fai se sini e fesoasoani i lou aiga ia faaalia le faaaloalo sili atu ma le agalelei i alii ma tamaitai.
Mafaufau i se tasi na te le iloa e taua i latou ma alofagia. E mafai faapefea ona e fesoasoani ia latou malamalama o i latou o se atalii/afafine pele o ni matua faalelagi?