Talofa mai Kuatemala!
Talofa, o ma’ua o Margo ma Paolo.
O loo ma malaga taamilo i le lalolagi e aoao e uiga i fanau a le Atua. Faatasi mai ma i ma’ua a o ma asiasi atu i Kuatemala!
O Kuatemala e i Amerika Tutotonu. E tusa ma le 17 miliona tagata e nonofo iinei, ma pe tusa ma le 300,000 o tagata o le Ekalesia.
E 30 maugamū i Kuatemala. O le tolu o na maugamū e ola! O le maugamū lea na pa i le 2015.
E toatele tagata e malaga mai lea nofoaga i lea nofoaga i pasi felanulanua’i.
O le quetzal fulu-sesega o le manulele a le atunuu o Kuatemala. O le “Quetzal” foi o le igoa o le tupe a Kuatemala!
O le aiga lea i Kuatemala o loo suesueina faatasi ia tusitusiga paia. O ai lua te suesue faatasi i tusitusiga paia?
O loo fesoasoani le tamaitiiti lea i lona aiga i le la’uina o fafie.
O le faavaa lea o le Tusi a Mamona i le [gagana] Cakchiquel. O le gagana Cakchiquel o se tasi o gagana e 18 a le atunuu e faaaoga i Kuatemala! O le faaSipaniolo o le gagana aloaia lena a le atunuu.
O nisi aiga i Kuatemala e faaaogaina le pilas—o pesini felanulanuai i fafo—e fufulu ai ipu ma tatā ai lavalava.
Feiloai i nisi o a tatou uo mai Kuatemala!
Ina ua leai se galuega a lo’u tina, sa fesoasoani ia tagata o le Ekalesia ia i matou i meaai. O lena mea na aoaoina ai au i le ala e faasoa atu ai i isi e le tele ni a latou mea.
Darwin M., 9 tausaga, Sololá, Kuatemala
Sa matou aoaoina faapea, sa folafola atu e le Aposetolo o Paulo le talalelei i tagata uma. Sa ou lagonaina ua tonu le faasoa atu o le Tusi a Mamona i a’u uo. Sa ou tusia la’u molimau i tusi taitasi ma tuu atu ia te i latou. Na ou fiafia ina ua ou iloa o loo latou faitauina.
Ximena L., 9 tausaga, Sacatepéquez, Kuatemala
Pe e te sau mai Kuatemala? Tusi mai ia i ma’ua! Ma te fiafia lava e faalogo atu ia te outou.
Faafetai mo le asiasia o Kuatemala ma i ma’ua. Feiloai i se isi taimi!