Sau, Mulimuli Mai ia te A’u: Tusi a Mamona
E mafai faapefea ona tatou le faagaloina aafiaga faaleagaga?
7–13 Setema
Sa maofa sa Nifae i le faataunuuga o le valoaga a Samuelu le sa Lamana e uiga i le soifua mai o Keriso ina ua latou vaai i se po ma se ao e leai se pogisa (tagai 3 Nifae 1:15–21). Ae paga, i nai tausaga mulimuli ane, “sa amata ona galo i tagata na faaaliga ma mea ofoofogia” (3 Nifae 2:1) ma liliu atu i le amioleaga.
Na Faapefea ona Vave Tele ona Galo ia Sa Nifae?
E i ai ni mafuaaga na galo ai ia sa Nifae ia faailoga ma mea ofoofogia sa latou molimauina. Faitau le 3 Nifae 1:22 ma le 3 Nifae 2:1–3, 10 ma lisi ia ala na galo ai i tagata le Alii.
E faapefea ona faaaoga e Satani ia lava auala e faasese ai i tatou i ona po nei?
E Faapefea Ona Tatou Le Faagaloina?
Na saunoa Elder Ronald A. Rasband o le Korama a Aposetolo e Toasefululua: “Ia manatua, aemaise lava i taimi o faigata, le taimi na e lagonaina ai le Agaga ma na malosi ai lau molimau; manatua ia faavae faaleagaga na e fausia. Ou te folafola atu a outou faia lenei mea, … o le a e toe manatua i lou mafaufau na taimi pele na tuputupu ae ai lau molimau e ala i le tatalo lotomaualalo ma le anapogi. Ou te faamautinoa atu ia te oe o le a e toe lagona le saogalemu ma le mafanafana o le talalelei a Iesu Keriso.”1
O le a se mea e mafai ona e faia e manatua atili ai aafiaga faaleagaga na e oo i ai i taimi ua sola?
Ata na tusia e Emily Davis