Tala o Tusitusiga Paia
Na Asiasi Atu Iesu i Amerika
Faitau e uiga i lenei tala i le Helamana 14; 3 Nifae 1; 8–11.
Ata na tusia e Apryl Stott
I le Tusi a Mamona, sa aoao atu ai e se perofeta e igoa ia Samuelu le nuu e uiga ia Iesu. Sa ia fai atu, o le a susulu mai se fetu fou pe a soifua mai Iesu.
Sa talitonu nisi tagata i le perofeta ma autilotilo mo le fetu. I se tasi po, sa faaali mai ai le fetu fou! O se faailoga ua fanau mai Iesu i se nuu e mamao ese.
Na mavae atu tausaga. I se tasi aso sa foliga mai ua faanoanoa le lalolagi atoa. Sa i ai mafuie ma afā. O se faailoga ua maliu Iesu.
Sa pogisa le laueleele mo aso e tolu. Ona tupu ai lea o se mea matagofie lava. Na afio mai Iesu e asiasi ia sa Nifae ma sa Lamana! Sa toetu mai o Ia, o lona uiga sa toe soifua o Ia. Sa Ia faaalu se taimi ma tagata taitoatasi, e toatasi i le taimi.
E silafia e Iesu pe o ai au. E mafai ona Ia fesoasoani ia te au i taimi pogisa ma taufaafefe. O Ia o le Malamalama o le Lalolagi! ●