Yut
Foto i kam long Raul Sandoval
Mi laekem tumas blong kuk bitim evri nara samting. Mi bekem ol kap kek, smosmol kuki, mit mo ol kaekae wetem raes—!eni samting nomo! Mi laekem tu, blong tijim ol klas. Mi laekem tumas taem oli invaetem mi blong tijim wan Yang Woman klas.
Mi bin kam long konfrens Blong Ol Yut I Kam Strong from mi bin gat wan kwestin we mi wantem blong oli ansarem. Mi gat wan skolasip blong go long Yunivesiti, be mi filim se mi mas go long wan misin. Sapos mi go, bae mi lusum skolasip blong mi. Be sapos mi stap mo kam wan tija, mi save wok mo pem skul blong mi long semmak taem. Long taem blong YKS (Blong Ol Yut I Kam Strong) konfrens, wan sista i bin tokbaot petriakel blesing blong hem. Mi stap rere blong kasem petriakel blesing blong mi naoia, mo mi hop se taem bae mi kasem, bae mi save moa gud wanem we Papa long Heven i bin planem blong mi. Mi laekem tumas ol program blong yut mo YKS from i mekem ol yut i kam moa strong. From trutok i we, yumi evriwan i nidim pis.
Blong wan smol taem afta we mi bin baptaes, mi bin stop blong stap go long jos, afta gobak blong smol taem, afta stop bakegen. Be ol memba blong wod oli bin visitim mi mo invaetem mi blong kambak. Oli talem long mi se Jos mo ol memba i misim mi mo nidim mi. Mi disaed blong kambak, mo mi bin stap aktiv long stat long taem ia i kam. Mi luksave hamas mi nidim Jos. Mi save prea long Papa long Heven mo filim gud, mo mi save filim Spirit. !Mo i mekem se mi stap ia!
Adriana T. (long en long lef saed), 17 yia, Dominican Republic