Kam Folem Mi: Buk blong Momon
?Olsem Wanem Fasin blong Sakem Sin I Tanem Harem Nogud I Go long Glad?
20–26 Julae
Alma i bin serem eksperiens blong hem long olsem wanem hem i bin jenisim laef wetem boe blong Hileman. Alma i talem long hem olsem wanem hem i bin “filim i soa wetem trabol we i no save finis” from “ol sin mo ol rabis fasin [blong hem]” (Alma 36:12–13). ?Yu filim olsem wanem taem yu eksperiensem sem ia from sin?
Bon long God
Afta long tri dei blong harem nogud long tingting mo sol, Alma gat wan tingting we i bin mekem harem nogud blong hem i go daon (luk long Alma 36:19). Hem i bin testifae se hem i “bin bon long God” (Alma 36:23). ?Wanem i bin lid i go long, hem we i bon long God? (luk long ves 18.)
Glad afta long Bigfala Harem Nogud
Alma i bin eksperiensem bigfala harem nogud from ol sin blong hem, be taem hem i tingbaot mo singaot long Jisas Kraes, swit mo naesfala glad blong fogivnes i bin tekem ples blong harem nogud ia (luk long Alma 36:20).
Tras long God
Taem hem i stap tingbaot Atonmen blong Jisas Kraes, Alma i bin lanem blong tras long God mo i save se bae oli leftemap hem long las las dei (luk long Alma 36:3). ?Olsem wanem nao blong stap tingbaot mo dipen long Atonmen blong Sevya i bin karem glad i kam long yu?