Stap Fesem Fiuja We Yu No Sua long Hem Wetem Fet

Pikja

young adult looking at two paths

Mi mi wan man blong mekem plan Mi laekem blong save wanem bae i kamaot long evri dei, mekem se mi save rere from. Be ?olsem wanem bae mi rere blong fiuja taem we i stap longwe mo mi no sua long wanem bae i hapen long hem?

Laef i, bigwan tumas !I gat fulap samting long fored blong hem! !I gat fulap samting we bae i save hapen! I gat fulap samting we mi save mekem! Samtaem ol janis i tumas.

I gat fulap samting we mi wantem: wan hasban o waef, wan gudfala wok, blong laef ovasi, blong gat wan puskat, blong raetem wan buk, blong lanem lanwis blong Russia … Be mi save tu se, ol samting we hat i wantem mo ol ol oli stap jenis. Ol samting we i moa impoten i stap jenis.

Wan samting we i impoten we i no mas muv hem i komitmen blong yumi long God mo plan blong Hem. Wetem lukluk blong Hem we i stap lukluk long fored, yumi save faenem rod tru long fiuja we i fulap long ol kwestin from bae Hem i helpem yumi blong faenem ol ansa, wan step afta wan. Yumi nid nomo blong mekem ol bes joes we yumi save mekem wetem wanwan step.

Long seksen ia, ol yang adalt oli serem ol eksperiens blong olgeta wan abaot olsem wanem oli plan from fiuja wetem help blong Papa long Heven mo olsem wanem oli muv fored wetem fet taem oli fesem fulap samting we oli no sua long hem.

Taem i kam long fiuja, i gat fulap kwestin,be i minim se i gat fulap paoa blong save mekem samting. Yumi tu, yumi gat paoa—tabu paoa blong save kam olsem Papa long Heven mo boe blong, Jisas Kraes.

Mo hemia i mekem fiuja blong yumi i gat glori.

Meg Yost